دردشة بنات ليبيا , دردشة حوامل ليبيا , تجمع بنات ليبيا

[sosolibya]

شوفو شنو صار اليوم نايضة قريب من 6


مانا شنو مش قلتلكم فالحة

المهم ما جت 8 كنا فاطرين وغاسلة ماعين الفطور وحاطة لحم الراس يطبخ فى ماء وملح على الغاز
طبعا هذا مش حدث تاريخى لأنى من قبل فالحة فى تطييبه بروحى

بس أول مرة نشروه من المحل فى العادة متع العيد بس

بس مش عارفة شن جاه زوجى امش شرى الراس وشرى الكبدة والمصارين

تخيلو انخلعت وقتله شن خطر عليك مش كيف خدينا دوارة لحوش عيالى توا نديروها مع+-- بعض

قالى ياودى لالالا عصبان الحوش يقعد عصبان الحوش مافيش زيه وتاكل براحته خخخخخخ وناضت عمتك سوسو قالتله خلاص اتدلل

المهم زى الفالحة ظميت دنيتى ومشيت جبت السل من النخلات يعنى باش نجهز بعض الحاجات بما ان ريم راقدة وحماتى اصرت ترفع حمو لحفلة أطفال
مقامة فى بيت الشباب والثقافة بالزاوية

المهم

رميت الطنجرة على النار ان شاء الله بنديره مكرونة

وقردت الكبدة وحكيييييييييييت المصارين ونقعتهم فى اللليم ودرتلهم طلية صابوووووووون


ووغسلتهم

ومشيت لقطت شوية بسباس وكسبر عندى فى الصور

ولقطت ورق عنب للسوريين يبوه قالو خاظرنا فى أكلة ورق عنب (جنووووووووووودة خخخخخخخوينك هيا تعقدى)


وتوا طفيت على الطنجرة وقعمزت بنرتاح شوية


دهشت


لا اله الا الله محمد رسول الله