كيفكن حبيباتي كتير اشتئتلكن
ميورة حبيبة ألبي تأبشيني شو بحبك والله منورة انتي والامور هنودي ماشاءالله شو حلو ودلوع وعم أول لحالي لازم انشاءالله بس ولدت ابني لحأ حالي وجيب بنت مشان لحأها لهنودي أبل مايطير من ايدنا هههههه لان لحد الان صار عندو ستة وبلكي بتكون بنتي السابعة يعني مو ازا شفتي هنودة الكربوج حلو ومحبوب تأومي كل ماشفتي بنت تخطبيلو اياها بتوأفي من هلأ تحذييييير
حبيبتي كانو وحامك صعب معناها يمكن يكونو توينز
انا وحامي كتير سهل بس تعب ونعااااااس ياحرام زوجي يجي من الدوام يشوفني فارطة من نعسي يألي ليش مابتنامي بغيابي ألو نمت للساعة ١١ ونمت بعد الضهر يصير يعمل قهوة بالليل ويشربني مشان صحصح وانا ألو القهوة بتأذيني وهو يألي ازا فنجانين باليوم بتفيد 
مابضر وانا خاف عالبيبي واشرب نص فنجان واصلا كرهاني القهوة بحملي آم سأل الدكتورة عنها وايدتو بالرأي انتصر عليي بس انا عبس اشرب شفتين بس كرمالو والنعس مايفارأني وكان وحامي أريب من وحامك عالبرتقان المندرين ولهلأ كمان وعالمخللات وعاموالح والشيبس وعطبخات اللبن خلال شهرين طبخت ششبرك وكبة لبنية وكفتة لبن وطحينة وشاكرية وأرمان عم ألك حطمت رقم قياسي باللبن وهلأ جايي وحامي عالفول والفلافل والحمص
حبيبتي بدي اسألك لما كنتي حامل بهنودي الله يحفظو عملتي بالاسبوع العشرين فحص التراساوند مشان اعضاء الجنين الداخلية ؟ وكيف عرفتي اثناء الحمل انو هنودي طبيعي معليش حبيبتي كترت اسئلة بس مشان ألبي يطمن وتروح الوساويس من راسي وافرح بحملي
حاجتي وجعتلك راسك وهلأ هنودي بأول
مابدي آخد بنت خالي منار بلكي تلعت كلالة متل أمها هههههه
12-08-2012, 10:59 PM
رد: تجمع حوامل سوريا-دردشة ورود سوريا-دردشة الغاليات
بسبوسة زوجها 
جديد منتدى إستفسارات حوامل من الشهر السابع إلى الشهر التاسع
العرض الشجري
