لولي الحلوة ربي يسعدك ويهنيكي نورتي بيتك ومطرحك انشالله تنبسطي وتستفيدي معنا بس انتي لاتغيبي كتير بنات بيجو يوم وبغطو ماعاد منشوفون هههه
ماشاء الله تبارك الله ربي يثبت حملك ويكملها معك على خير وتشوفي النونو باحسن صحة لاتخافي حبيبتي هاي الامور طبيعية كتير وبس رحتي لعند الدكتورة قليلا تعطيكي مخفف للوحام وخديه عالريق مع بسكوت ناشف او قضامة او اي بسكوت مالح ولاتقومي الصبح بسرعة من التخت او تكوني باركة وتفزي عحالك بسرعة هاد بيعمل غثيان وحاولي خدي شغلات تخفف اللعية انا كتير اتعذبت منها اول اربع شهور ولي شو بشعة بس بعدين ان شاء الله بتروح وبتصيري تاكلي كل شي
اغلي زنجبيل واشربي هوي وفاتر بخفف اللعية
وفي كمان الهيل كوييس بس حبة وحدة بتكفي وخليها بتمك شي ساعة
بتعرفي انتي متلي اول شهر ماحس حالي حامل ابدا وفعلا بس بلشت بالاسبوع السادس عرفت شو هوي الحمل هههه
يييي نسيت عرفك بحالي انا هديل من ريف ادلب متزوجة من عشر شهور مقيمة بالرياض من تسع شهور حامل بالشهر السادس وعمري ست وعشرين سنة
ان شاء الله يارب كون فدتك بشي واي سؤال انا والصبايا جاهزين تكرم عينك وعراسي كل اهل حمص والخالدية الابطال خصوصا
وربنا يعجل بالفرج والنصر
08-08-2012, 12:40 PM
رد: تجمع حوامل سوريا-دردشة ورود سوريا-دردشة الغاليات
hadeel al rouh 
جديد منتدى إستفسارات حوامل من الشهر السابع إلى الشهر التاسع
العرض الشجري
