مالفرق بين ملابس الماركه والباقي من الماركات الرخيصه

[قطورة]

مشكورة يا ورد على الطرح الشيق
اولا انا اشوف ان العطور والساعات والمكياج ضروري ضروري تكون ماركة
ثانيا الأخت اللي تقول انها اذا ملت من الشنطة الماركة رح تبيعها وتتصدق بفلوسها
أنا برأيي ما في داعي تشتري شنطة ماركة عشان تتصدقي .....
ثالثا أنا من دعاة التوسط لأني بصراحة انسانة ملولة وأحب أغير كثيييير يعني مستحيل أشتري جزمة 4000ريال لأني أحس اني لابسة الفلوس برجلي (الله يكركم) ولو كانت ذات جودة عالية رح أمل منها وأرميها يعني مو معقولة أبقا على جزمة وحدة طول الموسم
وأرجو عدم المبالغة يعني في فالسوق شنط مو ماركات وبسعر متوسط وتخدم ....ليش لتنقطع شو انتي داخلة حرب .......
رابعا تقليد الماركات معبي السووووق ونادرا جدا جدا الناس اللي تفرق
خامسا يقولوا في الأمثال (القالب غالب)و(العبرة في الذوق) يعني أنا ما البس ماركات الا نادرا وكل الناس تنبهر في ذوقي _والله ما أبالغ_ وتسألني من وين شارية ملابسك
سادسا لأن الماركات تعتمد في المرتبة الأولى على الجودة فمعظم الموديلات تكون كلاسيكية وأنا أحسها جدا مملة مملة
سابعا أنا الحمدلله على وجه ولادة وماجهزت ابدا للبيبي ماركات ...لانو حرام مارح يلبسها الا فترة بسيطة
ثامنا أنا أشتري ماركة اذا كان عندي مناسبة مهمة أواذا كنت مكتأبة بس هههههههههه
تاسعا احنا الشعب السعودي خاصة نبغا مين يضحك علينا ......نصرف فلوسنا على الماركات والسوق والسفروالمظاهر وماعندنا بيت يسترنا وما يصير عندنا بيت الا لما نشيب ويضيع عمرنا.......شوفو المقيمين يشتغلوا في المملكة خمس سنين ويرجعوا على بلدهم مالكين موبس بيت لأ.... عمارات ماشاء الله
والله أعرف ناس رواتبهم وصلت عشرين ألف ريال والله للحين ساكنين في الأجار وهذا كله من المظاهر والاسراف على الأشياء الفانية ........
آسفة على الاطالة........