هنا تجمع حوامل الشهر (الاول والثاني والثالث)

[مرافئ]

المشاركة الأصلية كتبت بواسطة Miss YoYo

لا حبيبتي عادي هم ماعطوك رقمها إلا عشان تتصلين عليها
في اي وقت اذا عندك استفسار
انا حرصت علي بشكل كبير اني ادق
قالت لي اي شي يصير معاك لاتخجلين على طول دقي عشان لاتندمين بعدين
مو انتي راح تحطين مسج صوتي وهم عندهم وقت يحددونه يردون فيه على التيليفونات
وكذا ترجع تدق عليك

والله انا ماراح اولد هنا صعبه جدا
عارفه أول ولاده لي وما اعرف شي
ولا حولي أحد اعرفه يهتم فيني اول كم يوم ولاده على الأقل
وزوجي مو ذاك الزود في الاهتمام مايعرف يطبخ
ولاعمره شال اطفال واهتم فيهم وغير كذا عنده دوام وقت ولادتي
ومن النوع اذا نام مايصحى إلا بالموت يعني لو احتاج شي في الليل
انسى انه بيقوم مستحيل .. وخصوصا انا عندي فقر دم
ايام الدوره اتعب واجد وما اقدر اتحرك .. فـ شلون الولاده وبيكون عندي صغير
لازم اهتم فيه واراعيه وانتبه له
فـ ما راح اقعد هنا
ان شاء الله الشهر الخامس او السادس بالكثير انا نازله السعوديه اكيد عند اهلي
الله ييسر امورنا جميعا

والله أنا نفس الحكاية قالت لي دقي أي وقت حتى لو الساعة ثلاث الفجر .. احنا ما عندنا سؤال تافه أو غبي أسألي أي شئ وراح تلقيننا كلنا نساعدك ..
الله يعينك على النزلة وقت الحمل والله إنها صعبة ,, أنت بكرية ياقلبي عليك والله لو جنبي لأقوم فيك ... أنا مضطرة أولد عشان دراسة بناتي .. وزوجي زي زوجك والله ما يساعد في شئ الله يخليه لي .. لا وجنني في دراستي اهتمي واهتمي وأنا بأموت وهو مو داري ... أنا عارفة إنه طيب وقلبه طيب بس ما يساعد أبد .... الله يعوضنا الجنة وبس ..

الله يهون عليك يالغالية وعلينا جميعا يارب ,, ويطوي هالأيام بسسسسرعة يارب ...

بنتي أمس جتني تقول ياماما حلمت إنك حامل بستة تواأم فجعتني الله يخليها لي ههههههههههههه