دردشة حوامل أهل جدة - دردشة بنات جدة - تجمع حوامل مدينة جدة

[just baby]

السلام عليكم
ازيكم يا كروشات
انا دي اول مشاركه ليا في التجمع انا مصريه عايشه في جده من وانا صغنونه
وانا حاليا الحمد لله حامل في اول بيبي ليا في نص التامن الحمد لله
وبتابع في الاطباء المتحدون عند الدكتوره ريم محلي
حد فيكم سمع عنها ؟؟ لاني بصراحه الفتره اللي فاتت حصل منها كام موقف قلقني منها وبفكر اروح عند دكتوره تانيه
انا هحكيلكم المواقف علشان تساعدوني اول حاجه وانا في السابع كانت عايزه تكشف عليا نسا وطبعا انا عارفه لاني قريت كتير ان كشف النسا بيعمل تحريض للرحم ,,, هي كانت عاوزه تكشف نسا لان كان بيجيلي طلق مبكر وكانت عايزه تعرف الرحم مفتوح ولا لا فا نا قولتلها انتي متأكده ان ده طلق قالت لا قولتلها يبقي خلاص مش كاشفه نسا
تاني حاجه بقي انا عندي نقص حديد من وانا في الشهر السادس وقالتلي علي السابع هتعملي تحليل تاني علشان تتطمن من نسبه الحديد ولحد دلوقتي معملتش حاجه
تالت حاجه بقي من اسبوع كده كنت عندها فا بقولها ان بيجيلي صداع وزغلله ودوخه جامده فقاست الضغط قالت ضغطك كويس وانا بالفعل الحمد لله من اول الحمل وانا الضغط عندي كويس
المهم لقيتها بتقولي انتي نظرك ضعيف قولتلها ايوه من قبل الحمل قالت انتي كده احتمال تولدي قيصري قولتلها ليه
قالت روحي لدكتوره عيون واسأليها ينفع تولدي طبيعي ولا ايه
المهم لما رحت لدكتوره العيون الدكتوره استغربت جدااا كلام دكتوره ريم وقالتلي كلامها غريب اووي لان اصلا هي بتبعتك ليا في حاله واحده بس لو ضغطك مش مظبوط وقتها بعملك كشف معين علي عنيكي وفي حاجه معينه كده انا بقولها انها عندك بنسبه اد ايه وقتها هي اللي بتقرر طبيعي ولا قيصري .. بس انتي ضغطك مظبوط بعتتك ليه بقي
بصراحه انا من ساعتها وانا قلقانه من الدكتوره ريم اووووي
انتم ايه رأيكم اغيرها ولا اعمل ايه لاني خايفه
ولو غيرتها اروح لمين غيرها (( بس دكتوره علي التأمين ))