عندي مشكلة النوووووووم مررره متعبتني ساعدوووني

[حبة السكر]

مرحبا بنات...
عندي مشكله ياليت تساعدوني في حلها...

انا الحين توني مكمله الخامس بدخل السادس .. عندي مشكله مررررره متعبه نفسيتي اللي هي النوووووووووم
ياعالم انا من يوم العيد الاضحى وانا نومي متغييير ومو عاجبني ابد ..
تخيلوا يابنات اعاني من ارق فضييييييع لدرجه اني ما انام الا ساعه وحده او ساعتين بالكثير طول اليوم
تخيلوا اليوم نمت الفجر يمكن 10 دقايق وبعد الفجر يمكن غفيت10 دقايق والصبح الساعه 9 غفيت يمكن ربع ثلث ساعه بسسسس...
انا من الاساس قبل لا احمل نومي متلخبط بحكم اني غير موظفه ما انام الا بعد الفجر على طلعة النور ..مو متعوده على نوم الليل..
المشكله الحين زادت صرت ما اعرف انام لا بالليل ولا بالنهار
ياعالم انا تعبانه كثييير وعشاني ما انام صار النوم متعب بالنسبه لي في صراااع مع النوم لدرجه ان الافكار والهواجيس كلها تجي على بالي
صار يجي على بالي الولاده كيف بتكون ..خايفه كثيير من موضوع الولاده
في نفس الوقت حركة البيبي قد ماهي حلوه يارب لك الحمد قد ماتوترني انو فيه مسؤوليه قدامي عساني اكون قدها..
يجي على بالي النوم مررره متعبني وهذا انا لسى بمنتصف رحلة الحمل اجل كيف بيكون لما اصير بال8 وال9..
برضوا خايفه انو مشكلة النوم تستمر معاي حتى بعد الولاده وش بسوي وقتها وفي حياتي بيكون مولود
افكار وهواجيس اعوذ بالله من الشيطان
داومت على قراءة سورة البقره والاذكار كاااامله والادعيه .. صرت اقوم الليل وادعي ربي يعدل من وضعي ووضع نومي ويرزقني راحه وسكينه وطمانينه ويصرف عني الخوف والقلق والتوتر والوسوسه وضيقة الصدر


طووولت عليكم بس ييابنات جد محتااااجه نصايح رغم ان اهلي وزوجي مو مقصرين بس ودي اسمع نصايحكم ياحوامل..

الله يفرج عليها اللي ترد علي وتنصحني وتريحني

انتظركم