سؤال عن عدم وجود علامات للولادة

[Little MOM]

كيفكم؟!
ان شاء الله الكل بخير والأمور كلها تمام..

انا بكريه وخايفه من الولاده وبنفس الوقت احس اني مستعده لها هههه ..

بس عندي سؤال وياريت تفيدوني..

انا بالشهر التاسع وباقي تقريبا 11 يوم على موعد ولادتي..
راس البيبي تحت الحمد لله لكن لحد اللحين مافي علامات ولاده ولا اي شي ألآلم خفيفه بس وشوي وتروح مليت وابغى اولد بسرعه ياريت تفيدوني خايفه تتأخر ولادتي ويعطوني طلق صناعي مابغى!!

بالنسبه للمشي مااامشي كثير بحكم اني متغربه ودوام زوجي طويل واخاف اطلع بروحي ..


تم تعديل عنوان الموضوع لمخالفته لقوانين القسم رجاءا توضيح الاستفسار فى العنوان

[ام ظاافر]

حبيبتي لا تخافين البكريه لازم تخلص التاسع او تزيد يوم او يومين المهم لازم تمشين حتى بالبيت تلفين على كل غرفه خمس مرات علشان ما تطولين بالولاده وانسي من نفسك انك بالتاسع عشان يمشي الشهر بسرعه
رتبي اغراض النونو ورتبي شنطتك حاولي تسلي نفسك الله يخارجك وتقومي انتي والبيبي بالسلامه يا رب ادعي لي باقي لي 8 اياااام

[غلازوجي]

اهلين حبيبتي خخخخخ الحال من بعضه انا كمان بيكريه ولاعندي علامات ولاده ابدا ابدا والصراحه طفشت ابي اولد الرحم عندي ينفتح ويرجع يتسكر مره ثاانيه والفتره هذي ماعاد جاني طلق ابدا دعواتي لك بولاده سهله ولي ولاخواتي الكروشااات

[همسة دلع]

انا باقيلي 5 اياام واخلص التاسع ,,
الله يسهل على كل حاامل ,,
كثري من اكل الرطب كمان يسااعد والله يتمملك على خير ,,

[روح دحومي]

اكثري من القرفة و كماان كلي اناناس

و اذا تبي تولدي سريع زيت الخرووع والله انا ولدت و اخواتي ال3 عليه بعد الله عز وجل

صرااحة مرررة رووعة

الله يسهل لك ولادتك ياارب

[Little MOM]

ام ظافر: الله يسهل عليك وعلي يارب وعلى الكل..
اشياء البيبي واشيائي جهزتهم من زمان هههه من كثر الحماس

غلا زوجي:
الله يسهل عليك وعلينا يااارب ..

همسة دلع :
صحن التمر والجوز مايفارقني ههه
بالسلامه يااارب ..

روح دحومي :
حبيبتي القرفه مااحبها ..وزيت خروع ماتوقع بأمريكا فيه هههه انشاء الله بجرب اكل انناس لان سمعت ينصحو فيه ..
مشكورين عسولات..

[ام تميم 66]

الله يهون عليك يااارب وتولدين با السلامه ياارب,,,

[Little MOM]

مشكوره ام تميم على الدعوه الحلوه ..
والله يسمع منك ..
^^

[حنين الجنة]

عادى تتاخري شوية لانه انتى بكرية

وبخصوص المشي ماينصحوا فيه الا بعد فتح الرحم داخل المستشفى

اتمنى تقومين بالسلامة

[طبيبة القلوب]

الله يكون بعونك ..........
..