طلبتكم لا تردوني

[تفداك عيني]

السلام عليكم ورحمة الله وبركاته

اتمنى محد يردني

خواتي الدوره اتاخرت علي لهذا اليوم 6 ايام

وسوت تحليل دم من خامس يوم طلع سالب

وطول الفتره احس بمغص والالم بالظهر
و بحرقه بعد الاكل وضيقه بالتنفس .. وخيوط بيضه تنزل مني كل ماسرت الحمام اكرمكن الله

واللي خلاني اشك اني كنت احب عطر معين من عطور ريلي وصرت الحينه كل ماشمها تلووع جبدي واحس اني برجع حتى هو شك فالموضع

لكن عقب ماطلعت النتيجة سالبه .. شليت الموضوع من بالي

اليوووووم ياني عواااااري قلت الحينه بتنزل من الدوره

جيكت الخيوط البيضه صارت خيوط دم

ونزلت من قطرات دم فااااااااتحه اللون

عقب وقفت عني

هذا الشي عادي ولا حد استوا له ؟؟؟؟!!!

[ندى المطر]

ماعرف ياقلبي بس ان شاء الله تكوني حامل ~

[فلونه]

انشاءلله تكونين حامل يارب

حاولي تصبرين يومين اذا مارجع الدم حللي مره ثانيه

ربي يرزقك ويرزقنا بالذريه الصالحه يارب

[تفداك عيني]

ان شاء الله يارب . . والله يرزق كل محرووم ياارب

بس حبيبتي خامس ومن الدوره مابين لا بتحليل الدم ولا الفحص التلفزيوني


ممكن يصير حامل بس مايبين ؟؟؟

[ندى المطر]

ممكن ليش لاا
وكل شي باراده الله
عليك بالدعاء والاستغفار
ويارب تبشرينا قريب

[تفداك عيني]

ان شاءالله . . جزاااج الله خير

الله يعطييج على قد نيتج يارب ويسعدج

[الامل الكبير]

صبري كم يوم وعيدي التحليل

ويارب تكوني حامل

[تفداك عيني]

مشكوور لكن من اهتم و رد على موضوعي

بس حبيت اخبركن اليوم يدتني الدوره

لكن مانزل مني دم اللي نزل مني قطع دم يوم اسير الحمام عزكم الله


الله كريم

[تفداك عيني]

محــــد رد عــلي .. هالشي عاادي ؟!!!!

[تفداك عيني]

لييييييييييييش محد يرد