بكريه وماتوقعت الولاده سهله كذا

[جوجو22]

اول شي باركولي ولدت صار لي اليوم 18 يوم والحمد لله كني ماولدت بحكي لكم قصه ولادتي بالتفصيل
اول شي جاني مغص خفيف عالفجريه صحاني من النوم فقمت وصليت وفطرت والمغص يجي ويروح بس خفيف جدا قلت يمكن البدايه كذا الا شويه دخلت الحمام لقيت دم مع ماده لزجه بس مافي الم عشان كذا قلت ممكن مقدمات بعد يومين الولاده قمت لميت بقيه ملابسي وجلست ارتب شويه بالبيت لين صحي زوجي للشغل قلت لو عندي مغص بس لا تقول لاي احد لانو ممكن مو ولاده
المهم رجعت نمت وصحيت عالساعه 2 الضهر والمغص لسى خفيف جدا يجي ويروح قمت دقيت عالدكتوره قالت لاتجين لين يزيد ويصير كل خمس دقايق ومنتضم وفعلا اتغديت وقعدت ادور بالبيت رايحه جايه طبعا زوجي ربشني زياده يلا يلا عالمستشفى وانا مو راضيه سويت كنو مافيني شي لين مانام وكملت مشي بالبيت لين الساعه خمسه العصر سويت لي كاسه قرفه وعسل وبشرت حبه جوزه الطيب وصحيت زوجي وعالمستشفى قالو لي الرحم مفتوح 2 سم بعد ساعه كشفو لقيوه 4 سم وطلعوني على الغرفه اللي حجزناها واتصلت على اخويا واختي يجو بدون لا يخبرون امي لانها خوافه زياده ولا كلمت اي احد غيرهم وجهزت مسج عشان لمن اولد ترسله اختي للكل وقلت لزوجي روح جيب احد يسوي زينه لباب الغرفه يعني جهزت كل شي بعدين دخلت على غرفه الولاده كانت الساعه 9 والمغص يجي زي القرصه ثواني ويروح عشر دقايق ويرجع وانا مستنيه الاكثر لسى وجلست اقرى قران ومعايا ورقه ادعيه جلست ادعي لين قلت امين عالساعه 11 جات الدكتور ودخلت يدها وفقعت لي مويه الراس وبدا الالم يزيد صار كل خمس دقايق على 11 ونص زاااااااااااااد الالم صرت مني متحمله شي واتقلب بس سبحان الله مافي ولادمعه حسيت نفسي قويه هههههههههههه واختي جنبي تدعي لي وتصبرني الا جات الدكتوره والممرضات وبسرعه يوقولون ولاده ولاده ويجهزون وانا خايفه بس مركزه معاهم تماااااااااااااام وجت اول دفه والثانيه وانا دفاتي كانت ضعيفه طفشتهم وهما والله ماقصرو ساعدوني بقووووووووه يضغطون معايا دي كانت اصعب اللحضات لانو ادف الين ماايبدا الراس بعدين انكتم واوقف والدكتوره تصرخ تقلي النونو بيموت دفي يقوه وانا عندي كتمه ماصدقت انو يخرج بعدين رااااحه اطالع النونو مافي صوت سابوني وراحو ورا النونو ورا الستاره وانا ماني عارفه ايش اللي صاير ازعق ايش في طمنوووني وهما فوق النونو ونادو دكتور تاني ولسى مافي صوت وانا زي المجنونه نسيت الم الولاده بس اسمع صوت تصقيع في النونو واصرخ ياااااارب كمل لي الفرحه الين سمعت صوت بكى نمت حق دقايق بس شويه جابو النونو فوق صدري وانا ماني قادره احرك يدي حتى تحطو اللممرضه فوق صدري ويطيح تقلي امسكيه الحمدلله انتي خلاص ولاده كل شي كويس وانا زي الهبله بس اطالع في النونو بعدين جات الدكتوره قالت لي امسكي الاكسجين واشفطي بقوه عشان لاتشوفيني وانا اخيط ركبو لي حق الرجول ورفعوها وجلست تخيط وانا انام واقوم وهيا لسى تخيط لين خلصت نضفت تحتي وخلوني شويه ارتاح بعدين شالوني على غرفتي وهااااااااااااتك نوم ماحسيت على نفسي لين الصبح بس والله حسيت الولاده تساهيل من رب العالمين واتوقعت نفسي مااتحمل طلعت قويه ماشالله هههههههههههههههه الله يسهل لكل حامل اهم شي تصبر وتقرا سوره الزلزله وسوره مريم وبدايه سوره البقره ونهايتها والمعوذات وشويه ادعيه مكتوبه في النت وتاكل تمر كثير وبصراحه حسيت كاسه الحليب بالقرفه والعسل وجوزه الطيب ساعدتني كثير لانو كلها تقوي الطلق وتفتح الرحم بسرعه كل ماسووو لي تخطيط للطلق يقوولون الطلق عندك مره قوي وانا مو حاسه بالم قوي هيا اخر ربع ساعه او اخر خمس دقايق اللي كان فيها الالم شديد اما بقيه اليوم الم خفيف يجي ثواني ويروح كمان يمكن ساعدني انو اخدت دش دافي خليت المويه مركزه على ضهري دافيه هونت عليا الالم مادري انا يوم ماشفت الدم وانا كل شويه اسوي شي فما حسيت بذاك الالم الفضيع واهم شي مااخدت طلق صناعي :) عارفه كلامي كثير واذا ماانتبهت بجلس لين بكره احكي ايش صار لي بعد الولاده ههههههههههههههه

[البتول...]

ماشاء الله تبارك الرحمن عقبالي ياااااااارب ....
الحمدلله على سلامتك وتقومي بالسلاااااااااامه يااااااااارب ....

[اجمل ما خلق ربي]

ماشاء الله


الحمد لله على سلامتك والف مبروووووووووووووووك النونو

[حسنا]

الحمدلله على
سلامتك يااااعسل

[Almasah]

الف الحمد لله على سلامتك
ومبروك ماجاك

بس ماقلتي لنا بنت ولا ولد

[همس الكلام]

ماشاء الله تبارك الله
تساهيل من الله
الحمد لله على سلامتك والف مبرووووووووووك البيبي
يتربى بعزكم

[RAMA2011]

الف الحمدلله عالسلامة وماشاء الله الصلاة ع النبي ربي يحفظك ويخليلك اللي عطاك ويسهلها علينا وع كل مسلم يارب.

[طبيبة القلوب]

ماشاءالله عليكي
ربي يحفظك يا حبيبتي .....
واكيد مسوية اشياء كويسة في حياتك ,,ربنا اكرمك بولادة سهلة عقبالنا يارب ..............
وتبقى ذكريات ولاحظت حاجة ن خلال سردك للقصة انك ما صحتي والكل يقول بدك ولادتك تسهل لا تصارخي ..
سبحان الله !!!!!!!!!!!!!!!!



الف مبارك .....

[حنين الجنة]

الحمد لله على سلامتك والف مبروووووووووووووووك النونو

[ام عناد]

الحمدالله على سلامتك ياقمر والف مبروك على النونو الله يحفظه

كلامك رفع من معنوياتي شوي باقي لي اسبوعين ودخل التاسع ومره خايفه من الولاده

الله يسهلها علينا يارب