مستشفى الحرس الوطني بجدة كيف الولاده فيه كويس ولا لا

[لطوف]

بسم الله الرحمن الرحيم
السلام عليكم ورحمة الله وبركاته
ياخواتي هذا اول حملي لي وانا الحين اراجع في مستشفى الملك خالد للحرس الوطني بجده وما اعرف كيف الولاده فيه مناحيه الاهتمام بالام والطفل هل هي كويس ولي جربت الولاده فيه او احد غيرها تقولي كيف الولاده فيه كويسه ولا لا

[يارب عفوك]

انا من الشرقيه واعرف اللي بالشرقيه

بس بصرآحه الكل يمدح فيه

يقولو حيييييييل راقي وروعه تعاملهم معاك يكون

وكل مستشفيات الحرس يمدحون فيهم ككل..

[لطوف]

الله يعطيك العافيه

[قمر خالد]

انا ولدت فيه هو كويس وقت الولاده اعطتني ابره مخدر وكمان الاكسجين "ماسبتته اللين ما غلقته وقعدت اصيح اللين ما جابوا اسطوانه ثانيه"..

لمن صحيت بعد الولاده بساعات والله مره اهتموا فيني شالوني وسندوني ولبسوني وودوني للحمام بس من يعد ما طلعت من قسم الولاده وودوني لغرف التنويم


صراحة جا حظي عند ممرضه بنت كلب بس تنافخ علي ولا تساعدني حسبي الله عليها انا ولا تبغى تسوي شي وكمان الددكتوره الخايسه لما جت تبي تشوف الخياطه قاعده تصيح علي هي والممرضه عما يعميهم ثنتينهم قلك مستعجله طال عمرها وانا بادوب اقدر اتحرك الله لا يسامحهم



وكماااااااان فيه وحده مصريه دبه في الطواريء الله لا يوفقها والله ما اسامحها لا دنيا ولا آخره
انا جيتهم بكري ومو عارفه شي وكانت بتكشف من تحت تبغى تشوف كم مفتوح الرحم وانا ما اعرف ايش الهرجه ..بكل عنف دخلت يدها عساها الشل بقوه الملعونه وعورتني مررررررررررررررررررره قعدت ابكي وتقولي اسكتي ما تبغاني اقول شي




انا حكيتك عن آخر شي بالذات عشان تنتبهي لانهم يدخلوا اليد بالكامل عشان يعرفوا كم الرحم مفتوح...ز


ومن وحده لوحده


كل اللي كشفوا عليا من بعدها ما عوروني وكمان كان فيه وحده سمينه بس الله يسعدها ما عورتني



هي بس هذيك النجسه حسبي الله عليهل


وبالنسبه للمتابعه ما يتابعوا الا كل 3 اشهرتقريبا

انا كنت اتابع عند طبيبتي في المستوصف وما اروح للعسكري الا للمواعيد بس لحد الولاده

ان شاء الله افدتك واي سؤال ثاني حاظره

تحياتي لك

[لطوف]

مشكوره يا اختي
طيب كيف اهتمامهم بل الجنين فيه دكتوره خاصه تهتم فيه وقت الولاده ولا نفس الدكتوره الام ووقت ما انت متنومه عندهم قبل الولاده يجون عندك ولا مطنشينك وما يسالون عنك ويسمحون امك تدخل معاك قبل الولاده يعني مرافقه
واسفه على الاطاله

[مليون خاطر]

انا بصراحة ولدت في مستشفي العسكري في جدة كويسه مررره فوق ماتتوقعين فمابالك في الحرس بجد سمعت عنها جنااان

[لطوف]

مشكوره يا اختي

[قمر خالد]

السلام عليكم أختي

معليش انا فهمت العنوان غلط

كنت احسبك تقصدين المستشفى العسكري تبع الملك فهد وهو اللي كنت اقصده بكلامي


اما مستشفى الحرس فاللي اعرفوا هو انو كثير متطور وافضل


والله يسهل لك ولادتك يارب


اتوقع ان نظام الولاده ما يختلف كثير
فالبيبي تعتني فيه الممرضه مش الدكتوره



تحياتي لك وآآآآآآآآسفه عالغلط

[غنوجة خالد]

انا من الشرقيه صراحه الي عندنا روعه في الاهتمام في الام والطفل

[المتفائله..]

وين موقعهم بالضبط

دخيلكم ردوا

وهو كم حرس وطني بجده ؟؟