ساعدوني بليز

[قمر]

السلام عليكم ورحمة الله وبركاته
حبيت اقولكم مشكلتي لاني من جد ابي نصايحكم يااخواتي انا مالي غيركم ينصحني وش اسوي
انا لي سنه تقريبا متزوجه وحامل بشهر الخامس مشكلتي ان زوجي ماخذ موقف من ابوي لان كان ابوي الله يهديه مو راضي ان يدفع مع زوجي النص عشان الزواج الاصول عندنا النص بالنص وابوي كان مو راضي لانه كان يفكر انه يتزوج بعد امي الله يرحمها كان دايم يقول مو لازم حفله وساوالي حفله بصراحه يفشل استراحه مبهذل

[قمر]

وراح سواله بعدي بخمس شهور ملكه بقاعه والزواج كمان بقاعه وزعل زوجي من الي سواه وانا كمان اخذت موقف من ابوي لانه حرمني من ليلة العمر كم مره الوحده تتزوج بس خلاص نسيت لان مهما يكون ابوي بس زوجي زعل وقام يقول انا الي اول مره اتزوج سوالي زواج قرف وهو هذا ثاني زواج له وسواها بقاعه لاكان راضي يدفع ولاكان راضي اني اسويه لوحدي لان زوجي كان يفكر انه يسويه لوحده بس ابوي راح عند ابوه وقاله امها توها متوفيه وش بيقولون الناس و مع انه امي لها تقريبا تسع شهور متوفيه وقتها

[قمر]

وقام طبعا ابوه وافق ابوي على كلامه وصار الزواج ومن يوم ماتزوجت ماطبيت بيت ابوي لانه مانعني واشوف خواتي بيت جدتي دايم يوديني عند جدتي اذا شافني طفشانه وش اسوي عشان اخليه يرضى اني اروح بيت ابوي مهما يكون هذا ابوي بس هو مو راضي وقالي اذا بتروحين روحي للابد وانا مابي اخسره ولاابي اخرب بيتي واروح بيت ابوي واقعد عند زوجت ابوي مهما يكون باكون غريبه وهي صاحبةالبيت ومابي اكون عله على ابوي لسى عنده خواتي اربع بنات ماتزوجو ودايم مشاكل مع زوجته وربي محتاره وش اسوي ونفسيتي زفت دايم ابي ومااكل تعبت والله مدري وش اسوي دايم احاول اني ماافكر لان تعبت وخايفه على البيبي وبصراحه ابوي كان مكرهني حياتي قبل لااتزوج كان دايم يشك فيني وفكل البيتت ريحوني وش اسوي اقعد في بيتي ارحم لي او اروح في الجحيم عند ابوي ريحوني وربي اني تعبت وادعولي ان الله يهدي زوجي هو طيوب وحنون بس مدري له يسوي كدا كل ماافتح له الموضوع يقول انا كان ودي يكونو كل اصدقائي حولي زي العالم وقت زواجي بس الشكوى لله انصحوني الله يرحم والديكم اخواتي انا مالي غيركم بالدنيا

[عزيزة النفس]

بصراحه ابوك غلطان لكن هذا ابوك
اذا كان عاداتكم ان ابو البنت يدفع النص ورفض فهو اكيد غلطان لانه كان يفكر بنفسه
وبصراحه اكثر احس انه استعجل بالزواج مامرت عللى امك سنه كامله
هو من حقك انتي وزوجك تاخذون على خاطركم لكن الحمد لله انتي الحين تزوجتي واللي راح راح يا اختي والله لاتفكرين باللي راح فكري بالجاي وحاولي تنسي زوجك السالفه وقولي له ما
مايحط راسه براس ابوك ويقدر انه اكبر منه بالسن والحمد لله الدنيا فيها من الهموم والمشاكل اكبرمن مشكلتكم
وانتي مابقالك غير ابوك خليك باره فيه وتراها دنيا فانيه

[سموة الشوق]

ياقمر


اولا

ألف ألف مبرووووووووووك عالحمل

والله يتمم عليكي على خير ويرزقك الذرية الطيبة الصالحة من عنده
ويقر عينك وعين زوجك بشوفة ضناكم

ماضي وانتهى

اجلسي جلسه هادئه مع زوجك
وأقنعيه إنك كنت تتمنين زواج على مستوى بس ابوي وش أسوي فيه

وليس من البر بوالدي أن أعصي آوامره

يكفي إن باب الجنه أغلق بوفاة الوالدة الله يرحمها ويغمد روحها الجنه
وبقي لي الباب الثاني وهو طاعة والدي الله يحفظه

وانسي عمايله اللي سواها بيوم زواجك

إمحيها

وحياتك اللي جايه هي الأحلى دامك مع أعز إنسان زوجك

حسسيه بحبك الخالص
وإنه بالدنيا كلها

وخلاص الماضي ذهب

وش فائدة تذكر الماضي المؤلم الذي ذهب على غير ماكنتوا تتوقعونه

خلاص وش الفائده

الله يخلي لكم الأيام الجايه بوجوده جنبك وحولك

وهذا أسعد أوقاتك معاه

وهذا والدك مالك كلمة عليه

الله يديم المحبة بينكم ولايفرق بينكم






ألف ألف مبرووووووووك عالحمل

[قمر]

الله يجزاكم الف خير
والله يبارك فيكم
انا كنت افكر اني اخليه واروح بيت اهلي للابد زي مايقول
بس خلاتي قالولي انتبهي تخربين بيتك بايدك
وهو يحبك وكان صابر على ابوك علشانك لو واحد غيره كان خلاك عند ابوك وراح
تزوج غيرك انا بصراحه مابي اخسره لانه زوجي وكل دنيتي وابو عيالي بالمستقبل
انا انشالله راح احاول اني اتكلم معه بس اذا مانفع فيه خلاص راح اسكت وراح ارضى بالامر الواقع لاني تعبت جداااا وانا سويت الي على والله يهديه انشالله ويجي هو بنفسه يقول لي روحي زوري ابوك ادعولي يااخواتي الله يخليكم
وشكر خاااص لكل من ردت على موضوعي

[سموة الشوق]

لا يالغاليه

انتبهي تخربين بيتك


اللي بحشاكي حرام يعيش وانتوا مفترقين

فكري بضناكي يالغلا


معلي

تحملي منه

وأدخلي طرف ثالث يصلح بينكم

بالكلام الطيب


وحسسيه إنك ماأنتي راضيه عن فعايل أبوكي
بس ماباليد حيلة

وتصبري ياعمري

وانتبهي لحالك

بالكلام الحلو تقدري تحنني قلبه عليكي

وماعليكي باللي صار خلاص


وهو كمان قولي له

إتركنا من الماضي وخلينا نعيش لحظاتنا الحلوة بإنتظار قدوم أجمل هبة من رب العالمين

والله يبعد عنكم الهموم والكدر ويبعد شياطين الإنس والجان عنكم يارب

وطنشي الناس ولاتسمعين لحكيهم أبد أبد

حتى زوجك
المفروض تعيشون أسعد الأوقات

قولي له إن اللي بأحشائي يخليني أنسى الدنيا وماأفكر إلا فيك يالغالي

ومن هالحكي الحلوووو


والله يلين قلبه ياقمررررررررررر..

[حصه]

مبررررررررررررروك على الحمل الله يتمم على خير خلاص يااقلبي ماااضي وراح حاولي تقنعيني زوجك قولي هذا ابوي اذا مافيني خير لهااا مافيني خير لك كلميهاا وهو راايق ومبسووط قولي لهاا الي متي كذاوزعلي يوم يومين يمكن يحس خااصة انك حاامل قوووووووولي ابي ااشووف ااااابوي وخليكي حزينه وسلللامتك يالغااليه

[مامت ملك روحي]

بسم الله الرحمن الرحيم ألف مبروك .. علي الحمل وربنا يتممة بخير 000حاولي تصلحي علاقة زوجك مع ابوكي علي متقدري وتسعدية انة ينسى الموضوع دة وبكرة يجي النونو ويصلح كل شيء000

[شوكولاتة سويسريه]

الله يتمم عليك بخير
وخلي الصلحه للظروف
انتي عليك يالدعاء وبتشوفين بكررره تتصلح الاحوال ......
وبيصلحون في يوووووم قريب انشاء الله ....