حنا نتفاخر با اصلنا يابنت هذا طبعنا‎

[مودي]

بسم الله الرحمن الرحيم


حنا نتفاخر با اصلنا يابنت هذا طبعنا‎



::قالت بدو ::
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
تصدر حكم ماتلتفت
تحكم ولا تترك
مجال
قالت بدو
متصورتني باستحي
واترك مكاني وانتحي
تفاجئت .. تغيرت .. تلعثمت
ماتدري اني ابفتخر
لي الفخر
حنا بدو
حنا عمى عين العدو
حنا البداوه وضعنا
واهل الوفا هم ربعنا
حنا نتفاخر باصلنا
يابنت هذا طبعنا
ماهي بداوة تليفزيون
والا مسلسل اردني
بس بدوي بالمكرفون
ولا هد سيفه ينثني
ولا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل الى جيل انتقل
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
حنا البداوة عيدنا
ماناكل الى صيدنا
مانعيش عالة مجتمع
نموت مانمد ايدنا
حنا بدو
حنا البداوه بدمنا
مانسمي احد عمنا
حتى ولو منهو يكون
لو هو زعل ماهمنا
حنا البدو
حنا البداوة عمرنا
محداً بيصبر صبرنا
لانها مصنع للرجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا
حنا بدو متماسكين
وهذي نتيجه وصلنا
يابنت يالي تضحكين
قلتي بدوي تستهزئين
غرك لباسك الاجنبي
المشكله ماتعرفين
ان البدو اصل العرب
تبغين هالكلمه طرب
صارت نشب
ياانسة .. ياعانسة .. ياضايعه ومستانسة
ياتارسه وجهك صبغ
ياتارسه عينك شدو
حنا البدو
ولو كان قلتيها بقرف
لنا الشرف

[مودي]

انشاء الله تعجبكم
هذي من ايميلي الخاص اعجبتني وقلت اخذ رئيكم فيها

[shaikah.1]

كل شي منج حلو

تسلميين غلاي

[سموة الشوق]

حلوووووووووووووووة

من جد البداوة هم الأصل والفصل

واللي ماله أصل ماله أساس

وأفتخر حنا من البدو..


سلمتي يالغاليه على هالكلمات الرائعه..

[مودي]

تسلمو حبايبي عالكلام الحلو

[غلا الشوق]

كلمات روعة

وابداع

مشكورة يالغالية
نتظر المزيد من ابداعك الحلو

[جود الاماسي]

|| ||

بــــوركـت جهـــودك
مــوضــــــوع قييم ورائـــــــع
يعطيــــك ألـــف عـــــافيـة
أحـــببت تــواجـــدك
كــــوني دومـــا مـنيره للقســم
لــك ودي

|| ||