أنا مليت من كلام الناس وش اسوي

[أم ريتال وريان]

بسم الله الرحمن الرحيم
السلام عليكم ورحمة الله وبركاته
كيف حالكم إن شاء الله دائما بخير ؟






أخواتي بليز ساعدوني انا بجد مليت وطفشت من الناس وكلامهم ماعاد ابي اروح لأي مكان عشان افتك من كلامهم


مشكلتي مو مشكله بنظري ونظر زوجي والناس الفاهمه لكن فيه ناس ترفع الضغط بجد
انا بكريه وحامل ونظرا لضعف وزني وكمان لاني بكر ماطلع لي بطن
ابد وانا الان بالشهر السادس
وانا اي مكان اروح له الناس بس تسال انتي بجد حامل طيب ليش ماطلعلك بطن انتي ماتتغذين صح اكيد زوجك معيشك عيشه زفت ومبهذلك
وانا ارد عليهم قلتلهم انا بكريه ومعروف مايطلعلها بطن الا ب 8 او 9
قالوا طيب ماتشوفي حماتك كيف ماشاء الله عليها من 3
ووووكلام كثيييييييييييييير

ومو بس الناس كمان ابو زوجي
لدرجه اخر مره جاء يسلم علي طلعت ولبست جلابيه وحطيت مخده ؟؟؟!!!! وسكت وافتكيت لانه كمان بيزعج زوجي بكثرة السؤال مايكفي اني حملت


والدكتورة سالتها قالت 2 كيلو بالشهر دنتي بتطلعي ورده متفتحه


لكن شسوي بالبشريه هذول بالله ابي شىء يسكتهم
سامحوني طولت عليكم لكن ابي افضفض وابي حل منكم خواتي



والله يسعد من ترد

[سولآف]

الحمدلله والشكر بس
مانفتك من كلام الناس لاصار البطن كبير قالوا متعافيه وبأكمل صحتها وزوجها مدلعها للآخر

واذا صغير قاموا يتكلمون اكثر

ياختي طنشي عادي والله بنت اخوي ومرت خالي ماكبر الا يوم دخلو الثامن كانوا يلبسون نفس ملابسهم وبعدين جابوا مقاس اكبر من مقاسهم الاول قبل الحمل برقم واحد مابان لهم بطن ابد

وللمعلومه اللي مالها بطن اصح من اللي بطنها كبير لان الكبير كله مويات وانتفاخاات

انتي حبيبتي لاتكلموا قولي اوب مهم الكبر اهم شي صحته كويسه والحمدلله

[أم ريتال وريان]

مـلآذ

والله انك صادقه مانفتك من كلامهم في كلا الناحيتين
وانا الحمدالله اللي مصبرني زوجي الله يحفظه وبس يمدحني ويمدح شكلي يقولي احسن لك لاودتي ماتتعبي في تنزيل وزنك والتعب حتى في الحمل خليك خفيفه احسن

وانتي الصادقه اللي بطنها كبير كلها مويات وانتفاخات لكن العكس عند الناس الصحه والعافيه >>اهل العقول في راحه

مشكورة وربي يعطيك الف عااااااااااافيه يارب ربي يسعدك أمييييييييييييين

[shoosha]

معليش من كلام الناس
من فكر في كلام الناس مات هما

[امونة**]

وعليكم السلام ورحمة الله وبركاته
يا اختي مع احترامي الشديد لك
بصراحة انتي اللي متعبة نفسك
اخر شي كلام الناس
مو مهم لك بطن اولا اهم الشي البيبي كويس وبصحة تمام
ادا كان البيي كويس وزنه طبيعي فكبر البطن احيانا على حسب موية الجنين واحيانا على حسب جسم الوحدة
الله يسهل عليكي حملك ويقومك بالسلامة

[نـ/ـوَورٍَعٌينِهـ]

ههههههههههههههههههههه

والله حالتكـ نفس حالتي تقريبنآ

امـ زوجي مدري كيف تفكر كل مرهـ تشوفني تسئل وين بطنكـ

خخخخخخخخخ

ولا مو كذا تخليني اكل اكلاتـ دسمهـ علي قولتها يتغذا الجنين ويكبر

هع هع هع مدري هي يعني ماحملتـ من قبل وتعرفـ كيف يسير في البكر؟؟!!

وتقول اذا مايجبلكـ اكل قليلي وانا اجبلك الي تبين تفكر ولدها معيشني في مجاعهـ خخخخخخخخخخخ

والحين يوم رحتـ عند اهلي كل ماتكلمني دايمـ هذا السؤال طلعلك بطن يابنتـ والله مدري ايش تبي بالكرشهـ كئنها هي الي بتشيلها


ماقول بس غير الله يصبرنا آإآإأمين

[سموة الشوق]

وش عليك منهم

أهم شئ صحتك وصحة الجنين

ردي عليهم كذا

ولاتاخذين بخاطرك

الناس ماوراهم إلا الهم

طنشي كلامهم وارميه بالبحر

وأهم شئ زوجك يالغلا

والله يسهل حمالك ويرزقك الذرية الطيبة من عنده

[عزيزة النفس]

معليكي منهم
وصدقيني بعد الولاده بتحمدين ربك
ان بطنك ماكبر
بدل ماتعاني من الترهلات
وتدورين الريجيم والرياضه
بتكونيين مرتاحه
من وجع الراس
ماشاء الله تبارك الله
انتي في نعمه بتحسي فيها بعدين
ولا تهتمي لكلام الناس
ياما شفنا منهم ولكن لازم نعيش حياتنا
الله يوفقك يارب

[بيسان]

هذي انا بالسادس بطني كبير وعندي نقص تغذية يعني عالفاضي واللي يشوفني يقولي ليه بطنك كبير كأنك توأم المفروض ماييطلعلك بطن وانتي بكرية بس أنا ماخذاها طناااااااااااش
لاتردي االناس مافي شي بيسكتهم
الله يقومك بالسلامة هذا اهم شي

[TOomy]

الحمدلله رب العالمين
ههههههههههههههه
شر البليه ما يضحك
حبيبتي ماعليج منهم
هذلين مرضه ههههه اي والله ليش ما طلع لك بطن
ليش هو منك
البيبي صغيرررر
والله اطلعي وروحي وتعالي ولا عليك من احد