دردشة حوامل أهل الرياض - دردشة بنات الرياض - تجمع حوامل الرياض

[دانات]

حياكم حوامل الرياض ممكن ننضم لكم

[لوووورا]

المشاركة الأصلية كتبت بواسطة دانات

حياكم حوامل الرياض ممكن ننضم لكم

هلا وغلا وربي راح ينور التجمع بطلتك ياقلبي

[لوووورا]

وش اخبارك اختي الكادي بشري عن صحة العرووووووس
وربي اشتقت لزهور الوووووورد

[دانات]

المشاركة الأصلية كتبت بواسطة لوووورا

هلا وغلا وربي راح ينور التجمع بطلتك ياقلبي

وااااااااااو شكرا
منور التجمع بكم يا احلى لورا

[شعاع الأمل]

مساااااااء الخير حبيباتي كيفكم مع البرد اكتب وانا انتفض هاليومين برد
كآاااادي:: ياقلبي كيفك لك وحشه والله ،تصدقين تذكرت كلامك رحت للمستشفى الاحد اللي راح
مجودي تعبان ودخلنى الاسعاف الا وحده وزوجها معها سعوديه وماظنتي المهم الحرمه صدرها
مكشوف وعبايتها ع الكتف وحاطه طرحه شافه زوجي وزوجها دبه مره شايل شنطتها وجاكيتها
وهي تجنن مره مره يقول زوجها تقدرين تشيلين الشنطه ولا اخذها معي وقلت بنفسي والله
لو منك لاشيلها بكبرها من جمالها حتى وهي تتالم قمر مشالله ،،المهم الحريم وغيرتهم
يوم طلعت انا وزوجي قلت شفت الدبه وزوجته قال آيه اللي صدرها مكشوف اعوذ بالله
وزوجها يسحب شنطتها حاطها بكتفه ،قلت يالومه بلاه الزين <ابي اشوف دقق بملامحها
شر الحريم خخخ قال اي زين ويا خشمها تقولين جحرنمل خشمها قلت بالعكس جنان
قالووالله ماتدرين وين الزين معه خخخخخ ايش رايك؟؟!
وقابلت وحده اردنيه سئلتها عن الولادها بالمستشفى تقوول تجنن تجنن عنايه ممتازه كأن
امي معي ،تقول ولادت وزوجي معي من الخوف عشاني بغربه ماسكه يده لحد ماولدت
وتقدري تتدخلي زوجك معك قلت انا ادخلها عساني اندفن ولا ادخله الايفارقني وراه بس هههه
بصراحه عسل اخلاقها وسترها شافت ولادي قالت حرام شكله مره تعبان .
وهذي كل اخباري آيه صح بطلع للمستشفى الحين عندي موعد مع دكتور الغده ؟؟

[ام فجوره]

السلام عليكم اخواتي
اخواتي انا في الشهر السابع واحس اني ودي ابكي واصرخ وكل وقتي ضايقه وحلام من ذو وقت طويل يتكرر نفس الحلم احس اني تعبانه نفسيين والله اني اكتب وانا ابكي
فقول لي ماذا افعل وماسبب هذا كله لا تطنشوني انا محتاجتلكم بعد الله

[كآدي]

شوق جده / قلبي معاك وطمنينينا على مراجعتك
امنيه تتحقق / بنسبه لدورتي ما تغير شكلها نفسها اللي انا متعوده عليها الشهور اللي قبل
دانات / نورتي يا قلبي جعلني فدوه لك خليك معانا كل يوم
لورااا / انا تمام يا قلبي
شعاع الورد / برد على مشاركتك ان شاء الله وطمنيني على اختباراتك مره وحشتيني يا قلبي دوووم ادعي لك با التوفيق
ام فجوره / فديتك لا تعسرين على البيبي وخلي نفسيتك حلوه وترا الاحلام ما تحدد مصير احد ولا تبكين ولا تحسرين نفسك (قل لن يصيبنآ الا ما كتب الله لنآ ) الاحلام سيطرت على مخك البآطن وتمكنت منك وزفتت حآلك وحال البيبي ،، ام فجوره ما يصير ارحمي البيبي اللي في بطنك ونصيحه حاولي تنسي واقري اذكارك قبل النوم وما راح يصير الا كل خير ( تفآئلو با الخير تجدوه ) ويا الله من الان اضحكي وخلينا نسمع ضحكتك الحلوه با الله عليك ام فجوره البيبي ما يستاهل تسمعيه ضحكتك الحلوه ... يا الله لا تضحكي عشآني اضحكي عشآن البيبي الحلو اللي في بطنك فديتك الله يوسع خاطرك ويريح بالك ويزين حظك وفالك ..ويرضى عليك يارب
زهور الورد/ من جد وحشتيني فديتك كيف الدراسه والاختبارات معاك

وكل البنات اللي با اتجمع مره وحشتوني طمنونا عليكم كل يوم
دلوعتي / دلوعه التجمع طمنينا بكره على مراجعتك يا قلبي

بنات السموحه انا اليوم اخلاقي مقفله من صحيت من النوم وانا ماش
ومعي صداع فضيع ما اقدر اركز ولا افتح عيووني
حبيت اطمنكم اني بخير ولي رجعه

ودي لي رجعه اذا خف الصداع

[ام فجوره]

الله يخليك لعيون ترجيك ويرزقك الذريه الصالحه المعافى كاملت الخلق لا زياده ولا نقصان
اختي كادي
جزاك الله الف خير نفهتي عني اشوي فديتك انا

[لوووورا]

بسم الله عليك يالقلبي انتي كادي ماتشوووفين شر

[همسه ود]

اهلين بناات اخباركم
كيفك لورررراا واخبار اولادك
تسلمي كاااادي انا اليوم بخير الحمد لله
شوق جده طمنينا عنك وكيف الدم عندك كثري من اكل الكبده
واخبارر جميع بنات الجامعه وكيف امتحاناتكم والمذاكره
ام فجوره ماتشوفين شر لاتوسوسين ترى هذا الشيطان وعن النفسيه ترى كل الحوامل يجيهم الاكتئاب من التعب بس لازم تغيرين من برنامجك اليومي حتى تنسي الهم شوي