تجمع الحوامل اللاتي سيلدن بشهر محرم 1432

[العاااالي مستواها]

انا عيالي أجيبهم في البرد الا بكري في الحر وكانت احسن ولاده-بس البرد فيه ميزه ان الليل طويل تنامين كثير-والاستحمام ماتكثرين منه لان مايجي في الجسم ريحه-والاكل تاكلين في البرد احسن من الحر-وتحبين شرب السوائل الحاره مثل القشروالحليب بالزنجبيل-الحر ماتحبين الا شيئ بارد وهو ممنوع على النفاس-بصراحه انا احب شيئ اسمه برد لان له ذكرى عندي تزوجت في قمت البرد كانت درجت الحراره 5-تحت الصفر وكانت احلى ايام حياتي-

[غـــلا]

العالي مستوآهــآ

كلامك صح الولاده بالبرد أفضل
بس مستغربه يوم تقولين ايام زوآجك درجة الحرآره 5 تحت الصفر
ليش بأي بلد كنتي ؟؟

[العاااالي مستواها]

كنت في الرياض-- انا عمري 35سنه -تزوجت قبل 20 سنه وعمري 15سنه والله ان المويه ماتصب من الحنفيه من شدت البرد لين يجي الظهر وتدفى الواصير-اكيد تقولون ايش جاب هذي العجوز معنا-بس لازم تحملوني مامعكم الا انا فيذا البرد-

[ساهرة]

العالي مستواها انا مثلك
زواجي بلبرد
واولادي الاثنين جبتهم بلبرد
وهاذا حملي الثالث كمان بولد بلبرد :)

[صمتي حكآيهـ !]

حامل الله ياجرنا
الله يسهل عليك ياحبيبتي يلا اولدي خلصينا يمكن يتحمس اللي ببطني ويطلع هههههههههههه
طمنينا عليك يالبطه ههههههه



كيفكم ياكروشات .. في احد في هالتجمع ولا ؟؟!

[زهرة البنفسج]

مبروك ام الوردتين عقبال كروشات التجمع كلهم يبشرونا بولادتهم بالسلامه
حامل الله يسهلك طمنينا عنك
العالي مستواها الله يسعدك ضحكتيني سواليفك عسل
صمتي انا موجوده اخبارك ؟

[غـــلا]

العالي مستواهـآ
العمر كله يارب ترى عمري قريب منك
بس انا تزوجت بعد تخرجي على طوول
وجبت 3 اطفال وشطبت وهالسنه استعدت نشاطي ههههههههه
يارب لك الحمد والشكر على نعمك

حامل ان شاء الله ولدتي ياقلبي

[غـــلا]

الله يابنات فاتحه الشباك وجالسه عنده
والنسيم بارد يرد الرووووح
يازين جده لو يستمر الجو كذا

[زهرة البنفسج]

اما اخباري بقلكم رغم انه محد سأل عني <<اهي اهي اهي
امس رحت مراجعتي والدكتور سألني انتي متأكده من موعد الدوره قلت ايه ليش قال لأنك في الاسبوع الثامن والثلاثين والجنين اثنين كيلو ونص يعني صغير
وهذا الاسبوع لازم اعطيك طلق صناعي لاني اخذ ابر سيوله يوقفها قبل الولاده بيوم ويولدني
المهم اعطاني موعد على السبت يسوي لي اشعه يشوف كيف وصول الدم للجنين بعدها يحدد اي يوم بنفس الاسبوع
ادعوا لي بنات والله خايفه الحريم رعبوني من الطلق الصناعي
والدكتور بعد خوفني لما قال ان الجنين صغير

[صمتي حكآيهـ !]

زهره ياعمري لاتخافين ماعليك من كلام الحريم .. وكلي امرك لله وان شاء الله خييييير ..
والبيبي يكبر ان شاء الله .. المهم يطلع سليم ومافيه شي ... "
لاتحاتي .. وطمنينا عليك اذا رحتي يوم السبت ..
الله يسهل عليك يااااااااااااااارب