دردشة حوامل أهل الرياض - دردشة بنات الرياض - تجمع حوامل الرياض

[om salma]

أهلين ام هادى نورتى الرياض والله انا تعبت مثلك وبحثت عن اشطر طبيبة بالتخصصى

وقرأت على النت الكثير وطول ما انا جالسة بالمستشفى التخصصى أسال وفى الآخر هدانى

الله للمستشفى وبتابع عند دكتورة ميرفت لكن ماجربت الولادة عندهم انا باول الثالث

الله يعينك ولا تخافى توكلى على الله

[أم الشيخ خلودي]

بنات الرياض ابي اعرف محلات تبي مدسات حلوه للمواليد وبسعر معقول

[لوووورا]

الله يهون عليكم يارب والله انا ودي اعرف ماعندي خلفيه

[المستحيله]

مرحبا حوامل الله يهون علي وعليكم..
انا ساكنه جديده بالرياض ولا سويت شي حامل بالشهر السابع ولا ادري وين اراجع ولا وين اولد بالسلامه ان شاء الله ..
حتى تجهيزات البيبي ما سويتها الله يعين بس..
حايسه ما ادري وش اسوي ولا من وين ابداء..

[لوووورا]

حياك الله بينا ياقلبي شوفي عمري انتي سالت عن المدينه ملك فهد بسررعه وربي مجربتها نظفه وراعيه وحتى بالولاده مره سهلين الله يتمم عليك ان شاء الله
وغير كذا يكفي انها حكوميه مافيها خوف

[المستحيله]

ياعمري يالووووورا مدينه الملك فهد مو راضين يفتحولي ملف عندهم..
فما ادري وين اراجع...الله يعين ان شاء الله..
وقولي امين الله يشفي امك ويقومها بالسلامه ويخليها لكم ان شاء الله

[$حبيبة زوجي سطومي$]

هههههههههههههه ياحبيلك ياصمت امري وش تبين نوع البشاره بس
انشاءالله اجيب ولد
ياربيه بقى يوم واخلص بالهجري التاسع ويوم الجمعه بخلص بالميلادي لاني انا ماشيه مع الدكتوره بالميلادي
ياويل قلبي ماولدت
اقول لهلي باخذ كم يوم من العاشر قالوا لي والله وانتي الصادقه شكلك توك بتدخلين التاسع مافيه شي اسمه العاشر قلت والله حسبتي صح يارب اولد هاليومين ابي ارتاااااااااااح واشوف ولدي
مع ان اخوي الله يسامحه امس روعني يقول انتبهي تو في وحده خاطفين ولدها لايخطفون ولدك قلت وجع لاتروعني ناقصه روعه انا الله يسامحك بس هههههههههه

الله يبارك على الجميع ياجوريه
ويهون على الجميع تسلمين حبيبتي الله يسمع منك ويهون علي وعليك وعلى الجميع واولد وارتاح يارب

[$حبيبة زوجي سطومي$]

مرحبا حبيباتي
اختي الغلا ام الشيخ المدسات تبينها ولادي والا بناتي؟
انا عشان قالوا لي ولد رحت وشريت المدس اللي على شكل بشت شريت سكري ومطرز بذهبي
مثل كذا


عشان يكون طقم مع مفرشي وجلابية النفاس
انا رحت لاسواق مكه واوشيقر واخذت المدس من اوشيقر عند محل صغير مندعس ههههههههه يالله شفته
كل المحلات اللي لمه عندهم مدسات بس هالمحل لقيت المدس عنده صغيرون والثوب اللي فيه حلو فخم مو ثوب عادي مثل باقي المدسات ثوبهم عادي والمدس كبير ولقيت عنده اخر حبه بعد بس اكيد بيجيب او عند احد غيره انا عشان زوجي فوق راسي واقلقني اخلصي اخلصي فلقيته بوجهي واخذته ودورت صغير عشان مايضيع فيه البيبي لما تحطينه فيه
انا قالوا لي اشتري المدس اللي اسمه البربري الماركات بجد فخم وروعه بس تفصيل اللي بهذا الشكل



تلقينه بااسواق مكه في محلات المواليد او في محلات اوشيقر بس للاسف يوم رحت لهم قالوا ماعندنا جاهز نفصل لك بس
طبعا زوجي لو اموت مارجع للسوق مره ثانيه لانه مايحب الاسواق ولان السوق بعيد
وعلى فكره في سوق قريب من الحي حقي اسمه اسواق ريمان بحي البديعه
يوم مريت عنده لقيت في محلات الاطفال مدسات بالهبل واشكال حلوه ولادي وبناتي قلت ليتني رحت له اقرب من اسواق مكه واوشيقر
اسفه على البربره خخخخخخ بس اتمنى افدتك

ايه اختي المستحيله انا قبلك كلمت مدينة الملك فهد ورفضو قالوا لازم زوجك يشتغل عندنا قلت بدفع بفلوسي قالوا مانضمن نلقى لك سرير وقت الولاده وعرفت انهم يصرفوني

انا والله مراجعاتي كلها كانت بوحده صحيه تبع شغل زوجي
ولما رحت بفتح ملف بالجامعي عشان اولد ماقبلوني لاني فتحت الملف وانا بشهري السادس مدري السابع قالوا لازم تجين بالشهور الاولى قلت خلاص انشاءالله على الولد الثاني
وكنت بروح اولد بمستشفى دله بصراحه روووووعه كلن يمدحه خاصه عند وحده سودانيه
اسمها ايه محمد يمدحون خياطتها يقولون ترجعك بنت قريبتي مجربتها بالحمادي بس نقلت لدله
بس للاسف زوجي رفض لانه بعيد عن بيتي فقررت اولد بمستشفى الاسره الدولي اللي قريب من حي بيتي عند دكتوره سودانيه اسمها فاطمه بعد يمدحونها والله يهونها علي وعلى الجميع ويسهلها يارب
من ناحية الاغراض انا تقضيت من الهرم كان ودي من سنتر بوينت او ستي ماكس بس قالوا لي ان طلعتي من النفاس احسن لان طول النفاس محد يشوفه باللفه وعارفه انتي الخلطات والاكلات اللي بتسبب روائح بس اخذت كم قطعه بسيطه من سنتر بوينت وادوات الرضاعه والاغراض الباقيه اخذت من الهرم ومن سنتر بوينت
نصيحه تقضي من الحين قبل ماتثقلين ويصير بجد مالك خلق للف بالاسواق
اسفه على الاطاله قصيت قصة حياتي هههههههههه بس حبيت افيدكم حبيباتي

[om salma]

انا متفقة معاكى زوجة سطومى انا فى سلمى كل حاجة جبتها من الهرم

وبعد ما كبرت شوى وخلص النفاس جبت من سنتر بوينت لكن انا اهتميت

قبل ما اولد بلبسها فى السبوع والعقيقة وجبتة من سنتر بوينت لان فى ناس كتير راح يشوفوها

الله يهون على الجميع ونضع فى الاعتبار ان الطفل بيكبر بسرعو وبيبدل ملابسة كتير احيانا مرتين

ثلاثة باليوم الله يقومكم ويكملى على خير

[زهــــور]

زوجة سطومي مشاء الله ذوقك حلو ونايس

وبالنسبه للولادتك اتوقع فيه غلط .في الحساب