دردشة حوامل مملكة المغرب - تجمع بنات المغرب

[ام صيصة]

يا ناس فين اخبار ان الخلفاء تهولنا عليها
الي عارفا عليها شي حاجة تطمننا

[أمي الحنونه]

سنفوره شكرا اختي ربي يخليك ويسهل ليك في الولاده ونتمنى ماتولديش بي لعمليه فحالي غاده تعدبي انا دابا راني معدبه حاولي تولدي حتى لو اصطناعي
ام صيصه اختي ولادي الحمد لله هذا الساعه بيخير ونتمنا الله يخرجهم ليا بسلامه والعافيه ويساهل عليك حتى انتي تولدي على خير

[ام صيصة]

الحمد الله اني طمنت عليك الله يشوف من حالهم و يخرجو بصحة و سلامه و على سلامتك اختي ربي يزيد في راحتك واش نعسا معاهم و لا كتمشي و تجي
ايوا اش سمتيهم ؟؟؟؟
نهار الي يخرجو ليك بالسلامة نديروليك سبوع هنا هههههه

[لوووورا]

الف الف الف مبرووووووووووك دخول السنه الجديده اللهم اجعلها سنوات علينا حب وموده ورحمه ورزق ورضاء فيها الرحمن يارب العالمين اللهم اجعلها علينا سنه مغفره وفرح يارب العالمين
اللهم لا تجعل في هذا السنه ذنب الاغفراته ولاهما الافرجته ودين الاسددته
ولامسكين الا الارزقته ولا محروم الا رزقته بذرريه الصالحه ولا فقير الاعطيته والاييتيم الا اويته ولا حامل الافرج كربتها ولا سال الاعطيته سواله
اللهم تقبل دعاءنا يارب العالمين اللهم هذا الدعاء وعليك الاجابه وهذا الجهد وعليك التكلان
دعوووواتكم لامي بالشفاء العاجل ودعوتكم لي بالولاده المسهله والطفله السليمه المتعافيه

[ismahan2000]

عزيزاتي كل عام وأنتم بصحه وعافيه
وأسأل الله القدير أن يجعلها سنة خير على الجميع وأن يهون على كل حامل ويرزق
كل من تتمنى الحمل اللهم آمين....
مع تحياتي و حبي

[ام احمد ومريم]

ربي يخليك اختي ام صيصة سول فيك الخير

راني غير كنت عيانة شوية لحقاش بنادم نزل ليا التحت مقلتها ليكوم مكنتش لا نقدر نعس فالليل ولا نكلس فالطواليت اكرمكم الله وطبعا حتى قدام الانترنت بزز باش تنكلس نهضر مع راجلي ومتنكمل تا نص ساعة .....

يلاه ليوم وليت بخير مع داتني ختي عند واحد السيدا هزاتو لي هدا كوم
والمصران الي تنفخ ليا كوم تاني

اش نقولو الله اصبرنا ويهون علينا فعلا مكدبوش دوك الي قالو شهرين الاخرين من الحمل تيكونو صعاب

يارب تفكنا على خير كاملين

وراني كنسلم على كاع لبنات ربي يقومهم بالسلامة

[ام احمد ومريم]

بيت نسولكم البنات انا فنص الثامن

والبيبي كيتحرك بزاف بالليل طمنوني عفاك واش هدشي طبيعي

[سنفورة]

المشاركة الأصلية كتبت بواسطة ام صيصة

صباحكم عسل يا لكروشات
سنفورة اختي الله يعطيك ساعة سهلة متخافيش لبكرية كتعطل شوية و كتاخد لوقت على ما تحل ليها لوالدة ما دام عندك كلشي نورمال الجنين عاطي براس راه ان شاء الله كلشي يدوز على خير خليهوم يساعدو معاك طبيعي متستسلميش و تقولي اسهل العملية راه طبيعي ما كين ما احسن منو على صحتك و الله يفكك على خير و يفك وحايلنا على خير

يا ربي آمين حتى أنا باغية طبيعي إن شاء الله و الله يخلينا على خواطرنا يا رب
عندي غدا زيارة نشوف وضع البيبي أني خايفة من الطلق الإصطناعي الله يستر و صافي.

[سنفورة]

المشاركة الأصلية كتبت بواسطة ismahan2000

السلام عليكم.اختي سنفورة الله يفكك على خير.عليك بالدعاء و الصلاة و متنسايش تاكلي الثمر بكمية كبيرة و الحركة ما تبقايش غير ناعسة تمشاي بزااف و طلعي و نزلي مع الدروج و راه ما يكون غير الخير ان شاء الله.
ما تنسايش تطمنينا عليك و تدعي معانا بالولادة السهلة

وعليكم السلام ورحمة الله وبركاته
الله يفك وحايلنا على خير و يسهل علينا و يقومنا بالسلامة و يفرح كل وحده بالنونو ديالها و يرزق كل محرومه يا رب.
أختي كليت الثمر حتى ما بقيتش كنحملها كتجيني بحال الدواء. المشكيل منين دخلت في الشهر الثامن ثقاليييت و كرشي كبرات بزآاف و تنفخوليا اليدين و الوجه و الرجلين خلاص منقدرش نتمشى... الله يشوف في حالتي و يفكني على خير و يسهل علينا كاملييين يا رب.

[سنفورة]

المشاركة الأصلية كتبت بواسطة ام احمد ومريم

بيت نسولكم البنات انا فنص الثامن

والبيبي كيتحرك بزاف بالليل طمنوني عفاك واش هدشي طبيعي

عادي أختي حتى انا كان بيبي ديالي كيتحرك بزاف متقلقش راسك