تجمع حوامل ليبيا

[سورينام]

ميرنا .. ميرنا .. ارجوك اتوسل اليكي ..ههههه والله بجد لو لينا خاطر عندك خشي هدرزي وطمنينا عليك وخليك وخيتنا متفاعلة معانا زي قبل ..حرام عليك بعد ما حببتينا فيك قطعتي فجأة .. هذا شي لا يرضاه ربي ولا عبده .... مرة تانية أرجوك أرجوك أرجوك ولو ليا خاطر عندك ارجعي .. ولو ما رديتيش عليا وفسرتي سبب تجاهلك لينا الفترة اللي فاتت حنعتبرك مقاطعتنا وصدقيني مش حنزعجك تني ابدا ...

[سورينام]

لولي ونسرينا وينكم اليوم ... شورهم الرجالة قاعدين والا شنو ..؟؟

[ام اسيل]

انا يابنات طلبت مني الدكتورة تحليل ثالث يوم الدورة وطلع عندي هرمون الاستراديول عالي مفروض يكون عالي في فترة التبويض بس قالتلي عندك ايحاء بتبويض معناها تبويض وهمي اول مرة نسمع بها الموضوع وعطتني دوا وقتلي الدورة الجاية حللي
يستر الله لو نزل الهرمون هض بنخش عا الزرع وخلاص مليت من الانتظار كل دورة والعمر يمشي

[ام اسيل]

يابنات انا درت ابرة زيت ولقت عندي انبوب كويس وانبوب شبه كويس وقالتلي تمام بس عنق الرحم متوسع شكله من عملية التنظيف لو حملتي لازم نديرلك ربط
ربط ربط غير نحمل ان شاء الله حتى يخيطو رجليا في بعض

[ام اسيل]

سورينام كيف حالك
وحال الصغار في ها الصقع

والله وحشتوني كلكم
توا اناالراجل جا بنوتي العشاء ونرقدو
تصبحون على الف خييييييييييييييييييييييير

[لولى2010]

ام اسيل انا نسال عليك راه اقرى الصفحات التانيات
سوسو كيف الحال انا لولو وراجلى راقدين وانا نعسعس هههههههههههه ونسرينا شوره قنطت الراجل
ميرنا مى مى وينك هداك اليوم خشيت نقرا فى الصفحات الاولى قلت سبحانه الله تغيرت وتغير جوها خشي وهدرزى وفرفشي والواحد شن واخد منها الدنيا بالله

[Mقمة البرااااائهM]

ليبياااااات كيفكم.....أمااااانه سلمووولي على ميرنااااا....أوووكيه.....

ليبياااات شووويعني(( هدرزي))؟؟؟؟؟؟؟

[ام اسيل]

اهلا قمة البرائة شرفتينا
والله ميرنا حتى نحنا معش نشوفو فيها ان شاء ربي ينولها اللي في بالها

وهدرزي يعني نسولف ونحكي اخبار حكي يعني
واهلا بيك وديما خشي هدرزي معانا

[سورينام]

هالوووووووووووووووو لولي.. حتى انا زيك الراجل والصغار رقدو وانا قاعدة مفنصة في الكمبيوتر

[سورينام]

الف مرحبا باختنا قمة البرائة آنستي وشرفتي .. واعتبري سلامك لميرنا وصل ..ويارب تحن علينا وترجع زي زمان وزي ماقالت ام اسيل هدرزي يعني سولفي او احكي