دردشة حوامل مملكة المغرب - تجمع بنات المغرب

[ام صيصة]

اشخبارك ام خلفاء يا كي غيرتي الاسم و معرفناكش بخوصوص كلمة السر شوفي الايمايل الي انت حاطه و راه كيرسلوه ليك فيه ان شاء الله تلقايه ان شاء الله تكوني وصلتي على خير للمغرب الله يعطيك ساعة سهلة في الولادة

نور اشخبارك ازين الله يسهل عليك الحمل و علينا كاملين هكدا نبغيكم ترجعو تنورو الصفحات
اسمهان وخا غبرتي علينا ديما في البال و مفكرينك ازين الله يكمل عليك على خير

الله يطمنا على اخواتنا و يعطيهم ساعة مبروكة يا رب

.

[أمي الحنونه]

شكرا اختي ام صيصه ربي يخليك ويحفظ لك جنينك ويعطيك الولاده السهله يارب ومايحرمك منه وان شاء الله غاده نقرا الدعاء كل وقت بأمر الله والحمد لله على مااعطيتنا

[سنفورة]

مرحبا كروشات كنتمنى تكونو بخيير انتوما و النونوهات ديالكم
دعيو معايا الله يجازيكم الجنة انا كملت 41 أسبوع و مازال الرحم مسدود و ميته بالخوف و القلق... الله يفك و حايلنا على خير و الله يسهل علينا يا رب.
أختي أمي الحنونه مبروك و حمد لله على سلامتك و سلامة وليداتك الله يحفضهم ليك ما تخافيش جارتي وقعلها بحالك بالتوأم ديالها ولداتهم في سبع شهور و بقاو في المستشفى شوية عادي و دابا تبارك الله عندهم 7 سنين مزيونين كيحمقو الله يحفضهم ليها و عقبال ما تشوفي وليداتك كيكبرو قدام عينيك و تفرحي بيهم عرسان يا رب.

[ام صيصة]

صباحكم عسل يا لكروشات
سنفورة اختي الله يعطيك ساعة سهلة متخافيش لبكرية كتعطل شوية و كتاخد لوقت على ما تحل ليها لوالدة ما دام عندك كلشي نورمال الجنين عاطي براس راه ان شاء الله كلشي يدوز على خير خليهوم يساعدو معاك طبيعي متستسلميش و تقولي اسهل العملية راه طبيعي ما كين ما احسن منو على صحتك و الله يفكك على خير و يفك وحايلنا على خير

[ismahan2000]

السلام عليكم.اختي سنفورة الله يفكك على خير.عليك بالدعاء و الصلاة و متنسايش تاكلي الثمر بكمية كبيرة و الحركة ما تبقايش غير ناعسة تمشاي بزااف و طلعي و نزلي مع الدروج و راه ما يكون غير الخير ان شاء الله.
ما تنسايش تطمنينا عليك و تدعي معانا بالولادة السهلة

[ام صيصة]

مساء الانوار اشخباركم

ام حنونة يا ريت تطمنينا كل اليوم على وليداتك يا ربي يخرجهوملك على خير بصحة جيدة

اسمهان اشخبارك ازين و كيفدايرة مع التقل الله يسهل عليك حملو وولادته

ان شاء الله تطمنينا عليك سنفورة ربي يسهل ولادتك على خير دعواتكم معاهاا يا اخوات اللهم سهل خروج الروح من الروح على خير يا رب انت منجي القدير اللهم امين

[amira alaoui]

اللهم ارزقني الذرية الصالحة الكاملة الخلقة و الاخلاق امين

[ismahan2000]

لاباس اختي ام صيصة يسول فيك الخير
نتمنى حتى نتي تكوني بخير نتي و البيبي و صيصة العسل
الله يسهل عليك نتي و جميع الاخوات

[ام صيصة]

المشاركة الأصلية كتبت بواسطة amira alaoui

اللهم ارزقني الذرية الصالحة الكاملة الخلقة و الاخلاق امين

اللهم امين يا رب و كل مسلمة
اشخبارك اميرة فين غبورك ازين طمنينا عليك الله يسهل عليك ما صعاب و يعطيك ساعة مبروكة

[ام صيصة]

ربي يخليك اختي اسمهان و تفرحي بوليدك و لا بنيتك الي جاي بالسلامة ان شاء الله