مستشفى الملك خالد الجامعي يامجربات

[جلنار2009]

السلام عليكم ورحمة الله وبركاته
اهلين ياحلوات انا بختصر عليكم الكلام واقول وش رايكم في مستشفى الملك خالد الجامعي كيف الولادة فيه هل يهتمون ويجيبون لك اولويز وقمصان للتبديل ولا انتي تجيبين وبعدين الحمام الله يعزكم جواء الغرف والا زي التنويم العادي ارجو من اللي جربت تفيدني
ودمتوا في صحة وعافية
سنابل الود

[جلنار2009]

بسم الله الرحمن الرحيم
وينكم مريتو 6 ولا وحده ردت ارجوكم تفاعلو للاهمية

[جلنار2009]

سبحان الله وبحمده
سبحان الله العظيم

[لن أيئس]

والله ماعندي خلفيه ياقلبي ..
لكن اسأل الله العظيم ان ييسر امرك وان يكتب لك الا فيه الخير ..
وان شاءالله تلقين وحده تفيدك ياااارب ..

[خطاي إني وفيت]

أتمنى البنات يفيدونك لأن حتى أنا إحتمال 90 بالميه أول فيه وأنا بكريه ولا أعرف عنه شي

إنتي متابعه حمل عندهم؟؟؟؟
ومين دكتورتك ؟؟؟
أنا ببدا السبت19/1 إنشالله عند الدكتوره الجوهره المطوع

[خطاي إني وفيت]

جلنار وينك مارديتي علي مين دكتورتك أنا إنشالله بولد فيه بس ماعندي عنه أي خلفيه

[جلنار2009]

انا عند الدكتوره زينب حبيب يوم20-1 والاشعة يوم19-1 اسفة على التأخير ياقلبي

[خطاي إني وفيت]

لا عادي ماتأخرتي بس أنا تحمست لما لقيت أحد يراجع بنفس المستشفى طيب كيف تعامل الدكتوره معاك كويس ولا لا

[جلنار2009]

جدا محترمة هي برفسوره واخلاق اخلاق مابعد كذا وكل شي توفيق من الله كيف دكتورتك

[خطاي إني وفيت]

صباح الخير حبيبتي جلنار هذي قصة موعدي الأول طويلة الله يعينك عليها أمس رحت لموعدي بالمستشفى الجامعي صليت الفجر وطلعت من البيت لأن بيتي بعيد وصلت للمستشفى الساعه 7 وكان موعدي الساعة 8 كنت مبسوطه قلت أول وحده تتدخل على الدكتوره ومخطط إذا خلصت نفطر برا قلت ماراح ياخذ الكشف أكثر من نصف ساعه
جت الساعه 8 وتوهم يدخلون حقين الإستقبال ويوم عطيتهم ورقة الموعد قالولي روحي غرفة قياس الضغظ لقيت فلبينيه وعطتني علبه تحليل البول (الله يكرمك ) وإختفت على طول
ودخلت ثانيه جيت بسأله إنه وين دورهة المياة ووين أحد التحليل وبنت اللذينا أول ماقلتلها سستر إنفجرت بوجهي ماما سوي تحليل أولها طيب وين ورفعت صوتها خرعتني تقولي أستغفر الله ماما ليه إنتي ماتسمعين كلام قهرتني ماخلتني أنطق أكلتني بقشوري قمت رفت صورتي وقلتلها إنتي إسمعي المهم خلصت وكنت خايفه إن دوري راح ...
وجت 8 ونص ولا نادوا إسم أحد وجت 9 .... 9ونص .....عشر إلا قمت جلست جنب وحده حبوبه مراجعه سألتها وسولفت معاها
قالتلي معلومة الصراحه إنصدمت إنهم ماراح يدخلوني على الجوهره وإنها بس إسم حاطينها بورقة المواعيد
وإن اللي يكشف على الطلبه عاد أنا وحظي ياتطلعي طالبة أو طالب حسيت إني فار تجارب
كنت أنتظر دروي بفارغ الصبر وعلى الساعة 10 دخلوني على طالب أنا أول ماشفتة بغيت أصيح مواصفاته (طالب / سعودي / وبزر / وخكري ) وقام يسألني أسأله محرجه أنحرج أجاوبها لحرمه موعاد رجال ويناظر فيني ويضحك وغير كذا قالي ولادتي بشهر 6 وأنا ولادتي بشهر 4 يعني زادني شهرين وكل ماكتب على علاج خانقته الممرضه وتقطع الورقة والله مايعرف كوعه من بوعه بغيت أقعد أشرحلة
يوم كشف علي قال ماقالولك شي عن البيبي قلتله إلى بنت قال : لا أقصد صحتها ماقالولك قلت لا
قال حسيتي بحركتها ووصفي لي الحركه كل كم تتحرك وماقد جاك إغماء
بعدين قال إنتي لازم تسوين أشعه صوتيه مستعجله اللحين وطلب 5 عينات دم
أنا ماقدرت أوفق على رجولي من الخوف وقمت أصايح وأقول إن المستوصف الخاص اللي متابعة الحمل عنده ماقالتلي شي الدكتوره شكلهم بس يبون فلوس وماهمهم صحتي وصحة الجنين
المهم يوم سويت الأشعه وتقوم الدكتوره الهنديه حسبي الله عليها تهاوشني وتقولي إنتي كذابه
كذبتي علينا وعلى الدكتور قلتلها وش السالفه قالت مافيه دم ليش تقولين لدكتور كذا وكل مادخلت وحدة قالتها هذي كذبت على الدكتور الجنين سليم كذبت عشان نسويلها أشعه
قهرتني أنا من خوفي من كلام الدكتور ماقدرت أرد عليها وأول ماقالتلي إن الجنين سليم إنربط لساني يعني هم اللي غلطانين وينافخون خوفوني ووقفو قلبي بغيت أنهار عليهم يحسبوني ألعب عليهم علشان يسوون أشعه مادروا إنه كل مراجعه لي بالمسوصف الخاص آخذ أشعه وإني موبحاجتهم
ونسيت نقطة بعد كل مراجعة لي عند طالب جديد أقعد أشرحله قصة حياتي
مرة مصدومه من المستشفى ومقهوره بعد ولا طلعت من المستشفى إلا الساعه 1 الظهر وتحول الفطور لغداء ...
الله يكوني بعون اللي مضطر له والله يسخر لي الدكتوره الحنونه اللي تولدني
وبالنهاية أنا صرفت النظر عن الولاده بهالمستشفى ..