دردشة حوامل أهل الرياض - دردشة بنات الرياض - تجمع حوامل الرياض

[لوووورا]

المشاركة الأصلية كتبت بواسطة $حبيبة زوجي سطومي$

اختي ابرار بسئلك وش اسم الدكتوره اللي بالاسره انا مدحو لي فاطمه السودانيه للولاده بس ماارتحت وناس يذمونها يقولون بارده وتهاوش وش اسمها اللي رحتي لها

اختي دلوعه لاتعذبيني اكثر انا ودي بالحمادي امي ومرت خالي يولدون فيه بس غالي الولاده عندهم ب7000 ويسحبون اكثر والاغلب يقولون مايصبرون يولدون قيصري
اللي تقرب لك وجربت بالحمادي من كم يعني من كم يوم اواسبوع اوشهر او سنين
لانهم يختلفون من فتره لفتره
واللي ولدت عندها امي ومرت خالي سافرو
ويمدحون وحده اسمها فتاه سوريه عندهم بس مدري

دله انا ودي فيه لانه اقل من الحمادي
وانشاءالله على الشهر التاسع ناويه اروح افتح ملف بدله بس خوفتيني
طيب اللي ولدت عند دله من قريباتك كم لها والده لان الحين يمدحونه بعد التطوير بقسم النساء والولاده وتكفين اسئليها اي دكتوره راحت لها لاني محتاره بين سيده ممتازه وبين انجي بدوي
ومشكووووووووووره مقدما

تبين نصيحتي انا بالرياض وعرف كل المستشفيات خبره
فيهم والله نصيحه اولدي مستشفى المدينه الملك فهد الطبيه نظافه واهتمام ودلع وربي ولدت فيها ولدي الله اللهم لك الحمد الله ماحسيت بالتعب بس اهتمامهم
الولاده في 5 الالف ريال ولا يستعجلون عليك ويفضلون الولاده الطبيعيه الله يهون عليك اعرف ناس ولدو بالحماد مايمدحونها ابد والحبيب اكثر المستشفيات الاهلي او الخاص مانصحك فيها روحي اولدي مستشفى حكومي ومعرووووووووووف بس يعتبر خاص
لان مايدخلونها الا ناس كش
الله يهون عليك

[همسه ود]

يأم لورا مدينه الملك فهد الطبيه حظ ونصيب لان فيه طبيبات كويسات وفيه فاشلات بنت عمتي بكر وولدت فيه تقول خياطتهم زي الزفت حتى الجلد ماشدوه يعني الخياطه كانت مجعده الجلد لدرجه انها حملت ع طول تقول ابي اعيد الخياطه عشان يتحسن شكلي شوي صايره مقرفه مره تقول حتى لو ارفع جلي دخلني الهواء احس كان فيه فتحات في العجان والحين ولدت وخيطوها وتمدح شغلهم عند الهلال الاخضر

[$حبيبة زوجي سطومي$]

انا ودي بدله او الحمادي يعني قصدي خاص لان ابي زوجي يدخل معي مدينة الملك فهد مايدخلون الزوج
طيب معقوله محد جرب هالايام دله اشوف كثير حوامل على وشك ولاده

[أم جيتانة]

مساء الخير يالغاليات

أختي (حبيبة زوجي سطومي)


أنا أراجع عند الدكتورة السودانية فاطمة بالأسرة من الشهر الأول والحين أنا بالخامس والحمد لله معاملتها طبليعية ,إذا ماكثرتي حكي ماتحكي ,بس لو حبيتي تستفسري عن أي شيء تجاوبك وتريحك
وكمان تولدك في حال ولادتك في نفس المستشفى .وهذا أزين شيء


اتمنى تتيسر أمورك

.

[$حبيبة زوجي سطومي$]

اختي ام جيتانه
اللي بالاسره كثير قريت عنها بالنت يذمونها
وانا من النوع اللي مااسئل اخلي الدكتوره تشوف شغلها وتقول لي وش صاير
وانا كلمت الاسره وسئلت بخصوص دخول الزوج ورفضوا قالوا قسم الولاده نسائي مو لحالك اللي تولدين معك حوامل غيرك عشان كذا ممنوع قلت هذا وانا بدفع مو بلاش
صح سعرهم رخيص بالولاده وكثير يمدحون خياطه السودانيه بس هذي يذمونها
انا انشاءالله قررت لدله وباقي اسبوع او اسبوعين وادخل التاسع ولازم افتح ملف بمستشفى اللي بولد فيه عشان يستقبلوني
كثير مدحو لي دله
بس انا ابي احد مجربه هالايام
حتى مستشفى الملك فهد كلمتهم من فتره ردت علي سعوديه الله يسامحها
قلت ابي اولد عندكم قالت والله مااضمن نلقى لك سرير وقت ولادتك
هذا رد قلت بعد بولد بفلوسي مالت عليكم
وبعدها ماعاد دقيت عليهم الا حذفت رقمهم
الله يعين بس

[أإأم ع‘ـــزُوـوزُ]

طـيـب يـآـآ أإأخـوآآآت من سمـ‘ع‘ــت ع‘ــن مستشفى الفلآح الخـآص وع‘ــن الدكتوره سـآتيـآ

وكيف تـ‘ع‘ــآملهـآ وكيف وضـ‘ع المستشفى وكيف خيـآطتهـآ الدكتوره لأني بإذن الله بولد بهـآ المستشفى ولآ أإأعرف عنهـآ شي

الله يقوم كل حـآمل بالسلآمه ويقر عينهـآ بطفلهـآ...

أإأفيدوني ....

[دلوعة ميمو]

اسفة ع التاخير ياحبيبة زوجها
بنت عمتي ولدت عندهم العام في شهر 8 وعمتي ولدت في شهر 1بداية السنة بس غريب تقولين انوا الولادة ب7000 عمتي وبنت عمي ولدوا ب5000
ومسالت يستعجلون عليك هذي اشاعة لان بنت عمي قبل لاتولد كانت خايفة من نفس كلامك وراحت سالت الدكتورة قالت استحالة نولد الوحدة قيصرية او شفط بدون رضاها الا اذا تعقدت الامور مرة ومافي حل هذا في الحمادي
اما زميلتي ولدت في دلة تقريبا قبل سنه ونص وللاسف انقطعت اخبارها من ذاك الوقت لان جوالي ظاع وراحت كل ارقام صديقاتي فية وهي الله يهديها من يومها ما دقت علي في وحدة من جماعة زوجي ولدت في دلة قبل 4شهور تمدحهم وانا اشوفها بصحة ما شاء الله عليها مع انها بكرية يوم زرناها في نفاستها

يمكن على قولك تغير الطاقم الطبي للاحسن الله يكتب لك مافية الخير ياقلبي وييسر امورك ويهون عليك ولادتك ويجي طفلك معافى وسليم وانت بصحة وعافية


صح حتى خالتي ولدت عند الحمادي قبل 3سنوات تمدحهم وتمدح خياطتهم تقول سوتلي خياطة تجميلية اللي هو التضويق تحلف بالله انها رجعت زي البكر لان ولدها اللي جابتة فالحمادي الخامس في ترتيب اخوانة

[$حبيبة زوجي سطومي$]

يابعد عمري يادلوعه والله فرحني كلامك
طيب بنت عمتك وعمتك ولدوا عند اي دكتوره بالحمادي

ومن ناحيه 7000 انا بعد استغربت لان العاده5000 بس انا كلمتهم وقالوا لي 7000 زادو بالسعر

طيب يالغلا اللي من جماعة زوجك وتوها والده من شهور بدله اي دكتوره راحت لها لاني محتاره بين سيده ممتازه وبين انجي بس سيده عندها زحمه اخاف ماتجي تولدني ان جتني الولاده

وبسئلك عن اسم الدكتوره اللي ولدت عندها خالتك بالحمادي وخياطتها حلوه وش اسمها

انا امي ومرت خالي جربوا الحمادي بس امي من5او6 سنين ومرت خالي من4سنين مدري 3
واللي ولدتهم سافروا تكفين ردي طمنيني لاني ناويه اروح افتح ملف هالاسبوع ومحتاره بين الحمادي ودله وبين الدكتورات بعد والله ماعاد عرفت انام من التفكير
الله يهونها
ومشكوره بعد عمري على الرد واسفه كاني طولت كثير بس لاتلوميني اول مولود

[همسه ود]

حبيبه زوجها انتي شايله هم وهو اول مولود لسا تجربه عشان كذا متوتره ودك ماتجازفين بس انصحك نصيحه اخت انتي يمكن تدورين وتحوسين وبالاخير تجيك الولاده تساهيل وتولدين باول مستشفى ع الطريق يعني ماهو شرط المستشفى الى تحجزين عندهم اهم يولدونك عمتى مرتين تحجز مرة بدله ومرة بالتامينات وتجيها الولاده ولايولدها الى الشميسي وتتيسر ولادتها وهي تشيل هم عشان كذا ريحي نفسك وادعي الله انه يسهل الولاده باي مستشفى كانت وان يرزقك بطبيبه كويسه وحنونه وممرضات طيبات اهم شئ ترى الخياطه مهي الشغل الشاغل لان لو كانت الخياطه ماهي كويسه اي طبيبه كويسه تخيطك ع كيفك اهم شئ ان البيبي يكون سليم معافى وولاته سهله ميسره

[$حبيبة زوجي سطومي$]

تسلمين ياهمسه بس دكتورتي اللي اراجع عندها من حملت
قالت لازم على الشهر التاسع تروحين تختارين مستشفى وتفتحين ملف عند دكتوره
عشان كذا ابي افتح واتطمن
هي كانت محولتني على الجامعي وماقبلوني لاني جيتهم متاخره
وقالت روحي للشميسي قلت لو وش مارحت وع يخوف
وقالت امي خلاص بدفع ولادتك بس اختاري المستشفى والحين محتاره بين دله والحمادي
وودي بمدينه الملك فهد بس مايدخلون الزوج
انا مالي احد بعد الله الا هو
هلي مو عندي بالرياض
هلي بالخرج
وانا ابيه يدخل لانه مارفض يوم طلبته وابيه يحس بعد بالتعب
وعساه بعد مايهون ان جاء وقت الجد
الله يعين يااختي ويهون على الجميع