متى أدخل الشهر التاسع ومتى تكون موعد الولادة

[أم التوم يارب]

متى أدخل الشهر التاسع ومتى تكون موعد الولادة



بنات الدكتورة حاسبه لي كل يوم 15 أدخل شهر جديد



يعني الآن

15/5 أكمل خمسة شهور وأدخل بالسادس

15/6 أكمل ستة وأدخل بالسابع
15/7 أكمل سبعه وأدخل الثامن
15/8 أكمل ثمانية وأدخل بالتاسع

هل من الممكن أن تكون الولادة بعد هذا التاريخ 15/8
يعني يوم 15/8 أقول أنا دخلت التاسع ممكن أولد أي يوم أو فيه وقت معين

لأن أنا بكرية وأسمع يقولون تأخذ من التاسع أسبوع وتأخذ من التاسع كذا

فهموني كلامي صحيح أو وشلون



متى أدخل الشهر التاسع ومتى تكون موعد الولادة

[zo0on]

والله مدري بس اغلب البكريات يعنى اتكلم عن اخواتي كانو يولدون في اول اسبوع وفيه ناس اول يووم في التاسع

الله يعطيك ساعه مبروك وتولدي ب السلامه

[قطــرية]

حبيبتي من تدخلين التاسع ممكن تولدين بأي يوم مافي فرق بين بكريه او لا

الفرق بينهم انه اذا جاج الطلق تاخذين وقت اكثر لين يفتح الرحم من الي عندها ولادات سابقه

اعرف بكريه اولدت بأول يوم وبكريه خلصت التاسع واولدت بالعاشر

كل وحده تختلف وكل ولاده تختلف الله يهون عليج وعلينا ويقر عينا بشوفتهم سالمين

[جنون الحب]

الله يهونها عليك وعلينا

الولاده من الله مالها تاريخ محدد او يوم معروف

ان شاء لله مانطول في التاسع ويجي في وقته