هل يرتفع هرمون الحليب بعد الولادة بدون رضاعة

[أنوار الولاية]

السلام عليكم اخواتي

عندي سؤال ...

انا كملت 40 يوم من ولادتي ولم ارضع بنتي .. في البداية كان فيني حليب بعدين بدأ يجف , الحين فيه قليل جداّّ جداّ فقط اذا حاولت اضغط يطلع نقطه بس

المهم هل وجودة يكون مانع طبيعي عن الحمل ؟ لأني سمعت ان بعد الولادة لا يوجد علاقة بين وجود الحليب وبين ارتفاع هرمون الحليب ؟

اعرف لازم تحليل .. لكن انا جتني الدورة الي بعد النفاس قبل الاربعين بكم يوم وكان في شهر رمضان فما قدرت اعمل تحليل ..

**************************

وفي شي ثاني انا ابي احمل بسرعة اذا الله أراد لي الحمل حتى نفسيتي تصير زينه بعد الي صار اللهم لك الحمد ..

وزوجي يقولي لازم جسمك يستعيد صحته , انا ما اشوف فيني شي بس الي مأثر فيني نفسيتي تعبانه

شوروا عليي هل انتظر او أتوكل على الله , انا اقول الراحة النفسية اهم من الراحة الجسدية مع ان جسمي الحمد لله تحاليلي سليمة وما عندي شي ..



الي عندها خبرة تجاوبني ومشكورين ..

[بحــ العيون ــــــــر]

مااعندي علم يا الغلا
ان شاء الله الي عندهااا معلومه او خبره تقوولك

[غصن مايل]

انت طفلك مريض ولا مات الله يرزقك ارتاحي شهر والله يرزقك الحمل السليم ويتمم فرحتك فيه وتزوجيه او تزوجيها

[Fatima 14]

أختي أنور الولاية الله يعوضك كل ما أشوف إسمك يوجعني قلبي عليك أختي إرتاحي وريحي نفسيتك هاذ مو زين لك ولا تخافي ربنا كبير راح يرزقك إنشاء الله بالذرية الصالحة مأجورة أختي

[υм вtℓαα]

ارتاحي شهرين وتغذي منيح والشهر الثالث ان شاء الله تحملي
الله يعوضك خير ويرزقك بالحمل السليم

[أم مـــاريا]

منور اختي انور الولايه

اسعدتني رؤيتك والله
رأي الكثيرين من مَن هم حولي انه اذا كانت لك رغبه باالحمل
عادي تحملين على طول و حتى لو بعد تمام الاربعين و نهاية دورتها
دكتورتي اذكر قالت لي هو ماراح يضرك بس الافضل للجسم الراحه اقل شي ٣ اشهر
حتى اذكر قالت لي
لا تتأخرين كثير في اعطاء جسمك فرصه للحمل مره ثانيه باالذات اذا كان عمرك على نهاية العشرينات
قالت الافضل المحاوله مره ثانيه اذا كانت لك رغبه في هاالشي




انا من رأيي توكلي على الله اذا لك رغبه
و حتى لو مالك رغبه قريبه في الحمل
عالجي هرموناتك من الان و في اول وقت تكونين تبين تحملي تكون امورك ماشاءالله سليمه


لو اخذتي حبوب التنشيف دوستنيكس و هي لهرمون الحليب
بعد ولادتك كان بإذن الله انضبطت هرمون الحليب بعد الولاده على طول





يلا شدي حيلك و تعالجي و سوي اللي في بالك
لا توقفين هنا الله يوفقك و يحقق امانيكي حبيبتي

[أنوار الولاية]

مشكورين اخواتي ❤

فاطمة حبيبتي الله يرزقج بالذريه الصالحة قريباً يارب

ام ماريا .. سبحان الله ماحد يحس باللي مرينا فيه الا الي مر بنفس التجربه ، انا عمري في الثلاثين ومن ثلاث سنوات وانا احاول احمل صار لي ثلاث اجهاضات كانت بدايه الاشهر والحمل الرابع بنتي توفت اخر الشهر الثامن مع ان تحاليلي سليمة وعندي اطفال وحملي بيهم ماكان عندي مشاكل

إن شاء الله اذا الله كتب لي الحمل ما بترك سورة البقرة طول الحمل بالاضافه الي الايات الخاصة بحفظ الجنين

صدق النفسية اذا كانت تعبانه احس الجسم بيتعب ويمرض حتى وزني ما يرتفع مع اني احرص ان يكون اكلي مثل الكمية واخذ فيتامينات لكن سبحان الله النفسيه احسها تخلي الجسم ما يستفيد من الاكل

وانا اخاف جسمي تدهور صحته من نفسيتي فمن جدي قلت ابي احمل بسرعه الله يرزقنا يارب

الشهر الجاي اذا جتني الدوره ناويه اسوي تحليل للهرمون واشوف اذا مرتفع او لا

صرت ما اقدر اشوف بنت رضيعه اذا اطلع ولا حتى ملابس بنات صغار ، وايام العيد كنت مع بنت خالتي ومرينا في طريقنا على المستشفى على طول دمعت عيني لا شعوريا ذكرت بنتي الله يرحمها

الله لا يوريكم اي مكروه ولا تمروا بعده التجربه القاسية بمعنى الكلمة ..

الله كريم وعوضني وعوض كل فاقده ..

[أم مـــاريا]

اللهم امين



حبيبتي طبيعي اللي تحسينه
و حتى لو الوحده ماكانت حساسه بهاالموضزع باالذات تنقلب كتلة احساس
انا كرهت المستشفى و كل مااروح بموعد ماله علاقه باالحمل و اشم ريحته ذاك المستشفى احس بمغص يعنصر بطني و حرقه بصدري و دموعي تنزل



الجو الاصوات الريحه الوجوه
اصوات الاطفال للحريم اللي كانو حزتها يولدون جنبي


كل شي اتذكره لما اروح هناك





الله يعوضك و يعوضنا جميعا


و يجزينا على صبرنا هذا كل خير

[أنوار الولاية]

ام ماريا .. الله كريم وكل شي ليه أجر عند الله مايضيع

الله يعوضنا يارب ..

دايما اقول اذا الله ردقني ببنت مستحيل اقدر انسى بنتي الي ماتت فهي تبقى قطعه مني الله يرحمهم ويجعلهم شفعاء لنا في الجنة يارب ..

[نووورا]

حبيبتي حللي وشوفي هل مرتفع او لا واذا مرتفع يعطونك حبوب تنشفه مرة ولازم ترتاحين على الاقل شهرين ثلاثه عشان رحمك يستعيد صحته ويكون قوي في حمل البيبي الجاي ان شاءالله