رحمة الله و فضله و قدرته،، قصة بالداخل للكل وبالأخص المتأخرات بالحمل

[انثى تكره الظلم]

السلام عليكم،،

أخواتي احببت ان اذكر هذي القصه لأبعث الامل من جديد في نفوسكن،

و حتى نستشعر رحمة الله الواسعه.. وان الدعـاء يجعل من الصعب سهلا،،

هذي وحده من جماعتنا الله يسلمكم تزوجت وعمرها 21 سنه وماكتب لها ربي ذريه جلست اربع سنوات

بعدها قالت ام الزوج لولدها لازم تتزوج الثانيه واصرت عليه يتزوج علشان موضوع الخلفه وهو كان يحب زوجته

ووافق يتزوج علشان امه و برضى زوجته

تزوج الثانيه و عاشت معاه سبعه اشهر فقط وصارت مشاكل وطلقها ،،

رجع للأولى رجع لحبه الاولي فرحت الاولى قررت تتعالج من اول وجديد بس للاسف وضعها الصحي

تغير الدوره تلخبطت وصارت ماتنزل الا بالحبوب وخاب ظنها لما قال لها الدكتور انتي مشكلتك كبيره وحملك صعب

وممكن ماتحملي من الاساس طيب ليش ي دكتور قال انتي ماعندك تبويض نهائي،،

بالاضافه لانها كانت تستخدم علاجات وسببت لها زياده فضيعه بوزنها وكانت تشتكي من الالام بركبتها،،

رجعت بيتها وهي خايبه حززينه و بدأت تفكر بالوضع

(( هي مستحيل تنجب وام الزوج تبغى ذريه لولدها والزوج وان ماتكلم فهو يتمنى))

راحت لزوجها واصرت عليه انها تزززوجه بالمقابل هو وافق ووعدها بيكون دايم بجانبها ،،

خطبت له الزوجه اللي تعتبر الثالثه مرت ايام الخطوبه عليها بصعوبه وتم الزواج و سكنوا الزوجتين بنفس العماره،

الزوجه الجديده حملت من اول شهر وجابت بنوته

و كمان حملت المره الثانيه وجابت بنوته

وحملت المره الثالثه وجابت بنوته

صار عند زوجها 3 بنات من زوجته الجديده

ولكن لازال بنفس حبه للاولى

(و كان يقول لامه ادعي لي بالولد من الزوجه الاولى)

الزوجه الاولى اعتبرت بنات زوجها بناتها كانت لما تحمل الزوجه الجديده هي تمسك بناتها وتأكلهم وتلبسهم

( وصاروا البنات يقولوا للزوجه الاولى أمي و لأمهم ماما)

كانت تقول اذا كبرت ابغى فلانه ((قصدها بنت زوجها اكبر وحده)) هي اللي تبرني وتقوم فيني والزوجتين كانوا مثل الخوات ،

وفي يوم من الايام قال لها زوجها زوجتي حامل هي باركت له وفرررحت لزوجته وباركت لها

ومرت ثلاث شهور وتعبت الزوجه الاولى وقالت لزوجها بروح المستشفى يعطوني حبوب تنزل الدوره

لها فتره مانزلت وصلها المستشفى وطلبت الحبوب من الدكتوره قالت لها الدكتوره مااقدر اعطيك الين اتأكد انك مو حامل

قالت الزوجه مستحيل فيه حمل وانا 12 سنه ماعندي تبويض قالت الدكتوره لازم نسوي التحليل

وتطلع نتيجة التحليل ايجابيه طلعت حااااااامل

و سبحان الله في الشهر الثالث نفس ضرتها مررت ايام الحمل وولدت الاولى وربي رزقها بالووولد

فرح زوجها بشكل موطبيعي

وبعدها بثلاث ايام ولدت الثانيه وجابت بنوته الحين عمر الولد تقريبا 7 شهور

والزوجه الثانيه جاتها وظيفه وصارت تداوم وتخلي بناتها الاربع عند الزوجه الاولى ،،

الآن الزوجه الاولى تحمد الله تقول بعد 12 سنه ربي رزقني باربع بنات وولد

صرت أهتم في خمسه اطفال من طيبة قلبها حسبت بنات زوجها بناتها واعتبرتهم رزق من الله لها

ي بنات لما حملت الدكاتره ماصدقوا ولا اقاربها

بس هي انسانه طيبة قلب جدا بس تسبح وتستغفر وتحب الخير للناس،،،

دعوووه لكل محرومه من الذريه عليك بالاستغفار والدعاء والاخلاص

ولا تيأسوا من رحمة الله مهما تأخرت لابد ينالنا شي منها،،

[أمل الورود]

جزاك الله خير فعلن قصة رائعة

[بحــ العيون ــــــــر]

جزاك الله الف خيررررررررررررر
قصة رهيبه بصراحه
الله يعوض صبرنا خيرررر
ويحفظ لكل وحده كل غااالي
يارب ويرزقناااااااااااااااا وكل محروم

[Fatima 14]

قصة مؤثرة سبحان الله الله يرزقنا يا الله جزاك الله خيرا

[حياتي توأمي]

تسلمي انثى على روعة انتقاءك وربي يرزق كل منتطرة يااااارب

[thmine]

جزاک الله خیر جزاء

[افنان الحربي]

الله يرزقها من واسع فضله يا رب اكثر واكثر

[أم حمودي وعبودي]

شكراً حبيتي على القصة الحلوة
ياما وياما نسمع قصص عن الحمل بعد التأخير
يا بنات لا تفقدوا الأمل
وتفائلوا بالخير تجدوه

[انثى تكره الظلم]

منورين حبيبااتى

يارب يتقبل دعائناا

اللهم امين

[انثى تكره الظلم]