هنا تجمع حوامل الشهر (السابع والثامن والتاسع)

[أم ياسمين]

عيل شكلج قربتي خلاص هيهيهيهيهيهيهيهي

[اقصوصه]

هههههههههه هيه قربت العب بالوقت الضايع الحين :)

[غيث الأمل]

الله يعطيكم العافية أخواتي أم ياسمين واقصوصه ويسهل عليكم ويقومكم بالسلامة
إن شاء الله بأروح للطبيبة بكره إذا رجع زوجي من سفره
دعواتكم

[أم ياسمين]

الله كريم و يسهل على الكل.
عيل وين ام الغلا؟

[اقصوصه]

والله ام الغلا من يوم سالفة ولد اخوها اللي توفى وعمتها اللي فالعنايه ما شفناها

[أم ياسمين]

اي والله مسكينه اكيد مالها خلق شي خصوصا مع الحمال بعد والنفسيه اللي فيه الله يعينها و ياجرها.

[اقصوصه]

امين يا رب

وانتي تعشيتي والا بعدج؟

انا توني ماكله معكرونه بالصلصه :)

[أم ياسمين]

لأ ما تعشيت بس تغدينا متأخر فعشان جذي بسبح بنتي و ازهبها للنوم بعدين اتعشا الحين مو يوعانه لأن توني شاربه قلاص حليب حار وتدرين يسد النفس.

[اقصوصه]

انا بعد كنت عند يارتي من نص ساعه وشربت حليب بس صراحه اول ما رجيت البيت تعشيت لاني كنت ميته يوع وما تغديت اصلا عدل ، وحاليا يالسه اكل تفاحه :) بعدني ما رقدت عيالي لانهم بره مع ابوهم بعدهم ما ردوا البيت اول ما يردون بستلمهم وع الفرااااش فورا الى النوم

[أم ياسمين]

واي اليوم بنتي قعدت متأخر من النوم الله يستر بتشلع قلبي قبل لا تنام.
تصدقين مادري شنو اتعشا شكلج شهيتيني بالمعكرونه الحمرا