ولدي والحمام ... ساعدوني

[Afnan_ka]

السلام عليكم ورحمة الله وبركاته
ولدي بعد شهور قليله ح يكمل 4 سنوات لسه ماتعلم على الحمام
حتقولو كبير مرا تاخرتي انا عارفه دا الكلام
بس ولدي كتير حركه يعني ماشاءالله مايقعد ثانيه الا اذا تفرج تلفزيون او عالجوال مرا مزعج لدرجه كبيره

حاولت كتييير ادربه عالحمام بس للاسف فشلت فشل ذريع شجعته يروح حمام ودخلتو معايا وانا اعمل بالحمام عشان يشوفني ويتشجع برضو مافي فايده
سرت ادخلو حمام كل نص ساعه بعدين مل من دا الشي وسار يهرب مايبغى ويبكي يقول ابغى حفاظه
سبتو قلت خليه يوسخ نفسو وحيتقرف ويروح بعدها الحمام كمان مافي فايده

سرت اغصبو واروح اجلس معاه بالحمام ونطول انا وياه نص ساعه وهو يتفرج عالحمام ويقول مافي شي وبس اخرج البسو الا عملها على نفسو ويضحك


تعبت تعبت تعبت ساعدوووني

[بحــ العيون ــــــــر]

ان شاء الله البنات مااااااااااااااااااراح يبخلون عليك

[υм вtℓαα]

وعليكم السلاام

الله يعينك مشكله الحمام صعبه
بنتي انا تعبت معهااا وكانت تلبسها لحد ماكملت 3سنين ونص بس شافت بنات عمها بسنها بطلت تلبسهااا

الشغله يبيلها شوية صبر خيتي ولازم تساعدينه وتشجعينه وتعملي له مكافات

[أم حمودي وعبودي]

واضح أنه طفل ذكي وممكن يتحكم بنفسه بدليل أنه يصبر في الحمام ومجرد يطلع يعملها
وقفي عنه الحفاض نهائي ولبسيه الملابس الداخلية فقط وحاولي تختاري أشياء عليها رسومات يحبها عشان ما يحب يوسخها
ولما يعملها في الحمام شجعيه بالكلام الحلو وممكن تعطيه هدية أو اعملي جدول كل مرة يدخل فيها الحمام ارسمي وجه مبتسم أو استخدمي ملصقات حلوة ولما ما يدخل الحمام حطي وجه زعلان أو علامة x

[أم حمودي وعبودي]

واضح أنه طفل ذكي وممكن يتحكم بنفسه بدليل أنه يصبر في الحمام ومجرد يطلع يعملها
وقفي عنه الحفاض نهائي ولبسيه الملابس الداخلية فقط وحاولي تختاري أشياء عليها رسومات يحبها عشان ما يحب يوسخها
ولما يعملها في الحمام شجعيه بالكلام الحلو وممكن تعطيه هدية أو اعملي جدول كل مرة يدخل فيها الحمام ارسمي وجه مبتسم أو استخدمي ملصقات حلوة ولما ما يدخل الحمام حطي وجه زعلان أو علامة x

[Afnan_ka]

جزاكم الله خيرا
والله مرا تعبت معه مدري ايش اسوي اشتريتلو نونيه فيها ميوزك قلت يتشجع عالحمام
صار يدخل ويشغل الميوزك ومايسوي حاجه بعد مايخرج يلعب شويه الا عاملها بنفسو


اااخ تعبت منه ��
وانا حدخلو الروضه السنه الجايه واخاف يرفضوه عشان الحفاظ

[انثى تكره الظلم]

ضربيه وخوفيه من الضررب

دامو بيضحك معناته انه ما بيخااف منك ولا من رد فعلك

انتى جربتى الهدااوه وما نفع جربى العنف هو ما بقا صغيرر

[انثى تكره الظلم]