التبولة اللبنانيه

[υм вtℓαα]

المقادير :

باقتين بقدونس

نص باقة نعناع

بصلتين كبار(استخدمي بصل أابيض)

حبتين طماطم كبيره ( استخدمت ثلاث حبات وسط )

نص كأس برغل

ثلاث ارباع كأس عصير ليمون

نص كأس زيت زيتون بكر ( عصره اولى )

ملح

ملعقه صغيره سماق أو حسب الذوق

( كمعلومه السماق يأخذ من ثمرة السماق من ثم يطحن ويباع بالأسواق بالشكل المطحون بما أن موطنه الأصلي أمريكا الشماليه )

نصائح:

اتقان التبوله يبيله شوية حرص وقواعد لازم تتبعينها وراح تطلع من أدينك أحلى تبوله .

*اول شغله ، لازم تفرقين بين البقدونس والكزبره ههههههههه اكيد بتقولون حلوه ذي بس ياكثر مايضيفوني الناس تبوله يطلع استبدلو البقدونس بالكزبره .

وهذي صورة ورق البقدونس للي مايعرفه . أو يتوه فيه

بتفرقون من الريحه ، ريحة الكزبره عطره كثير ونفثه ، بينما البقدونس ريحته خفيفه وتشبه ريحة اغلب الورقيات .

ورق الكزبره اكثر رقه ، بينما البقدونس ورقه اقسى شوي .

ورق الكزبره تحسينه مشرشر اكثر وتضاريسه اكثر ، بينما البقدونس أقل تضاريس .

وإذا أستصعب عليكم الفرق ، أقروا وش مكتوب في السوبر ماركت تحت المنتج واشتروه <== اسهل طريقه .

* الشغله الثانيه لابد تكون السلطه خاليه من السوائل ، يعني تأكدي من غسل الخضروات وتنشيفيها قبل لاتقطعينها . وبفصل بهالكلام أثناء شرحي للتبوله .

* غسل الخضروات جيداً خاصه البقدونس لانه تعلق فيه الاتربه ، وممكن يأثر على طعم التبوله وتحسين انك تاكلين تراب ، بالاضافه الى الأضرار الصحيه لعدم غسل الخضار جيدا ، ونصيحه انتبهوا من سلطات السوق وابتعدوا عنها كليا ، لاني دائماً ماأصادف طعم اتربه وحصى بالسلطه .

بالذات الحوامل يتجنبونها تماما .

شوفوا التربه اللي تنزل ، أفضل طريقه تعبين طشت بالماء وتغمرين البقدونس والنعناع ، وتخلينه شوي تركد الأتربه تحت وتنتشلين البقدونس <== حلوه تنتشلين .

تحطينه بمصفى وتكبين الماء وتعبين ماء نضيف وترجعين تغمرين البقدونس ، لين تحسين الماء صار نظيف ، وياحبذا الماء يكون مملح بأحد مرات النقع .

* لأستخلاص عصير الليمون بكل سهوله, خبركم بالخليج الليمون يعور القلب من نشفانه .

صلحي مساج لليمونه وكأنك تكورين الليمونه بالضغط عليها باليدين وهي على سفرة التقطيع , وبتستغربين من كمية الليمون إللي تطلع أثناء العصر ومدى ليونتها ، وبتضربين عصفورين بحجر نتائج الليمون وأزالة ريحة البصل من أدينك .

* واخيراً التقطيع الجيد للخضار له تأثيره في الطعم والمكونات الجيده والطازجه , وعاد فيه نسبه كبيره يجرمون بحق التبوله ويقطعونها بالفرامه ( هالطريقه غلط والناتج عنها ملوخيه مهب تبوله .

تصير التبوله تقوطر من العصاره وكأنك تاكلين أكل باباي ..وتفقدينها قيمتها الغذائيه لذلك ياتصيرين سنعه وتقطعينها بأناملك الحلوه أو هوني عنها ) ..

الطريقه :

نغسل الخضروات جيداً ، ونتركها تنشف ، بالذات البقدونس والنعناع ، عشان يسهلنا التقطيع وايضاً عشان السلطه تكون خاليه من السوائل .

نغسل البرغل بالماء ونصفيه واثناء تصفيته حاولي تضغطين عليه بيدك عشان ننشفه من الماء ، ثم اسكبي عصير الليمون فوق البرغل وخليه ينقع لين نخلص من تقطيع سلطتنا .

نبدأ مشوار التقطع ، وماخفي عليكم تقطيع التبوله لحاله يبيله شهاده تخرج ، يعني إذا ضبطي تقطيع التبوله ، بتشوفين كل سلطه بعدها سهله

نبدأ بتقطيع البصل ، وقلتلكم بصل ابيض لأن نكهته اقل حده وأيضا حراراته ونفثانه أاقل من البصل لأحمر ، بالاضافه انه مناسب للسلطات ولونه حلو، ممكن استبداله بالبصل الاخضر.

فكره :

لتسهيل تقطيع البصل حطيه بالبراد قبل يعني قطعيه وهو بارد راح يسهل تقطيعه وايضا ماراح تدمعين وانت تقطعينه احب هالطريقه لضمان عدم البكاء<== تكره تقطيع البصل .

بعد التقطيع نحطه في وعاء ( افضل احطه بعلبه لها غطاء في حال لو تأخرتي عن أكلها تغطينه وتحطينه بالبراد وتعرفون البصل ريحته طياره ممكن يعدملك الثلاجه )

وأخلطيه( بالغالب تضاف التوابل للتبوله ويُقال سميت بذلك لانها تُتبل ، البعض يضيف الفلفل الاسود ، او القرفه او البهار الحلو ، شخصياً احبها من غير شي وأضيف احياناً ملعقه صغيره سماق ، يعطيها لون محمر وايضاً يعطيها نكهه حامضه اكثر )

نزيل النعناع من الاغصان ونستخدم الورق ونقطعه تقطيع ناعم ، ثم نحطه فوق البصل ونخلط ( عشان يخفف نكهة البصل وايضا عشان نمنع تأكسد النعناع ، لانه على طول يسود )

نقطع الطماطم قطع صغيره ، كيف تقطعنيها ؟

قطعيها لحلقات ، ثم كل حلقه اقطعيها مربعات صغيره .

ونضيفها فوق النعناع والبصل وغطيهم تغطيه بس لاتخلطين . لأنا مانبي الخضار تذبل وتنزل عصارتها من كثر الخلط يكفي هريناها تقطيع .

الحين نقطع البقدونس ناخذ قبضه ونفرمهافرماً ناعم ، لاتستعجلون وتفرمونها كلها راح تتعبون بالتقطيع .

وايضاً أضيفيها فوق المكونات ولا تخلطين .

إذا ماراح تاكلينها غطيها وحطيها بالثلاجه لحين التقديم ،

إذا بتاكلينها أخلطي المكونات جيدا .

واضيفي البرغل واخلطي

اضيفي نص كأس من زيت الزيتون او حسب الذوق لو تحبين الزيت ، واضيفي الملح , وقدميها

ممكن تزينينها بأوراق الخس ، الملفوف ، او بشرحات الطماطم والليمون .

وبالعافيه على قلوبكم .

[إحساس إمرأة]

[إحساس إمرأة]

[إحساس إمرأة]

[بحــ العيون ــــــــر]

[υм вtℓαα]

يعطيكم العافيه على المرور العطر

[ام ارجواااااان]

طرح مميز
تسلممممممممممممممي
مودتي لكوارقالتحااايا

ام ارجوان

[jojo 123456]

عشقي التبولة
يسلمو اديك