عملت اليوم تلقيح صناعي .. خايفة ما يزبط .. مين عملت وحملت

[Mayar yahya]

السلام عليكم ورحمة الله وبركاته
بعد عناء طويل وكذب اطباء وكل واحد بعطيني انه عندي شي وبيطلع بالاخير الحمد لله ما في شي عندي .. اول شي قالولي ضيق بعنق الرحم عملت فحص مليح وبين انه كل اشي تمام وبعدين قالولي ضعف بالرحم طلع كل اشي تمام وبعدين هرمون الحمل قاد عالي طلع جيد جيدا وبعد كل فحوصاتي انا وزوجي رحنا عند دكتور مختص وقلنا لا تسمعوا لحدا نتائج فحوصاتكم ممتازة جدا
الحمد لله قلنا هذا الاشي من الله واذا حابين تحملو اعملو تلقيح واليوم سوينا
اتمنى من ربي ما يخيبني واحمل هاذ الشهر
لانه اهلي واهل زوجي متأملين ومتمنيين اكثر مني ومنو ..
بدي اعرف مين منكن عملت تلقيح عادي لا مجهر ولا غيرو ونجح معها وحملت ..
انا خايفه لانه بقولو نسبة الحمل 20/% بس املي بالله مو فيهم
طمنوني الله يطمن. قلوبكن يا رب

[امي حياتي2]

الله يتمم لك على خير وتكوني حامل
وانا معاك يارب وكل وحده تتمنى يارب الحمل السليم التام

[amany26]

حبيبتي ما تخافي وخلي أملك بالله كبير ونسبة حمل طبيعي لأي وحدة فينا 20 % وكل بإرادة الله وهذا كلام دكتوري المهم الحالة النفسية وأكثري من الإستغفاروإن شاء الله حامل

[شكريه احمد]

ياااارب الله يفرح قلبك ويتمم حملك على خير

[نورآيه]

الله يتمملك على خير اكثري من الاستغفار وان شاء الله خير

[Sakura fx]

أختي أعرف واحدة عانت من نفس المشكلة

جسمها سليم وكذلك زوجها وما في أي مشكلة صحية

بس بدل التلقيح الصناعي نصحهم الطبيب بتغيير وضعية الجماع

أختي حاولي تاخذي بالك من هالشي كمان وان شاء الله تكوني حامل

وتنجح الخطوة الي اخذتيها بنسبة 100 بالمية مو بس 20

[niza]

لا تقلقي إن شاء الله كل خير وتنجح العملية وتكوني حامل هذا الشهر تفائلي
الله يتمم لك على خير يا رب ويرزقك عاجلا غير آجل

[jojo 123456]

الله يسر أمورك يااااااارب

[qurtz]

حبيبتي اكثري من الدعاء والصدقه بنية الحمل
ربي يرزقك بالحمل السليم التام

[وردة عمره]

حبيبتي ما بدي احبطك بس انا عملتها من كم شهر وفشلت ما بعرف شو السبب
يمكن لانو نظامي الغذائي سيء ما بحب اكل اي شي مفيد وما بشرب مية
يعني كمان هالشي الو تأثير
انتي اتوكلي على الله وشو مكتوب رح تاخدي وفي كاير بنات عملوها ونجحت من اول مرةواتاكدي انو كل شي بايد رب العالمين انتي اعملي اللي عليكي وربي يفرحك انتي وزوجك باحلى بيبي