استفسار عاجل...للي يعرف مستشفيات جدة

[نور من نور]

السلام عليكم ورحمة الله وبركاته
كيف الحال
انا في جدة وبكرية ماني عارفه وين اروح اولد
كنت بولد في مستشفى خالد ادريس بس دكتورتي سافرت واكتشفت ان الزوج مايدخلوه غرفة الولادة
فاللي تعرف مستشفى كويس ويدخلو الزوج تقول لي عليه وعلى احسن دكتورة فيه وسعره؟؟
والا عندها معلومات عن مستشفى الجدعاني ياليت تفيدني

[نور من نور]

معقولة يابنات جدة ولارد

[~*روز*~]

انا ولدت في مستشفى خالد ادريس عند دريه ولي شهرين والده

بصراحه المستشفى مره حلوه من ناحيه العنايه والاهتمام

حتى الدكتوره روووعه

انا كنت زيك خايفه من حكايه انه ممنوع دخول مرافق<< اغلب المستشفيات ممنوع الرافق

لكن لما كنت ابكي دخلوا امي شوي وزوجي شوي عشان يهدوني << تعاطفوا معاي لاني بكريه

[ASO.VIP]

يابناااااااات الموضووع مهم جدا .. ردو الله يسعدكم .. انا حايسه كمان

[SHOSHOO]

السلام عليكم
والله انا زيك ابغى اولد في الجدعاني بس ما اعرف شي عنه غير من النت بس لانه قريب من بيت اهلي وطبيعة عمل زوجي خارج جدة رغم ان ولادتي الاولى في خالد ادريس عند الدكتوره ميمي ادري انها مررره كويسه لاكن بعيده واخاف اولد قبل ما اوصل عاد تعرفي زحمة السير

[الفاتنة]

حبيبتي انا زيكم بكرية بس سمعت كتير عن الاطباء المتحدون مررررررررررررة يمدحوه

وبصراحة انا اراجع في المستقبل عند الدكتور اسامة مكي مرة راجل شاطر ومحترم وخياطتو نظيفة ويدخلو معاكي اي احد وقت الولادة لان اعرف كم وحدة قريبة ولدت عندو

انا على حساب التامين بس لللي كاش الولادة 4500 او4000فقط غرفهم مرة حلوة

والله انصح بدا الدكتور ولو ماتبغي دكتور في كمان دكتور فاطمة اعلاو مرررررررررة زحمة عندها وهي كويسة
حتى لما تسالي في الرسبشن من افضل الدكاترة يقولو اسامة وبعدو فاطمة

بخصوص الجدعاني سمعتو مهي حلوة كتير ناس يشتكو منو هو وبخش
الله يهون عليك ويعطيك الساعة الطيبة يارب

[ام اسكندر]

الله يسهل للجميع يارب

بالنسبة لخالد ادريس خلاص ميمي سافرت

والاطباء المتحدون مرة غالي لكن شغلهم كويس

اما الجدعاني الجديد الي في حي غليل انا راجعت فيه مرتين عند دكتورين
دكتورة ودكتور
ما ارتحت للاثنين
بس ما اعرف حد ولد هناك عشان امدح لك فيهم
انا عجبني بس لمن اسوي تلفزيون عندهم لان جهازهم حديث كون المستشفى جديد

وراجعت كمان عند الدكتورة حنان في مستشفى الحياة الي بغليل جنب الجدعاني الجديد
تبان ماشالله شاطرة وفاهمة شغلها كويس

بس لمن ولدت رحت مستشفى صايم الدهر عند الدكتور محمد الجمل
لانه سمعنا انه افضل دكتور يولد قيصري في جدة كلها

اما الاسعار ماعندي خبرة
انا ولادتي قيصري في صايم الدهر بـ6000
ما ادري بكم الطبيعي عندهم
ذا رقمهم استفسريهم: 6754444

[يـــونا]

طيب اولدي عند دريه

مررررررررره يمدحونها بخالد ادريس

انا ان شاء الله اولد عندها

[أم قصي]

وعليكم السلام ورحمة الله وبركاته
شوفي أحسن مستشفى وهي أكثر شي تقرأي وتسمعي الناس بيولدوا فيها
الاطباء المتحدون تحسي أنوا تخصصهم وكمان المستشفى الصراحة روعه خدمات فندقية ونظافة وحاجة كدا تفتح النفس ..
بالنسبة للدكاترة عندك د/ حنان الشمراني
أستشارية ممتازة وبجد لو زورتيها مررره ما أعتقد بتفكري تروحي لغيرها
أنا أكيده حترتاحي ليها على طول لأنه كثير حبوبه في تعاملها مع مريضاتها وكمان
سمعتها ممتازة ماشاء الله عليها ..

[الله لايحرمني هالصوت]

فعلا
د/ حنان الشمراني دكتورة محترمة واخلاقها عاليه
وخبرتها طويلة وسمعتها طبية ومعروفه
وماتسمعي عنها إلا كل خير وأنصحك بيها
أنتي أستخيري الله والله يكتبلك إللي فيها الخير