الوحام متعبني وش تنصحوني

[عشقت انفاسك]

مرحبا امهات
شخباركن ان شاء الله بخير

انا حامل وحامي كل مره اصعب من اللي قبلها

الاستفراغ متعبي حيل

وسمعت عن الزنجبيل مين جربته ونفع معاها

تنصحوني فيه ولا لان في ناس تقول زين وفي ناس تقول مو زين للحامل

[ديسمبرية]

ابعدي عن الزنجبيل الزنجبيل حار وممكن يفتح رحمك

أنصحك تروحي لدكتورة نساء وتشكي لها حالتك وهي تعطيك المناسب

دعواتك ربي يرزقني قريب وكل منتظره

[عشقت انفاسك]

مشكوره حبيبتي ع الافاده

ربي يرزقك ويرزق كل محرومه بالذريه الصالحه

[هدوء انثى]

خذي حبوب الغثيان للحامل
مررره حلوو ومريح تاخذين حبه قبل النوم كل ليله
وعادي بدون استشاره لانه خاص للحوامل
خذيه من الصيدليه

[عقيلة]

لا تأخذي الزنجبيل
بس روحي عند الدكتورة

[عشقت انفاسك]

هدوء انثي

مشكوره ع الرد بس المشكله حملاتي اللي قبل مانفع لا حبوب ولا مغذي يعطوني

وقلت بستفسر عن الزنجبيل

[حمووشه المطيري]

الله يكون بعونك فعلا الوحام متعب


انا بالرابع وللحين الغثيان يجيني :( بس اذا ابيه يخف اكل رقي كثري منه زين للغثيان

[عشقت انفاسك]

الله يكون بعون الجميع

ومازال التعب ومعاناة الوحام ربنا يسهل

[دلوعة زوجهآآ]

ابعدي عن الزنجبيل حار
وفي حبوب غثيان خذيها تريح
الله يتمم عليك ويفرحك بشوفه ضناك

[إيـمـان]

في الهوى سوى
انا شخصيا ما ينفع معي لاحبوب ولا شي

الله يكون بعوننا