تجمع حوامل المدينة المنورة

[منتهى أحلامي]

المشاركة الأصلية كتبت بواسطة دف القمر

كيفكم كروشات المدينه
انا محتارة ويييييييين اراجع الدار وصفا المدينه والوطني يخوفون
فمحتارة بين العقالي او الدكتورة حسان بخش
الله يسهل لنا امورنا ويسسرها

شوفي الدكتورة ايمان بديرفي العقالي اللي في السبع مساجد والله جدا ممتازة انا من حملي الاول متابعتي عندها وحتى ولادتي الاولى عندها والله طيبة جدا وخبرة اكثر من 25 سنة وفاهمة وتعاملها جدا ممتاز والله تعاملني بخوف من الله ووقت الولادة ما حسيت شئ وخياطتها روووعة حتى مرة رحت لعطيات بعد ما خلصت الاربعين عشان دكتورتي مسافرة وانا كنت احس بتعب شوي وكشفت علي وشافت الخياطة قالت لي من سواها لك خياطتك ممتازة قلت لها الدكتورة ايمان
واتمنى الان صراحة اني اولد عندها وانا متابعة معاها
مع إنه ادارة المستوصف الآن مزودة سعر المتابعة عندها بس تستاهل
ولازم تحجزي عندها عشان زحمة

[حجازيه]

أم عبودي

اي والله الحمل التاني خوف اكتر من الاول بس الله يسهل علينا

ويارب ولادتكم تكون زي ولادة ولدي الأول

بحكيكم عن ولادتي الأولى هع >> كنت بيت أمي جالسه أمسح معاها الجدر خخخ

الموهم وانا أمسح حسيت بالم زي الم الدوره يجي ويروح أبدآ ما اتوقعت انه ولاده

حتى ما قلت لأمي ع الوجع ودقيت على زوجي قلتله ترا انا عندي وجع يجي ويروح على خفيف

ورحت معاه وانا بالسياره راح الألم فأحترت أروح ولا لاء..؟؟؟

قالي زوجي روحي نطمن ولما رحت وكشفت عليا قالتلي يآ أمي ولاده خلاص 7 سم مفتوح الرحم

يؤيؤ والله يابنات 7 سم وانا ما فيا الم ولا موية ولاده بس كنت ببكي من الخوف

دخلت الكشك وهيا فقعت المويه ونزل الجنين كلها دفتين وطلع .. هوا طلع من هنا انا اتبنجت من هنا لاحسيت لا مشيمه ولا خياطه ولا تنظيف صحيت وانا مخلصه والحمد لله جبت العسول فراس

هع هع أحس طولت الهرجه وهيا قصيره .. يلا ياليت تقولولي كيف ولاداتكم ..

[بذخ~]

حجازيه } ربي يحفللك فراس وان شاء الله تكون ولادتك وولادة الكل بسهاله وتيسيير ..
انا لسى ما جربت ان شاء الله ربي يتمم لي بخير ويصير اجي احكيكم ..
عشان كدا البكريه تكون ماهي عارفه حاجة كل شئ مجهول في الولادة بالنسبه لها ..
يلا ربي ييسرها ..~

حبيت اسألك حجازيه
فين كانت ولادتك ؟

:

[منتهى أحلامي]

حجازية
حلوه ولادتك ماشاء الله
الله يسهل علينا جميعا وتكون ولادتنا جميعا مافي اسهل منها وكل حامل يارب

انت فين ولدتي ؟
وهل فيه شئ معين اخذتيه قبل الولادة ؟
حتى انا هذا طفلي الثاني واحس اني خايفة شوي يارب تسهل

[ام القمررين]

السلام عليكم ورحمة الله وبركاته ياكروشااااااااااااات طيبة الطيبه والله يجعل كل ولاداتنا سهله وميسره زيك ياام فراس ماشاء الله تبارك الرحمن والله يحفظه لك
وانا عضوووه جديده وحبيت انظم معاكم في كرشتي الثالثة ماشاء الله.. بس فين ولدتي ياعسل ..

[حجازيه]

بذخ & منتهى أحلامي & أم القمرين

ولادتي كانت عند الدكتوره فاطمه الخير في مستشفى صفا المدينه

كان زوجي قاعد على راسها يقولها سويلها بنج والحمد لله اتيسرت

كنت في الشهور الأخيره آكل رطب بكثره وأول ما دخلت التاسع صرت أمشي كل يوم

عند جامعة طيبه ألفه كله وكمان في البيت بس أتحرك..

[شعوله]

سلااام لاحلى كروشاات
انا حامل توي داخله الرابع الله يعين فقر الدم دابحني تهي تهي تيهي
انا اراجع عند دكتوره تيسير في البكاري بس من رمضان وهي مسافره ماجات
بس مابغى اروح لغيرها مرااا ارتحت معها

[دودي باشا]

هااااااااااي كروشاااااااااااات

[منتهى أحلامي]

حجازية
والآن وين ناوية تولدي عند فاطمة الخير في صفا المدينة او بتغيري ؟
وكيف المستشفى والدكتورة لاني سمعت عنهم اشياء تخوف وفي المقابل سمعت كثير زيك يمدحوها ؟
كيف غرف المستشفى وعنايتهم بالطفل ؟
وودي اعرف عنها معلومات اكثر لانها قريبة من بيتي وممكن دكتورتي ماعاد تولد وانا من الآن احاول ابحث عن بديل مع اني لسه ما سألتها ؟
وهل كنت تتابعي عندها من بداية حملك ؟

[بذخ~]

أهلين حبوبآت ~
(=

كيفكم ؟

حابه استشيركم .. اي افضل في تصوير السونار البترجي ولا العقالي !
نفسي اطمن عالجنين واعرف نوعه لانو كل ما بكشف بيقولو مش واضح

: