استفسار عن ابرة الظهر للجزائريات

[انا و زوجي]

السلام عليكم انا اريد ان استفسر عن ابرة الظهر او الولادة بدون الم ان كانت متوفرة في الجزئر
وما شاء الله كاين بزاف جزائريات في المنتدى ياريت يخبرونا
انا حامل للمرة الاولى وخايفة من الولادة خصوصا انو بزاف الامهات راهم يتوجهو للعيادات الخاصة رغم غلاء الاسعار يعني راهم يهربوا من المستشفيات العامة فهل يعني انو العيادات الخاصة افضل
و اسفة على الاطالة

[ام لولي ..]

ماعندي علم بس حبيت ادعي لك الله يسهل عليك ويهون طلقك

وان شاءالله تجي ولادته هينه سهله ميسره وماتحتاجين ابره

بس اللزمي الاستغفار والدعاءً

[ام خولة]

وعليكم السلام ورحمة الله وبركاته

حبيبتي اللي اعرفه في الجزائر انو العيادات الخاصة تملك كل شيئ حتى ابرة الظهر لكن حسب علمي انها تستعمل في حال العملية القيصرية فقط والله اعلم
لكن هذا لا يعني انهم لا يوفرون المساعدات اللازمة في الولادة الطبيعية بالعكس الولادة سهلة جداا
عندهم
لكن المستشفيات العامة على حسب ماسمعت عنهم انهم يختلفون كل الاختلاف عن العيادات الخاصةفي كل شيئ حتى المعاملة يعني اذا كان لك معرفة مسبقة بالقابلة او الطبيبة فالامر هين ويمكن يتوفر لك اشياء كثيرة واذا ماعندك فعلى ما سيسخره لك الله من انفس طيبة او العكس .

الله يكتب لك كل الخير ويرزقك الولادة السهلة اليسرة ويقر عينك بطفل سليم ومعافى

[Nourelhouda]

اهلا اختي،،،
كيما قالت الاخت ام خولة في العيادات الخاصة الاغلبية يلجأون الى القيصرية حتى رجعو يسموهم" الباطوار" و انت و دراهمك بصح يشكرو بزاف عيادة الازهر في دالي ابراهيم ،،،،
اما المستشفيات اذا ماكنتيش تعرفي القابلة او الطبيبة و الا ماعندكش المعريفة انت و زهرك فيمن طيحي،،،،،،
ربي يعطيك وقفة سهلة،،،،

[bassouma]

حبيبتي ربي يسهلك ولادتك و متحتاجيهاش إبرة لحد الأن مسمعتش عنها وحدة دارتها في جزائر أنا أخت زوجي في فرنسا تقولي يديروهالهم و ميحسوش بالوجع و ربي يعطيك وقفة ساهلة

[huyam]

انا مقيمة في فرنسا و أغلبية البنات جربوها في ولادتهم الاولى و من تم ما عاودوهاش هي ما تحسيش الوجع في الولادة بصح ضهرك يبقى يوجعك طول حياتك و هاد الشي من بين الآثار السلبية للابرة و كيديروها في الولادة العادية
انا نصحك ما ديريهاش و ربي يفك وحايلك على خير

[انا و زوجي]

نشكر الاخوات على الردود والله الواحد يقرب لموعد الولادة ويده على قلبه
ربي يوفقكم ويرزق المنتظرات ويسهل على الحوامل
واسفة على التاخر في الرد التعب ماراه مخليني ندير والو شكرا مرة اخرى

[امينة الجزائرية]

أختي انشاء الله ربي يعطيك وقفة ساهلة بصح ماننصكش ديريها على خاطر سبيطارات غير تع معريفة وتاني منبعد تولي داوي على ظهرك ننصحك توكلي على ربي والزيادة قع جربناها انا حكموني نهار كامل بالشكك وكملوها بالفورسابس بصح كل توجيعة تمحيلك الذنوب ربي يعطيك ولادة ساهلة