دخلن يا حريم ضروري ربي يرزقكن ...

[العليا]

الحمد لله على كل حال .... توني راده من عند الدكتوره و احسها غبيه ما ادري ليش احسها خرفت و يلست ...

خذت عني تحليل دم و طلبت حليل دم هرموني و بعد ساعه دخلت عندها و للاسف قالت لي ماشي حمل و نسبة الحمل بالدم 2 و سببها لخبطة الهرمونات قلت لها انا سويت تحليل منزلي جهازين و طلع لي خط خفيف قالت لي عادي لخبطة هرمونات تزيد نسبة الحمل و اصلا ماشي حمل .... قلت لها ابا سونار قالت لا ما يحتاي لني شفت لج السونار قبل و اظن نفس الشي و انا كنت شايفه كيس اظن هو للبويضه و كان حجمه 17 و قلت ممكن يصير حمل منه ... يا ناس سا عالم انا موليه مب مقتنعه احس شي ثاني ... وانا كنت سايره لدكتوره البديله عنها و قالت لي البويضه منفجره قبل ايام التبويض عيل هاي البويضه من وين طلعت ...

كيف بويضه يمكن تتلقح و كيس بويضه وانا كنت مخلصه ايام التبويض و حتى ما نزلت البويضه وقالت لي ما تحتاجين سونار و هيه مجيكه عليه سونار يوم تاخرت 4 ايام و الحين كملت 18 يوم و غير انها قالت لي سمك الرحم عندج كبير ولازم الدوره تنزل و اذا نزلت بتنزل بدال 5 بتكون 7 و كتل ....

بتخبل مب عارفه شو اسوي عطتني دوا تنزيل قالت لي خذيهم من بداية تاريخ 1 و راجعيني اليوم 7 من الدوره ...

وانا ماخذه دفاستون صار لي 7 ايام ما نزلت و احس الم في صدري مرات و ظهري اذا يلست فترات طويله و عندي انتفاخ شوي في بطني و افرازات شفافه و بيضا و الم الدوره ايني يروح ....

و حلفت ما اخذ حبوب التنزيل ...

يارب رحمتك الحمد لله على كل حال الحمد لله ... ربي اني لما انزلت الي من خير فقير ...




الله يخليكن بنات ادخلن و خبرني شو السالفه لني وايد محتاره ما عرف شو اسوي ...

[بنت الذوق]

الله يكوون فعونج اختي
18 يوم مو شوي
افضل تروحي لدكتوره ثانيه وشوفيها وش بتقول ولاتقوليلها انج رحتي مع هذي الدكتوره وقالتلج هالكلام
وان شاء الله خير حبيبتي

[دلـــوعــه عـــــبوديـ]

رروحي دكتوره ثااانيه ولاتقوليها وش صار معك

[حياتي توأمي]

مثل راي البنات
خلي هالمره اللي رحتيها تكون أخر مره
حبيبتي. حطي في بالج
السعي للحمل يباله شيئين
اول شيء التوكل علي الله
وثانياً العلاج الصح علي ايد دكتورة صح
اتوكلي علي الله ولاترجعيلها مره ثانيه روحي للدكتورة اللي نصحتج فيها وعسي يكون حملج علي ايديها يارب
الله يرزقج بالقريب العاجل

[tota_2101]

روحي لدكتوره تانيه و ان شاء الله خير

[العليا]

خلاص مره ثانيه ما برجع لها هالغبيه " استغفر الله " لا فاد علاجها ولا نزلت الدوره ولا حتى اقدر ابد علاج يديد ... بروح للدكتوره الثانيه ان شاء الله العصر ..

[غصه مكتومه]

الله يرزقك اختي بالحمل السليم

[المتفائله خير]

ااالله يرزقك مآتتمني يآرب

[العليا]

توني راده من عند دكتوره " فاطمه نوح" و شاطره و يلست وياها و تكلمنا عن الموضوع و طبعا ما قلت لها عن الدكتوره الاولى ولا شي ...

سالتني اذا خذت تحليل دم قلت لها هيه و ما ادري شو السالفه بالضبط لكن اللي خبروني نسبة هرمون 2 و نزلت لي افرازات اول يوم للدوره اللي المفروض تنزل و رابع يوم تاخرها و نسيت اقول لها اني خذت دفاستون و سوت لي سونار قالت بطانة الرحم عندج سميكه و الدوره تبا تنزل لكن في صوب اليسار باين كان فيه تبويض متاخر و هالشي يخليني اشك في حمل ضعيف وايد و معرض للاجهاض ... و خفت وايد و قالت اذا ما نزلت لين الخميس الياي بنزلها غصب و ببدا علاج يديد وياج عقب قلت لها اني ماخذه دفاستون و للحين 7 ايام ومانزلت و عقب قالت ها ياكد لي الاحتمال بوجود حمل ضعيف و سمك بطانة الرحم بعد تاكد لي بس ما ابغي ااكد أي الا بعد ما يطلع الفحص اللي بسويه لج و هو فحص الدم " الهرمون" و بتطلع النتيجه الساعه 6 ...

بنات انا وايد خايفه وايد وايد و كنت اتمنى الحمل و الحين عندي ضعيف و مهدد بالاجهاض ....

انا من ذاك اليوم ادعي و اليوم بعد قلت يارب اذا حمل ثبته و اذا دوره تنزل ..

الله المستعان

[هبة الرحمن]

الله ييسر امورك اختي ويفرحك ويااارب يكون حمل وتجي تبشريناا