استفسار بسيط...وأتمنى اعرف تجاربكم

[حلم-الامومة]

بناات بسألكم

يصير اخذ كلوميد من غير ابرة تفجيرية؟؟ لانه ما ودي اخذها

في حملي الاول ما خذيتها والم التبويض كان لا يطاق وسبحان الله صار حمل

وهالمرة اخذتها وما حسيت بألم التبويض نفس اللي قبل بالعكس كان الالم جدا بسيط

ونفخت لي بطني ع الفاضي هذا غير الم الظهر والاعراض الثانية يا ويييييييلي

وانا قرأت انهم يعطونها عشان يحددون موعد الجماع بالضبط بس..هل هذا صحيح؟؟

ابي اعرف مين اخذت كلوميد من غير ابرة؟؟صار حمل او لا؟؟
وكيف حست بألم التبويض؟؟

ادعوولي الله يرزقني الحمل السليم المعافى هذا الشهر انا وكل منتظرة يااارب

[ahlam-f]

ايووه حبيبتي عاادي ان السنه اللي فاتت اخذة كلوميد وبالمتابعه وصلت حجم البويضه الي عشرين قالت مايحتاج لابره وسبحان الله حصل حمل في هذاك الشهر ..

[Alooy]

اي عادي انا اخذت الشهر الي فات كلوميد بدون ابره حبتين صبح وحباين الليل بس ماحسيت بأعراض انا وماحملت وهالشهر اخذت كلوميد وابره تفجيريه وباقي على دورتين يومين ادعي لي اكون حامل

[حلم-الامومة]

المشاركة الأصلية كتبت بواسطة ahlam-f

ايووه حبيبتي عاادي ان السنه اللي فاتت اخذة كلوميد وبالمتابعه وصلت حجم البويضه الي عشرين قالت مايحتاج لابره وسبحان الله حصل حمل في هذاك الشهر ..

شاكرة لج مرورج وردج

ريحتيني الله يريحج كنت مترددة اني اخذه من غير ابرة بس عطيتيني دافع

[حلم-الامومة]

المشاركة الأصلية كتبت بواسطة alooy

اي عادي انا اخذت الشهر الي فات كلوميد بدون ابره حبتين صبح وحباين الليل بس ماحسيت بأعراض انا وماحملت وهالشهر اخذت كلوميد وابره تفجيريه وباقي على دورتين يومين ادعي لي اكون حامل

يا عمري ان شاء الله تكوني حامل وترجعي تبشرينا

[يآ أرحم الرآحمين]

نفس سؤالك .. إن شاء اله البنات يفيدونآآ

[حلم-الامومة]

المشاركة الأصلية كتبت بواسطة سلطانة زماني

نفس سؤالك .. إن شاء الله البنات يفيدونآآ

وينج اختفيتي؟؟ اش صار معااج ؟؟ شكلج ما خذيتي الكلوميد ولا مفكره تاخذينه ههههههه

عشان اطمنج اكثر اعرف وحدة ما شاء الله تبارك الله بكرها بنت وعقبها حملت كذا مرة بس يصير

اجهاض اخذت كلوميد من حالها من غير استشارة وحملت بتوأم ما شاء الله وعقب كملت بالاسبرين

وابر السيولة والحين خذته مرة ثانية وتوها مكلمتني امس انها ما شاء الله بعد حامل في توأم

اذا للحين مترددة انسي الموضوع احسن هههههه تلعوزين عمرج بكثرة التفكير في الموضوع

وان شاء الله نحصل اكبر عدد من التجارب

عشان يشجعونا

[أم.محمد]

والله نفس سؤالي

الله يجزيك خير ويجزي كل من افادتنا كل خير
لأنه ماعندي فرصة آخذ ابرة تفجيرية صعب

[إنكسار]

ممكن تاخذين كلوميد بلا تفجير
ولكن المتابعة أفضل لأنه أحيانا قد تتطور البويضه لحجم أكبر ك 25 وماتستفيدين منها وقد تتحول لكيس لاسمح الله
وفيه بعض البنات يكون عندهم هرمون lh أقل من الطبيعي فممكن ماتنفجر البويضه من نفسها وتحتاج إلى إبرة تفجير
أو في حالة زيادة lh عن الطبيعي كما في التكيس يكون أفضل لها إبرة تفجير وتختلف القوة بحسب مايرى الطبيب المعالج

أما بالنسبة للآلام ليست مؤشر على جودة التبويض من عدمه
وأقولها لكِ من تجربه

منّ الله علينا وعليكِ بما يقر أعيننا

[حلم-الامومة]

المشاركة الأصلية كتبت بواسطة إنكسار

ممكن تاخذين كلوميد بلا تفجير
ولكن المتابعة أفضل لأنه أحيانا قد تتطور البويضه لحجم أكبر ك 25 وماتستفيدين منها وقد تتحول لكيس لاسمح الله
وفيه بعض البنات يكون عندهم هرمون lh أقل من الطبيعي فممكن ماتنفجر البويضه من نفسها وتحتاج إلى إبرة تفجير
أو في حالة زيادة lh عن الطبيعي كما في التكيس يكون أفضل لها إبرة تفجير وتختلف القوة بحسب مايرى الطبيب المعالج

أما بالنسبة للآلام ليست مؤشر على جودة التبويض من عدمه
وأقولها لكِ من تجربه

منّ الله علينا وعليكِ بما يقر أعيننا

الابرة احسها تورمني وتنفخني هذا غير الثقل والخمول اللي ينزل علي

شكلي باخذها

الله المستعااان....