تجمع سيدات ليبيا الغاليات..

[ام وسونة]

بري ارقدي بسليمتك حتى اني الحبايب كلهم راقدين من مبكري وغدوة مدرسة

تصبحي على الف خير يارب

[جوهرة ليبيا]

ربي يدوم المحبه مع صاحبتك

لكن اميرتي الصغيره نااااضت تأبرني

[جوهرة ليبيا]

هدهد وينك تعالي شدي التوكه معاي هههههههههه

كيف حالك وسوما الاموره ربي يحفظها وان شاء الله سنك احسن توا

[هدية الخالق]

السلام عليكم ورحمة الله وبركاته
كيف حالكم اليوم
جيجي سلمك نشاده يا غاليه والله اليوم طلعت مشينا لأصحابنا أردنيين جايتهم بنيه ليها أسبوعين كل مره منمشوا ومايصيرش مره نمرض أني ومره سوما وهذا وين صار من المشي الويكند هذا مع أني دايخه وفاشلة من سنوني لكن قلت خلاص معاش فيها
وباهي سترنا ربي مشينا الاسبوع هذا لأنه لقيناهم يجهزوا في أرواحهم بيسافروا في هاليومين للأردن
درت الصبح طاجين رفعتلها منا وخدينالهم علبة شوكلاته ولبسات للبنوته
ودارتلنا عصير وحلاوات ونسكافيه وتشيز كيك وفواكه مسكينه بنتها سلامتها عياطه ترقد تحطها وتمشي بتجيب حاجة ماتوصل زين لين تبدأ في العياط ماعطلناش احني يادوب ساعة قعدت تشد فيا هلبه قلتلها خلاص والله أني سنوني وتعبانة والمغرب أذن وقت وسومه قلقت ومازال منخطموا عالسوق مناخدوا حاجات ناقصه وهيا الله يعينها بنتها من جهة وحوسه الشنأطي والحوايج من جهة مناقص كان نقعدلها عشي ونزيد نحوسها أكتر
لكن والله وجعتني خلاص معاش شايفينهم بيقعدوا سبعة شهور في الاردن ولما يرجعو نكونوا مروحين ليبيا احني الله غالب نتواصلو بالتيليفون وخلاص وان شاء الله ربي يجمعنا في الجنه

[هدية الخالق]

أتري مبارك ماشريتي تبيديهم بالهني
ام وسونه ربي يعاونك علي بنيتك أن شاء الله ربي يهديهلك غضوه وما اتعبكش

[هدية الخالق]

البقيه وينكم أن شاء الله الجميع بخير
سلام تصبحوا علي الخيرات
في أمان الله

[ام معاد]

السﻻم عليكم كيف حالكم.بنات منو تعرف ديبنهامز وين ايجي اليوم مدايرة في بالي بنمشيله .اتري مبارك ماشريتي.والريجيم ماشية عليه نوعا ما بس دخلت دقيق الشعير والفاكهة وهدا بالضغط من زوجي وهاتي طريقة العجة ن

[ام معاد]

مازلتوا راقدين ؟؟؟؟

[sosolibya]

صباااااااااااااح الخير والمودة على الحلوين ..

كيف حالكم..

مبرووووووووماشريتي أثورة وتلبسوهم بالهنااااااء..

وعقبال ماتمشي جيجي..

وين فروسة مش مبينة ...

لابأس على حاسوبك يا أوشي..

كيف حالك أم وسونة وتبي الحق بنتك ضروووووري تتبعد عليك شوية يعني حاولي تخليها عند حد لم تمشي للمدرسة وتوا تشوفيها كيف تتعدل..
حبيت نساعدك بس ...لأنها الباين متعباتك ربي ييسرلك..

[sosolibya]

هلا أم معاد كيف حال وحال الصغار وكيف حال أم ورد..

وربي ييسرلك المشية لديبنهامز...

وشن ناوية تشري ههه ... ويااااااااااسرك من الريجيم بديت جلدة على عظم ومع الرضاعة ثاني..\



فرووووووووووووسة إن شاء الله خييييييييير إن شاء الله خير والصلاة على النبي اللهم صلِّ وسلم وبارك على سيدنا محمد

حلمت إني سافرت وقعدت في نفس المكان معاك انت جوووووووووووو مش عادي ههههه
تخيلي يتحقق حلمي ..

...................