تجمع سيدات ليبيا الغاليات..

[جوهرة ليبيا]

ماشاء الله عالزرده اثري

اكيد تعبانه توا بترتاحي

وكيف حال الصغار وبوهم واميمتك

هدهد فاقداتك اليوم ديما هالوقت موجوده يارب اتكوني بخير

[جوهرة ليبيا]

غسلت الخضرة وقرضتها وعاودت غسلتها وتو جفت والمعلاق واللحم حتي هو

بنمشي انحطهم في الثلاجه ووبندير للمصارين مرقه جديده ايباتوا فيها

باش الصبح كل شئ واتي انخلط ونحشي ويطيب باذن الله

حتي اني تعبت اليوم بنحاول انرقد اميرتي الصغيره ونصلي ركعات ونرقد


ليلتكم اسعد من السعاده

[ام وسونة]

حبيبتي ربي مايجيب الغلط بيناتنا ولايهمك اني فهمتك صح وفعلا في ناس ماتنساش تقعد اتذكر فيك حتى بعد مايكبروا الصغار

عموما براحتك اسالي راجلك اكيييييد رايه مهم

[هدية الخالق]

السلام عليكم كيف حالكم اليوم
ااااااااخ يا ام وسونه خليك ساكته لا تشكيلي نبكيلك
أني خلاااااااص فديييييت من سما والله قبل شويه كنت نبكي تعبت بجديات ماسد الكساد والوحدة وهيا زايدتني والله العظيم حتي خشوش الحمام حشاكم والصلاة مانرتاح فيها تصوري امبكري نتوضأ بيها وهيا في يدي لأني كان خشيت للحمام وخليتها بتقلبلي الدنيا بالعياط
امبكري شويه طأحت من الكنبه قريب لمت عليا الجيران بالعياطات درتلها شيشه وجيت منرضعها باش تسكت كان مازادت والله لوحت الشيشه باقوي جهدي عالحيط وبديت نبكي معاها شني هذا والله مش نشفع والا حاجة الحمد لله لكن أني بني أدم مش ألة نحس في راسي واكتافي ن التوتر ومن عياطها الحمد لله ياااااارب
الصبر واخلااااااص

[هدية الخالق]

المشاركة الأصلية كتبت بواسطة جوهرة ليبيا

ماشاء الله عالزرده اثري

اكيد تعبانه توا بترتاحي

وكيف حال الصغار وبوهم واميمتك

هدهد فاقداتك اليوم ديما هالوقت موجوده يارب اتكوني بخير

الله يسلمك جيجي بارك الله فيك أن شاء الله ماتفقدي غالي
اليوم مافضيتش انشغلت بالغدي طيبت بكري لأنه راجلي عنده كوره الظهر وبعدها روح دوش وتغدي وولي لجامعة وقعدت نعاند في سما سلامتها لتوا بس مش رقدت أخيرا

[هدية الخالق]

المشاركة الأصلية كتبت بواسطة اوشي

انا الايام اللي فاتن مش قلت الكم روى مريضة وحتى وانا

بعدها في الليل يبدا عصومي وعليوة حرااااااااااااارة مابتش تنزل

عليوة 40 وعصومي 39

وانا حالة بينهم وبين روى وانا بروحي مريضة

شلناهم لدكتورة اوكرانية شاطرة عطتهم دواء وقالت عندهم احتقان

بس الحرارة مانزلتش وهمدت وافتكيت منها الا يمكن 3 يوم الحمد لله

وانا بريت وبعدها انتكست وجتني المرضة اشد

ومازلت نقاوم

اهلين أوشي سلامات إن شاء الله لاباس عليك وعالصغار مابعدك والله إلا صعبه جربت حتي أني مرضت أني وسما جميع معاش تعرفي تعانيها ولا تعاني روحك
والحمد لله انهم تحسنوا وعقبالك إنتي إن شاء الله ربي يمن عليك بالشفاء العاجل

[هدية الخالق]

هلاااا باثري كيف حالك وكيف حال الصغار ماشاء الله عالزرده جو مش عادي سفهتيني
امتىىى؟؟؟؟نروح وندير زرادي وعزايم حتي أني إن شاء الله

[هدية الخالق]

فروسه وينك اليوم ؟؟

[جوهرة ليبيا]

ربي يحفظها الحبوبه سما

فتره وتفوت ان شاء الله

توا كنت بنرقد وخديت دوش واسترخيت سلامتها الحبوبه ناضت وتبي تلعب مع ان في النهار مش راقده

[هدية الخالق]

في أمان الله
تصبحوا علي ألف خير منوض نحط سما في سريرها ومنصلي المغرب