** ليبيا زين علي زين ليبيا ورد وياسمين ** تجمع الليبيات

[dr.loly]

خسارة اغلب السلطات مصورتهن بجهازي لي مش جايبته معايا

لقيت هذه

حلوة طعمتها بجبنة بوووك السائله
بادنجال وبطاطا وصلصة طماطم وثوم وفلفل بالكمون يعطي نكهه والا الذ ع رشة شبـــت
وتخلطي بجبنة ع حسب كميتك

[أم أجنادين 80]

السلام عليكم ورحمة الله وبركاته
كيف حالكم جميعا

ماشاء الله علي الهدرزة الحلوة

والروائح الزكية

[dr.loly]

وعليكم السلام وورحمة الله وبركاته

يا مرحبا بجنوووده

هلال العيد الجديد

شخبارك؟

[dr.loly]

صحه الخبيزات سووووسوووو

خاطري نديرها هنا لكن هو كسكاس واحد خايفته ايريح فيها هههههه

[هدية الخالق]

السلام عليكم كيف حالكم اليوم

والله أني راسي امبارح ساهرة مع سوما مريضه مسكينه حرارة وزكمه مولية دبلانة
وناضت الفجر ساخنه تحرق وتنقنق عطيتها شروبو ودرتلها كمادات وكلمنا الطواري قالولنا عادي مادامه ماوصلتش الحرارة لاربعين وتقدر تتحرك تمشي وكان كلمتوها تشبحلكم وتنتبه معناها عادي
لكن أني رقالي الحق البنت ساخنه ودبلانه وهما قالو عادي مفيش داعي تجيبوها عطوها شروبو كل أربع ساعات وديرولها كمادات دافية وخلاص وراقبو الحرارة واي مضاعفات تصير وقولولنا

[هدية الخالق]

تعرفو الممرضة قعدت ساعة تسأل في راجلي ميت سؤال وفي الأخير قالت لا بسيطه الصغار يتحملو الحرارة أكتر من الكبار
بالهم واااااسع بكل وديما يهونوا في الحاجة
اليوم خدينالها موعد عند دكتوره العايلة امتاعنا وخلاص مع إنه مش حتعطيها حاجة جديده أكتر من اللي نعطولها فيه لكن هذا هو تشوفها وخلاص

[هدية الخالق]

فروسه واوشي مافهمتوش سؤال اثري بالنسبه للماكينة هيا قصدها موس الحلاقة فينوس مش الة براون

[هدية الخالق]

أموله إن شاء الله ربي يعاونك وتجي لمتك زي ماتبي وأحسن

[هدية الخالق]

فروسه هههه حتي سوما خدينالها فرشه ومعجون من الستة شهور قالتلنا الدكتورة حتي الحليب يسبب تسوس والاسنان هذي تعتبر مسووله عالاسنان الدايمه يعني لو طلعو الأسنان اللبنيه مسوسات يأتروا عالاسنان الدائمه

[هدية الخالق]

سوسو صحة الخبيزة والبسبوسة