** ليبيا زين علي زين ليبيا ورد وياسمين ** تجمع الليبيات

[اوشي]

ام معاذ وام ورد ورغودة وحبيبة حازم اشتقنا لكم

[اوشي]

بالنسبة لعزومتي ..

خوي وزوجته جو من تركيا ونزلو في بنغازي وقعدو فيها يومين وجوني الجمعة

درتلهم عشاهم مكرونة امبوخة بالخضرة وبرودو باللحم الوطني والبصل طلعت اتهبل

وسلاطة وامخلل ومشروب وتفاح وموز وبرتقال

وجابولنا هدايا عبارة عن علبة شكلاطة فاخرة وحلقوم فاخر وجابو للعيال قناديل واعاب

وجابو لدود بلوزة امريكية سوداء طويلة لين الركبة اتهبل تنفع جوليه للمدرسة

وجابولي عصارة برتقال

وثاني يوم السبت كان اليوم العالمي

طبعا انا امدايرة غريبة باللوز الخزايني وخبزة محشية بالتمر اتهبل للفطور وعندي كعك من فبل

نضت الصبح درت فطور

شاهي وقهوة وكاكاو وحليب ... ودحي وجبنة .. وتوست دهنته بالزبدة وحطيته في الجريلا

لين تحمر ودهنته بمربى


لمينا حوسة الصبح وخشيت عالغدا درت دجاج بالخضرة في ورق الالومنيوم عالسريع وزقبته

في الكوشة ودرت امعاه برودو ورز ابيض


اما العشاء فكان ارز بالخلطة كبدة وكاجو ولوز وزبيب وعصبان ومحشي فلفل وشربة

وبيتزا وطاجين امبطن بالجبنة وكنت اموتية شيش طاووق علي طريقة فروسة

بس ماسعفنيش الوقت حطيته في التلاجة ودرته ثاني يوم

االمهم درت ساطة عادية وكول سلو وسلاطة الجزر والعدس وامخلل

ومشروب وفواكة وهديت العرايس كل وحدة خاتم

وعدو عيت سلفي بعد العشا دغري وعيت خوي عدو ثاني يوم بعد ما مرضو عندي من البرد

قلت الهم في تركيا قعدتو اسبوعين ما مرضتوش وقعدتو عني يومين ومرضتو

وخوي لما وصل لطبرق صارت امعاه حمى شديدة لين رفعوه للمستشفى وضربه بابرة

[اوشي]

فروسة..

بالنسبة لكرسي العروس اعتقد انه هو كرسي اعويشة

[اوشي]

[اوشي]

[dr.loly]

فروسة ..

شخبارك ياحلوة واخبار العيال وبوهم وربي يعينك علي فطمة اللهاية

خليتيني انفكر حتى شن ادير رويتا لما نفطمها عليها

وربي يعطيك صحيحتك علي نشاطك في المنتدى وفي حوشك

وكيف ماقالت اثورة يضرب الريجيم شو بيذل هههههههههههه

لاباس تدلعي ايام في الشهر صحة صحة

يا هلا بغزاااالة جبلنــا .. شخبارك واخبار الحلوووين
الحمدلله تريحنا من اللهايه .. اليوم ناض فروووسي بدون بكا الحمدلله ياااارب
ورقد من 12 امس بهز بسيط نفس ماحكيت..
تريحنا منه ..

الحق هو عطيته له بعمر شهر كان يشرق ويمص ف صواابعه قلت ع اقل لهايه تمنع الشرقه وف نفس وقت مانبيش يتعود ع صوابعه بعد قريت ف نت وقتها ان لهاية تحمي من شرقة بالعمر هذااا


وعقبال لولي المهمه الصعبه طبعا نقصد الرضاعه الطبيعيه...

وشن دايره مع رويتا ف رضاعه والاكــل

توا كيف طلعت من عندي خصائيىة الاطفااال وفرحانه واجد ب لولي عشان الطبيعي هههه

قالتلي شبعيها اهم شئ قبل نوم عشان ماتعبكش ف ليل قتلها ماتاكلش واااجد

[dr.loly]

ماشاء الله ع عزوووومه اوشي ربي يعطيك الصحه
مافش حد ساعدك؟

[dr.loly]

المشاركة الأصلية كتبت بواسطة اوشي

فروسة..

بالنسبة لكرسي العروس اعتقد انه هو كرسي اعويشة

من اعويشــــــــــــــــــــــه؟؟؟؟؟؟؟؟؟؟؟؟

[dr.loly]

ع سيرة كوشة الفرح ...
سوسو وانتي شافنه بس؟؟

[dr.loly]

توا نعلن متاع من قريبا هههههه

بس ماعرفتش من اعويشه خخخخخ