** ليبيا زين علي زين ليبيا ورد وياسمين ** تجمع الليبيات

[sosolibya]

هلا وغلا بعطووووووووووورة وفروسة

شن أخباركم...

[sosolibya]

بيضة يوميا للحد من زيادة الوزن..

[جوهرة ليبيا]

مساء الورد علي عسولات بلادي ربي يحفظكم

[هدية الخالق]

السلام عليكم مساء الخير

[هدية الخالق]

كيف حالكم اليوم أني توا عندي الثمانية ونص صباحا كيف فطرت راجلي وسقدته وما خاطريش نولي نرقد هههههه مع إني قاعدة فاشله ومزكومه حااااله الحمد لله علي كل حال

[هدية الخالق]

مرحبتين بيك زجاجة عطر انستي ونورتي
تفضلي مكانك محفوظ ماشاء الله التجمع يسع من الحبايب ألف

[هدية الخالق]

المشاركة الأصلية كتبت بواسطة أم أجنادين 80

هلا هدية الف لاباس عليك

سامحيني والله ماانتبهت انك مريضة

والله حالة مش عارفة كيف مدايرين اللي يستخدموا فيها من قبل

مشكلتي مليت من الحلوة رغم انن ايدي خفيفة فيها الباين بنرجعلها نعومتها مافيش منها

علي قولت يبدا بنخص

شن الحللللللللللللللللل

الله لا يوريك باس حبيبتي مش مشكله ولا يهمك
وأحسن حاجة إنك رجعتي للحلوة أفضل خيار هي بصراحة حتي أني اللي ما نعرفش نديرها لجأتلها وخلاص تساعد فيا مع الماكينه بديت ندير بالحلوة هيا الاولي بعدين نمشي بالماكينة عالشعرات الصغيرة
الله يعين النساء وخلاص

[هدية الخالق]

المشاركة الأصلية كتبت بواسطة أمل ليبيا

السلام عليكم

كيف حالكم حبايبي

ام فروسه واوشي واثري وسوسو وهديه وجنوده

ان شاء الله تكونو بخير انتم وكل احبابك


طبعا اني مانحكيلكم سنه اولى امووووومه شن دايره فيا

لكن الحمد لله نعطي لنفسي 70% كويسه ننفع نكون ام


وفطومه ماشاء الله عليها ربي يحفظها نحسها بدت تكبر وحتي النوم في الليل بدت اطول مع ال8 او 9 نرضعها ونغيرلها وتقعد في حضن بابا لانه يسهر واني نمشي نرقد وحتي هيا غالبا ترقد جنبه ومع الواحد او 2 ينوض هو يرقد ويعطيهالي نرضعها تاني وترجع ترقد لكن بطنها بس لما تشد عليهامن الامساك حتي 4 او 5 ايام ياناري تبدا تعيط لين نبدا نبكي معاها لانه نعرفها ماتبكيش لما تبدا مايوجع فيها شئ
الحمد لله تعتبر هويديا ربي يحفظها ككن تشرق مني اكثر من مره وفي مره لين نحسبتها لاسامح الله بتصيرلها حاجه طول مشينا بيها للطوارئ وستر ربي والمشكله من غير صوت اكثر من مره نلهى في حاجه نجي نشوفها نلقاها تربش بايديها والاكسجين هارب عليها مش قادرة حتي تعيط لين نجري نقيمها ونحركها باش تعيط وتوا خااااايفه عليها لدرجه حتي تبدا راقده نجي نحطها في حضني ونشوفلها

وماشاء الله بدت تضحك وتنغي واتبع فينا لكن للاس حسيت روحي من لما جت بديت ضعيييييفه وانفكر فيها لدرجه بنتعب نفسيا ان شاء الله ربي يقويني ويقدرني ع تربيتها مانحسبتش حب الام هكي وخوفها ع صغارها للدرجه هذه!


وعندي مشكله معاها تاني ماتبيش تقبل الحليب الصناعي بكل جربتلها اكثر من نوعيه بلا فايده طول تبدا ادف في الشيشه ولو غصبتها لااراديا ترجعه واني نبي نعاون بيه لانه حليب صدري تجيني اوقات ينشف بكل تبدا جعانه ومانلقاش مانرضعها نقعد يأنب فيا ضميري ونظايق وخلاص لاني مش قادره نديرلها حل والمشكله نفسي مسدوده ع الاكل ناكل في الشاميه ع خاطرها بالسيف ويستر الله خايفه نسمن منها وكل مانحطها ع صدري ترضع شويا وترقد ماعرفتش كل مره هكي نقعد انوض واوقات نرقدها وخلاص والحمد لله نتعلم فيها ههههه باش نبدا خبره مره اخرى

اهلين أموله شن اخبارك إنتي وفطووم ليك وحشه
الله يعينك والله إنتي نفس حالتي حتي أني عاندت بنتي بروحي في الغربه رغم إنه حماتي كانت معاي في نفس المدينة قعدت معاي الثلاثه أيام الاولي فقط وبعدها معاد شفت وجهها ليوم العقيقة والله بنتي عمرها عشرة أيام شادتها بيد ونغسل في الماعين باليد التانيه كنت نقعمز ونبكي بروحي نقول كان معاي اميمتي راهو مش هذا حالي لكن اهو الحمد لله شن صارلي أني وبنتي ربك في الوجود وما ينسي حد والفضل بعذ الله سبحانه وتعالي لزوجي الغالي ربي يحفظه كان معاي خطوة بخطوة وحتي بعذ الاسبوع لما بدي يمشي للجامعه كل شويه يتصل ويسال علي حالنا وكان نبوأ حاجة ويقولي شني نجيك والا تقدري بروحك
المهم بالنسبه للرضاعة نقولك حل أني زمان كنت نخلط في حليبي مع الصناعي هههههه ونعطيلها فيه والله ترضع لأنه كان زيك حليبي شويه ساعة نشفط وفي الأخير يطلعولي رقمين بالكثير والمشكله الحليب الصناعي يديروا فيه صامت باش العيل مايتعودش علي بنته الحلوه ويسيب الطبيعي لهذا أني كنت نخلطلها فيه مره مع حليبي ومره مع رقم أو رقمين أعشاب كمون ولا فليه عالأقل يحلو الحليب شويه
وان شاء الله لا باس عالاموره من الشرقة ممكن ما تجشئيش فيها ترضع وترقد طول حاولي تجشئيها قبل لا ترقد وخليها علي جنبها وشوفيها كل شويه
أسفه عالتقرير الطويل اللي كتبته هههههه

[هدية الخالق]

سوسو لاباس علي حمودي إن شاء الله بالشفي عليه

والف ألف مبروك نجاحه إن شاء الله عقبال الشهادة الكبيرة وعقبال ما تشوفيه عريس وتفرحي بيه هوا وخيته

[هدية الخالق]

أوشي شن اخبارك يا غاليه وكيف حال الصغار شن صار عزمتي سلفتك ومرت خوك ولا مازال