** ليبيا زين علي زين ليبيا ورد وياسمين ** تجمع الليبيات

[اوشي]

هلا ام نرجوسة

انستينا ياحلوة وان شاء الله معرفة خير ومحبة

[اوشي]

المشاركة الأصلية كتبت بواسطة sosolibya

كيف حالكم حباااااايبي وشن أخباركم

جيجي حتى أنا مافهمتهاش الجملة ....؟؟

اوشي ربي يسعدكم والله ريم اليوم بلهوووووووووون تجي واقفة شوية وتبدأ تعيط وتدور فاش تشد وتطيح وتتكي طول عى ودنها بلهون مرخية وفاشلة شوي تبدا ناشطة

المهم شنو هم الهيموبولوجين

هلا حبيبتي..

كيف حالك وحال ريومي ’’ الهيموجلوبين هو نسبة الدم بس ننصحك اديري الها تحليل كامل

والله الا شغلتني الها كم يوم مريضة ماتسكتيش شوفيها عند احسن دكتور اطفال عندكم

___________________________

وبالنسبة للقميلة ... نفس ماقالت هدهد هي البابونج او الفلية صحيح

[اوشي]

فروستي .. وسوسو

حتى نحنا هنا مانعرفوهاش البقوليات

بس اهم شي عندنا التمر والحليب والحلبة والعصيدة بالسمن او الزبدة الوطنية

وبرودوات بالخضروات وفواكه وروينا ساخنة والعسل

[ام نرجوسه]

سلمك اوشي وان شاء اﻷه تكون معرفة خير علينا جميعآ. وتوة خلونا نتعرفوا عليكم وخاصة المقيمات برة بالك في وحدة مقيمة في هولندا والا تعرف حد ليبي مقيم في هولندا خاطري نتعرف على عوائل ليبية مقيمة في هولندا ليه سنتين ونص مكسدة من غير معارف

[جوهرة ليبيا]

هلا ام نوسه

كيف حال وحال ؟؟؟ اظن عندك بنوته والله اعلم

انا طرابلسيه ومقيمه فيها وراجلي حتي هو طرابلسي

عندي بنوتين زي العسل ريناد عمرها 3 سنين وايام وجمان اليوم كملت شهرين ربي يحفظهم


عرفينا عليك اكثر

[جوهرة ليبيا]

الله يسلمكم سوسو وهدهد والحمد لله علي نعمه الصحه وجميع نعم الله

قاعده نستني في راجلي مروحش جهزت غداي ودوشت وغيرت ومقعمزه مع بنوتاتي الحلوات نستوا في الغالي

[ام نرجوسه]

اهﻵ اختي جوهرة ليبيا
والله انا ما عنديش بنية كانت عندي بنية وتوفت في عمر الشهر وكانت اسمها نرجس. وتوة عندي ولد أسمه حمزة عمره ستة شهور
ربي يحفظلك عويلتك ويفرحك بيهم

[dr.loly]

عذرا فيثاغون
ليبيا هى المعادلة الأصعب
..
..
عذرا دافينشى
... ... الفتاة الليبية اجمل من الموناليزا
..
..
عذرا افلاطون
ليبيا هى المدينة الفاضلة
..
..
عذرا نيوتن
ليبيا هى التى تجذبنا
..
..
..
..
عذرا آديسون
ليبيا هى مصباح العالم
..
..
عذرا روما
كل الطرق تؤدى إلى ليبيا
..
..
عذرا ديكارت
أنا ليبيا إذا أنا موجود
..
..
عذرا أيها الصباح
ليبيا هى اشراقتى
..
..
عذرا روميو
ليبيا هى حبيبتى وستبقى حبيبتي الغالية

[dr.loly]

مرحبا أم نرجوسه
الله يرحم بنيتك طير من طيور الجنه بأذن الله تعالى وربي يحفظلك اوليدك ان شاء الله

للاسف مافش مغتربات من هولندا ف تجمع

انا ف بريطانيا وفي ام اجنادين وامل ليبيا في أمريكا

وهدية الخالق وخولــة في كنداااا


شن الجو عندكم ف هولندا هالايام؟؟؟ ومتغربين عشان دراسه ؟ او شن

[اوشي]

السلام عليكم ورحمة الله وبركاته

كيف حالكن جميعا ياغوالي ..

قاعدة نجري ونجهز ونحضر .. ربي يسترني