التجمع المغربي الجديد لتجديد الامل و مرحبا بكم من كل بلد

[Oum meryam]

فكرة زوينة هدي وكل وحدة تدكر الأخرى تقول ليها واش إستغفرتي اليوم في صراحة أنا بزاف ديال لحويج تنببغي نديرهم مي مع الخدمة تنحس براسي عيت غير تنجلس شوية عيني كيتغمضوا في صلاة الفجر تنحاول من فرق سجادة تننقول أدكار صباح وتنختمها بلإستغفار 100 وأحياانا في بعد صلاة العصر تندير 100 مرة وكلما تفكرت تنقول أستغفر الله ولكن بشكل يومي ومنتضم مكنديرش وهد هي مشكلتي

[Oum meryam]

المشاركة الأصلية كتبت بواسطة سلطانة زماني

آه راه مدر للطمث و كينظف الرحم .. إن شاء الله تكوني حاملة و ما تحتاجيهاش

إن شاء الله ومادلك على الله بعزيز

[يآ أرحم الرآحمين]

أنا باقيالي أشعة الصبغة ما درتهاش ... كيقولو عليها مؤلمة ...

[Oum meryam]

صبري بلاتي متزربيش معرفتي الله يسر لك في هد شهر
بالنسبة لي أنا كانت مؤلمة ديك ساعة مي ألم محتمل نقول ليك على بروسيدير أولا نهار كتجيك دورة كتعيط لمركز راديولوجي باش تأخدي رونديفوا حيت هي كدار مابين 8 و 10 من أيام الدورة ماخصش إكون جماع قبل منها وغادين إعطيوك تريتمون 3 أيام قبل spasfon lyoc حبوب أو واحد الكبسولة كديريها من دبر ليلة قبل أو نهار الأشعة نسيت على سميتها هديي كدير ليك الإسهال في البلاصة وعاد كتشري واحد المحلوول هدا هو لي كيحقنوا ليك في صراحة نسيت على سميت
هداك spasfon تيخفف عليك الألم هدا نضام في المغرب عندكم الله أعلم وساعة الأشعة تيدخلوا فيك واحد الآلة هههه مع إنت خوافة نو نو عادي بحالة غادة تولدي وتتحسي بيها حقنت سائل حيت كلما تيمر مع الأنابيب تيجيك ألم بحال ديال دورة وطبيبة كتبقى تهدأ فيك وكتقول لك دوري على الإيمن وكتجي تقاد ليك الوضعية وتمشي تاخد صورة وهكدا حتى كتاخد جميع صور من جميع الجهات تقريبا 10 دقائق وفي البلاصة كتجول لك واش كاين إنسداد أولا أنا في البلاصة قالت لحمد الله لقرون تيدوزوا ومن بعد رجعت خديت تقرير وديتوا لطبيبة تاهي قاالت مزيان لهلا يوصلكك ليه ويارب تحمل هد شهر

[يآ أرحم الرآحمين]

الله يسهل أمرك يا أم مريم ... شكرا على التوضيحآآت
شوفي انا مشيت للطبيبة الخاصة اللي قزلت ليكم فقصاتني ما بغاتش تشوفي البويضات ... المهم طلبت منها اشعة الصبغة قالتلي بلاتي ما نصحكش بيهم و قالتلي كون كنتي محتاجاها نوصفها ليك قالتلي الى كان شي التهاب في القرون راه كيبان عندها الفتحات ملتهبين ولا شي احمرار قالتلي انتي معندك لاش ... و زيد قالتلي راه الى وصفتها ليك هي اللي رابحة حيت الثمن ديالها 150 اورو و هي اللي كديرها حيت طبيبة خاصة وو راتني داك العجب فيه سائل ازرق ياك ؟ المهم دكشي طويل شوية ... ايوا هانا غنتسنى على ربي يرزقني فهاد الشهر وشكرا لعى الدعوات الله لا يخطيك أحبيبة وربي ييسر أمورك حتى انتي . ايوا هانا عاودت قصة حياتي

[ommohsen]

شكرا ليك أختي باسم الله العظيم الأعظم . أختي للتغلب على الشياطين يجب الوضوء الكبير والصغير وفاش توضاي وتكملي غتشدي ماء ديريه في زلافة وتقراي فيه مايلي: المعوذتين 7 مرات لكل واحدة وسورة الإخلاص 4 مرات و آية الكرسي 9 مرات وآية النور 9 مرات غنحطهالكم باش تعرفوها. فاش تكملو القراءة بذلك الماء غدهنو يديكم إلى المرفقين 3 مرات والوجه 3 الأذنين 3 من الداخل والخارج ديال الأذن غتشدي داك الماء الباقي ترشي منو في زوايا الغرفة لي تنامي فيها يعني الأركان 4 وتدفقي شوية في عتبة الغرفة والعتبة ديال داركم باب المنزل بعديها رشي شوية بلاصتك ماتفزكيش غي شوية وانا كنتحدا أي شيطان يدخل هده الغرفة قبل النوم غتنفضي فراشك وتقراي في يديك مع النفث المعوذتين والإخلاص وآية الكرسي عدد ماشئتم ودوزي بيديك على جسمك كلو وفراشك وقولي :أعوذ بكلمات الله التامات من شر ما خلق 3 مرات وأعوذ بكلمات الله التامة من كل شيطان وهامة كل عين لامة 3مرات و باسم الله أرقي نفسي من كل شيء يؤذيني ومن كل عين حاسد الله يشفيني 3 مرات وحطي القرآن الكريم قدام جنبك الأيسر ونامو في أمان الله داوموها فقط 7 أيام غتشوفو فرق كبير إن شاء الله

[ommohsen]

هانة كليتها لكم راه لقيتها واحد اﻻخت كاتباها وحطيتهالكم الي بغي يديرها ويتوكل علي الله راه رتاحيتلها وزوينة بسم الله نبداوها كاملين بتوفيق

[Oum meryam]

ها واحد السلام عليكم
نهاركم مبروك

[Oum meryam]

[Oum meryam]

المشاركة الأصلية كتبت بواسطة سلطانة زماني

الله يسهل أمرك يا أم مريم ... شكرا على التوضيحآآت
شوفي انا مشيت للطبيبة الخاصة اللي قزلت ليكم فقصاتني ما بغاتش تشوفي البويضات ... المهم طلبت منها اشعة الصبغة قالتلي بلاتي ما نصحكش بيهم و قالتلي كون كنتي محتاجاها نوصفها ليك قالتلي الى كان شي التهاب في القرون راه كيبان عندها الفتحات ملتهبين ولا شي احمرار قالتلي انتي معندك لاش ... و زيد قالتلي راه الى وصفتها ليك هي اللي رابحة حيت الثمن ديالها 150 اورو و هي اللي كديرها حيت طبيبة خاصة وو راتني داك العجب فيه سائل ازرق ياك ؟ المهم دكشي طويل شوية ... ايوا هانا غنتسنى على ربي يرزقني فهاد الشهر وشكرا لعى الدعوات الله لا يخطيك أحبيبة وربي ييسر أمورك حتى انتي . ايوا هانا عاودت قصة حياتي

آمين أختي والله يسهل على الجميع
إيوا الحمد لله ملي كل شي مزيان أختي طبيبة تعرف أحسن منا تبعي كلامها إن شاء الله ربي يرزقك ومتحتاجي لا أشعة لا أعشاب رتاحي مع راسك وشغلي نفسك مع إبنك وزوجك لأن النفسية مهم واخة أنا لي كنوصيك قاهرة راسي بتفكير ههههههههه