لي 14 اسبوع حامل ونزل دم بليز مساعدتكم

[الغلا من الله]

السلام عليكم ورحمة الله وبركاته

مرحبا بنات اشلونكم

حبيت اخذ استشارتكم لاني حيل تعبانه وحتى العيد ماعيدته لانه منعني الدكتور اني اقوم من السرير يادوب للحمام تكرمون .

لانه قبل العيد بيوم نزل معاي دم ورحت المستشفى ودكتوري عطاني ابر تثبيت كل ثلاث ايام وتحاميل شرجيه باليوم 3 مرات ..وهذوله تثبيت هم
وحيل خايفه الحين مر اسبوع على الحاله هذي والدم ينزل علي كل يوم الصبح بس والظهر يوقف ..

وانا حامل بتوأم ولي 14 اسبوع قالي انه مشيمه واحد منهم نازله وارتاحي .. وموعدي معاه من رحتله بعد اسبوعين مر اسبوع باقي اسبوع واروح للدكتور ..

بنات في ضرر تهقوون امانه طمنوني ..

[يارب ترزقني بطفل أضمه]

ياقلبي الغلا انصحك بالراحة ثم الراحة ثم الراحة التاااااااااااااااااااااامة وارفعي رجولك عن مستوى جسمك شوي لان نزول المشيمة علاجة والله الراحة التامة ياااااااااااااااارب بها الساعة بين الاذان والاقامة انه يثبت حملك ويتممه على خير وكلي الاشياء الي فيها نشاء مثل المهلبيه ولو قدرتي حطي ملعقة نشاء مع الماء ممتازة جدا والله يحقق امانيك يارب

[**سماسم**]

الله يثبت حملج يالغاليه ويقومج بالسلامه أنتي وتوأم ..
وفي حالتج ألزمي الراحه التامه وحوالي إذا نمتي ترفعين ريولج وخليج حريصه على مواعيدج وهي كلها فتره وتعدي إن شاء الله بسلام
,,

[الغلا من الله]

مشكورات على الرد السريع ويارب الله يوفقكم ويرزقكم على حسن نيتكم ..

وانا الحين مرتاحه وعند امي ماتحرك ..

وان شاءالله اعمل على نصايحكم فديتكم ...

[ام شمس]

حبيبتي اهم شي ترتاحي راحه تامه والله انا مثلك في حملي في ابني نزف مستمر وولدت احلى برهومي والان ايضا حامل وهم صار عندي نزف وتوقف من الشهر الرابع بس لاتخافي والله معك

[Salma]

حبيبتي الله يثبت حملك

مثل ما قالوا لك الاخوات
عليك بالراحه التاامه و ارفعي رجولك شوي

و ان شاءالله ماعليك الا العافيه ،،

و طمنينا عليك بعد الموعد

[abrar]

[quote=**سماسم**;355874]الله يثبت حملج يالغاليه ويقومج بالسلامه أنتي وتوأم ..
وفي حالتج ألزمي الراحه التامه وحوالي إذا نمتي ترفعين ريولج وخليج حريصه على مواعيدج وهي كلها فتره وتعدي إن شاء الله بسلام

[dabdoba363]

انصحك بالراحة.انا كنت حامل ويوم العيد نزل مني دم لأني تعبت كثير مع التنظيف والحلويات اجهضت.الحمد لله