** ليبيا زين علي زين ليبيا ورد وياسمين ** تجمع الليبيات

[sosolibya]

السلام عليكم كيف حالكم يا أغلى الناس..


تسريحة ذيل الحصان..

[sosolibya]

المشاركة الأصلية كتبت بواسطة اوشي

هلا سوسو ...

ربي مايجيب الزعل بينا قولي امين ..

انا قبل مانفتح التجمع مشي شفت المشاركات الجديدة في ملتقى العضوات وما القيتش

تجمعك يمكن مع كثرة مواضيع الملتقى مشى للصفحة الثانية وما انتبهتش

فقررت اني نفتح التجمع

مافيش مشكلة مافيش فرق بينا المهم في النتيجة ان نتلاقاو ونهدرزو..


وفتحته ودرت الكن جو فيه وبعض الكلمات ...

كلماتك كانت راقية وجميلة جدا.. أشبه بوتر أنغام يلبس القلب..


ماقلتوش شن رايكم في الكلمات

المشاركة الأصلية كتبت بواسطة جوهرة ليبيا

السلام عليكم ورحمه الله وبركاته

كيف حالكم اليوم ربي يدوم هاللمه الحلوه مع ان الغيااااااااب كاااااتر

ربي يعطيك صيحتك يااوشي عالتجمع وعالكلمات الروعه ربي يحفظك

سوسو شن بطلي مره مره هكي من بعيد وخلاص تعالي هدرزي وشن اخبارك وجو الصغار في هالصقع

اليوم الجو حلو مشمس امشيت هدرزت في حوش بوي كان يوم يهبل وحلوووو ربي يدوم هاللمه ويحفظ امي وبوي وكل عويلتي الغاااليه

والله الحمد لله أمورنا تمام

وخامديييييييييييييين في الصقع وخلاص ولما تكون فيه شميسة تلقينا في الجنان.

وطبعا إلى اللقاء أيها الريجيم حتى الصيف القادم..

ههههههههه أول مرة نقتنع ان الشتاء يبي الماكلة جووووووو .. والله حالة ..

[جوهرة ليبيا]

السلام عليكم


كيف حالكم وشن اخباركم

سوسو كلنا خامدين في هالصقع مع اني عيل صغير صعب طلوعي

لكن اليوم الجو ايهبل

راجلي وخوه وامه في الحوازه من بعد الفجر توه جئ قال الجو متمليش منه

داروا بورديم وشاهي بالعاله داراته عزوزتي

تو بيدوش راجلي وبيجئ يحكيلي ههههه

[sosolibya]

مساء الخير

كيف الحال وألأحوال..

اليوم كان شاق وجميل جدا..

الصبح كله في حوسة الحوش وطمان وقالبة الكوجينة وفرشتها لأن صقع..ا
ومن الصبح مشيت خديت من امتعيني سمدينة ودرت بسبوسة وعسلتها وعجنت خبزة الخضار مممممممم سلمك ليا جنودة بطريقتك درتها تهبببببببل تفتكري زمان أثري في رمضان لما قلتي توا بعد العيد تجي مع طويسة شاهي..

المهم والغداء والله فااااااااااااااادة من التطييب عندي طبيخة قلت توا نسخنها وجابلنا رالي دجاجة محمرة وتغدينا في الكوجينا بعد التفريشة وزارقة فيها الشمس جووووووو .. مش عادي..

وبعدين بعد الغدي

رفعت سونية بسبوسة ومن الخبزة.. ومشيت لإمتعيني..

وبعدين عبيت سونية بسبوسة ثانية.. ومشيت للبناويت ((بنات عمي))
متلاقين في شراك ليم بابا..

ايه وبس درنا قهوة وجو ..

وتوا جيت وقعمزنا في دار المعيشة والدفاية والعة والتلفزيون جووووو حلو تحسي بالبيتوتية ..

اه بالتفصيل الممل.. هو هذا مش تبوني وستاحشتوني خخخخخ تحملو الهدرزة واستمتعوا...

شنجكم انتم

[sosolibya]

بناااااات شوفو أخر أخبار أمولة..





حب لا ارادي سبحان الله لكن اي كانط سليب!!!!

[sosolibya]

هدية رحم الله جدك وجعل مثواه الجنة..

أوشي كيف حال العروسة الجديدة وشن جوها معاكم..
وكيف حال ردينة

أثري شن صار في أمك بعد تونس
وشن أمورك مع ألأطفال إن شاء الله بخير

جنودة شن جو قرايتك وتكلمي في عيالك ولا ...؟؟
وكيف حال امتعينك..

حبيبة حاتم ماشااااااااااااااااااااااااااااااااء الله على الحاجات يللي درتيهم في حوش عيالك ماشاء الله قريب10 حاجات سهفتيني..
فالحة ماشاء الله

واحكيلي على عيلتك شكلك بنت وحدة زيني

جيجي شن جو البنات وش أخبار رنودة غايرة من جمان ولا لا..
وشن صار في الفخاد يللي تبلتيهم

راني قاعدة نقرأ في صفحات التجمع ألأول ههههههههههه

أم معاد لابأس عليك الحرق
أم ورد كيف حالك وحال البيبي
أم وسونة وأخيرا طليتي من جديد ياحلوة..

فر ووووووووووووسة شن أخبارك ياقملة ههه قصدي ياقمرة
وشن جو الصغار
وبنقول حاجة والله ماهي قفاصة لكن حسيته التشيز كيك ياخد هللللللللللللللللللبة صح يعني حكتينن فيلادليفيا
وباكو كيري وحكتين قشطة وقريب 1 ولا 2 شانتي..

مش عارفة حسيته هلبة وخصوصا الجب زي ماعرفين أنا فااااااارة جبنة ههه وماتهونش عليا وخصوصا خايفتها الكيكة متعجبنيش ولا حاجة لأني مش ذايقاته قبل..

[dr.loly]

السلام عليكم ورحمة الله وبركــاته ..


كيف حالكن اخواتي الغاليات جميعآ ..




اااه ياكرعيا وراسي لبيوم قضيناااه برا ككالعاده سبت


بس هالسبت غير لانه زحمــة بشكل لا يوصـــــــــــــــــــف عشان كرسمهسم


يادوب حصلنا نخشوا م زحمة للنيكست شريت دبش فساتين وجاكيتات ودبش شتوي ل الولي


لان الاثنين تبدأ قرايتي ان شاء الله


وماعندهش دبش طلوع واجد اغلبه دبش حووش

طبعآ هم ح يقعدووا في الحضانه في نفس المبنى


انا رضيت نقرا هالكورس عشااان فراس الحق حرااام انحس قيه ديما خاطره يطلع اهو يلعب مع اطقال بعمره


ويعلموهم بعض الحاجات هذا ليش وافقت عجبني العرض ان فيه حضانه اطفال

بس يستر الله من الآء لانها عياااااااااااااااطة وتخاف من الوجوه الجديدة




اذا كان اليوم في المطعم ختمتها لنا ختام سمح وااااء ووووووووع هههههه ازعجنااا الناس


ع اساس هو اوبن بوفيه يادوب جبت مقبلات وبنبدا نجيب وجبة جابلي ابو فراس ههههه
ماقدرتش نسيبهااا



وفراس حتي هو ماقصرش قعد يبي ينطلق ويحول من كرسي الاكل

عمومآ اللي عنده اعويله هذا يقعد في خوشه خيررر اسطوانه ام فروسي لابوفروسي ف كل طلعه خخخخخخخخخ

وهو يقولي الله غالب جو ف سن صعبه ونا نقوله النااس يقولوي هك اسه ف كروستهم

لا ماما نبي حمام لا نبي هذه لا تعنيد والله ماعاد عرفنا خخخخخ









عموما رقاااالي ومانش ماشين لا فرنسا لا مريخ

ما لنا الا بيتنا الدافئ ..



ع سيرة الدفاااااااااا



تحكن ع السقع يابنااات بس بعد جيت هنا عرفت السقع الصح

اذا كان بعد تقعد 7 او 8 درجة الحاراه الايام هذه نفرحوا

ونفتح الشرفااات وباب الحديقه الخلفيه نهوي ع قد مانقدررررررررررررر


مش تحت الصفر خخخخخخخخخ


يانا عليا الايام الجايه بنطلع ف درجة حراره 0 ومرات اقل


بس الكروووسه فيها غطااا المطر يدفي حتي شوي ومن الريح


ونا ندفي روحي تدفايه باهيه وخلاص وهو قريب المركز مش بعيد اصلا نهاية الشارع بعد الحديقه

[dr.loly]

فر ووووووووووووسة شن أخبارك ياقملة ههه قصدي ياقمرة
وشن جو الصغار
وبنقول حاجة والله ماهي قفاصة لكن حسيته التشيز كيك ياخد هللللللللللللللللللبة صح يعني حكتينن فيلادليفيا
وباكو كيري وحكتين قشطة وقريب 1 ولا 2 شانتي..

مش عارفة حسيته هلبة وخصوصا الجب زي ماعرفين أنا فااااااارة جبنة ههه وماتهونش عليا وخصوصا خايفتها الكيكة متعجبنيش ولا حاجة لأني مش ذايقاته قبل..

اخرتها قعدت قمله خخه خ ف اللحظه الاخيره تحولت لقمره به نايس بكل

هذه التشيز كيك وكل ماتبيها عاليه تاخد اكثر

نا وابو فروسي اندير ف طاجين صغير 7 انش تاخد علبه من كل شئ
بس كان جو شباب ندير ف متوسط

والتشيز كيك اللي يذوقها يدمنهاااا



وانواع هــي

مرة بنت عمي دارتها لمدرسات صاحباتها قالت كلفتني 40 جنيه طاجين كبير

عن نفسي بم انها دسمة اشوي مرات الطرف او 2 ناكلهن ك عشاء هههههههه


وفي ليبيا ماعندهمش عليها واجد الناس او مايعرفوهش


بس الحق تستاهل هي وتبي دقة في التحضير

[dr.loly]

المشاركة الأصلية كتبت بواسطة sosolibya

بناااااات شوفو أخر أخبار أمولة..




حب لا ارادي سبحان الله لكن اي كانط سليب!!!!

ههههههههههههههههههههه والله الا انا والولي هذه جانب من قصة المعاناة اليلية >> صح نفس الشئ من ايامات حملها مانقدرش نرقد براحه لانها نازله وصعب نتقلب
وبعد جبتها بسلامتها كانت صعبة كأني اول مرررره

فراس كان هادي ربي يحفظه مش نفسهااا بكـــــــــــــــــــل


وماما تقولي البنات واعرات نقوله غل تهووني عليا بس ههه

اخر موقف للسيدة الاء

امس نجدا فيها ماما خليني نرقد ساعتين بس ف الليل متواصله


لان بعد نوضتين ف الليل خلاص يهرب نوم صعب نرد نرقد بسهوووله

ناهيك ع اني لازم طبعي انوض بدري


وامس نايضه 5

وكان عزووومه

حتى كسكو جاف جا عليك فضيحة بدون وعي نشتغل ف مطبخ



وبعد جيت بنقيل ع 4 بعد عدو وعدا معاهم ابو فروسي بيقروااا
ف حوش اخر


خشيت وناااضت الاء قعدت نغفي

وهي تكر ف شعري و وداني وتحط صبعها ف عيني

اخرتها عضتني في ظهري من تحت رفعت الفانيله ونتشتني اهئ اهئ

ونا نجدى فيها الولي ارجووووووووووك


صبيت اخرتهاااا درت قهوة مركزة وهي قمة بالنشاط

وقعمزت ع طاوله اه أأأأه نبي نــــــــــــــــــــــــرقد وفي يدي قهوتي

I want to sleeeeeeeeep


تجي الولي وتمسك كراعي فجأه نعيطها عيطه خخخخ


ماتوقعتهش تجي تززحف وتشد كراعي بسرعه







هذا ليش قتلك الصورة تمشي معاااايا 100%

[جوهرة ليبيا]

جيجي شن جو البنات وش أخبار رنودة غايرة من جمان ولا لا..
وشن صار في الفخاد يللي تبلتيهم

راني قاعدة نقرأ في صفحات التجمع ألأول ههههههههههه

********************************************
********************************************
الحمد لله اميراتي العسولات الغاليات بالف خير عندك جماني شوي مزكومه

رنوده عادي مش غايره لاني حريصه اني انحببها فيها ومانفرقش بيناتهم حتي لو قاعده صغيره باش تتعود

وتخاف عليها صبية حوشي اللي يمسها من الصغار اتكشخ اعليه خلي وخيتي الحلوه ههههه ربي يحفظهم


الفخاد والله اتصلت بيا بنت خالته المعزومه قالتلي توه قوليلي كيف درتيهم راجلي طول الطريق يشكر في البورديم ههههه

طبعا تاني يوم كان الدجاج واخد التتبيله كويس حطيتهم كل اربعه افخاد في كيسه الشواه امتاع الدجاج وانحط في الطنجره
نص ساعه وشوي وكانوا طايبات لين مهبزات لكن الحق متفترشوش

ولما كملت كميتي رتبتهم في الطنجره نفسها وهما سخان ودرتلهم بياضه فوحتهم بيها ووليت بعد ساعه زدتهم وحده تانيه

طلعوا الحق حلوات وكلهم عجبهم وحمدت ربي لان مرات اتصير تبدي عارفه ومتمكنه من الحاجه والصدفه في العرزومه تعفس فيك


اقري الصفحات كوووووووولهم باش امعادش اتعاوديها واتغيبي ههههه

وسفهتيني في تقعميزتكم اليوم عالغدي وفي الحوازه دوم اللمه الحلوه

عندي قريبة راجلي انزادت عليها بنوته في الزاويه بنمشوا بعون الله مش عارفين امته بدير اللمه امتاعها تو نخطم عليك هههههه

والله نتمني من كل قلبي بس مشكله راجلي مايتقبلش ومعظم الرجاله