تجمع الجزائريات المتأخرات في الحمل و أهلين بالتونسيات الغاليات

[صبورة]

المشاركة الأصلية كتبت بواسطة nourelhouda

ياطيكم الصحة الزينات،،،،،،،
صبورة و الله ماخلا فيا والو راه ذبلني و ذوبني ههههههه ،،، ربي يخفظو،،،،،
ايه اختي مازالها مازال ما كملتش الماترنيتي تاعها حتى فيفري تروح،،،، راهي رايحة تهبل كل ماتتفكر بلي تروح و تخلي وليدها تقنط ،،،،،، راهي غايضتني بزاف،،،،،راتهيلي انا خالتو و من الجزائر لبويرة ماكاش بزاف المسافة و هكذا كبدتي تتشوط عليه ،،،،،اتخيلي هي تروح بعيد ،،،،، ربي يعطيها الصبر،،،،،

نور الهدى
ربي يحفظوا ما شاء الله ماحلاه في هاديك الصورة الله يستروا من العين ..قوليلي بدا يخرج لسانوا و يضحك؟
اختك راهي قسمت لي قلبي لما قلتي رايحة و مخلياتوا ..صعيبة بزاف عليها مراهيش مسافرة من مدينة لمدينة راهي من بلاد لبلاد و بيناتنا بحر..يعني ما نظنش تصبر عليه...و حق لما تسافر عند من تخليه..ياك الوالدة انتاعك عايشة في الغربة؟

[حياتي قمراتي]

اهلا
نور على سلامتك حبيبتي حسونة ربي يحفظو ...
كي تروح ماماه يقعد في داركم ؟
الما الزينة على السلامة راكي مليحة
بسومة الله يسترك و بسمة تهل ي يحفظها صح متبدلة خلاص
حبيبتي نور درتيلي لي قلتلك ؟؟؟

[حياتي قمراتي]

الله يرحمها ام مرت عمك
مريومتي ري يعطيها وقفة ساهلة ياك راهي مليحة ؟

[barbi alg]

سلام بنات
اني راح نموت السطر قاتلني تاع الدورة
صباح درت شوية قرفة مع خزامة وشربتهم حسة قروني راح يخرجو
قولولي واش ندير محبش يحبس

[حياتي قمراتي]

[حياتي قمراتي]

[rayhana05]

المشاركة الأصلية كتبت بواسطة nourelhouda

السلام عليكم يا الزينات واش راكم لاباس!؟!؟!؟!
كنت في العاصمة في دارنا هذا وين جيت،،،، كنت مع حسونتي يا عمري يهبل،،،، انا وقيلا نروح نسكن في دارنا على جالو،،،،، ،،،،
راني هدرت مع مريم راهي شوية مسكينة ديكلونشاوها و الكول تحل 3دوا،،،،،، راهم غير يعونو فيها ،،،،،، ادعولها ربي يعطيها وقفة سهلة يا رب،،،،
قالتلي سلمي عليهم كامل و قالتلي غير نولد نعيطلك،،،،، انا غدوة اذا كتب ربي نعيطلها و نطمن عليها و نطمنكم،،،،،
دوركا لحقت لداري غير دخلت عيطتلي اختي قالتلي بلي أم مرت عمي ماتت الله يرحمها،،،،،،، و الله غاضتني مسكينة كانت امرأة هايلة و تحبنا بزاف،،،،، ادعولها ربي يرحمها، مسكينة كانت تدعي تحضر لعرس وليد عمي " وليد بنتها" و الحمد لله حضرتلو،" وليد عمي اللي تزوج الشهر اللي فات" و قولنالها تحضري لولادو ان شاء الله قالتلنا ماشكيتش مسكينة كانت حاسة بلي تموت،،،،، الله يرحمها و يرحم جميع موتى المسلمين،،،،،
انا اليوم راني صايمة اليوم اخر يوم تاع دين ديالي ، غدوة العيد،،،،، صمت عشرة ايام الحمد لله يا ربي،،،،،،

الله يرحمها و يسكنها فسيح جناته يا رب
وربي اخليلك حسونة
نور علاش متديهش عندك تربيه ؟؟؟؟كي تروح يماه
نوارة الزينة صحى فطورك و ربي يقبل ان شاء الله

المشاركة الأصلية كتبت بواسطة basouma26

ريحانة ربي يكمل عليك بخير ان شاء الله و تجيبيلنا الطمينة و نفرحو بوليدك و بنت سهام ان شاء الله هي تاني ترفد و تجيبلنا امورة
خولة يا عمري بناتك يهبلو ربي يحفظهم من العين ان شاء الله بصح عندك ما تشوفيهم يتبدلو انا بنتي من اللي كانت صغيرة لدرك تشوفي تصاويرها تتبدل بزاف شوفي غير تصويرت عيد الميلاد و التصويرة اللي في بروفايلي ماشي كيف كيف و درك راهي ان شاء الله قريب تكمل عامين

ان شاء الله بسومة
و ربي اخلليك بنتك و يرزقك باخ ليها
و اطولها في عمرها يا رب

المشاركة الأصلية كتبت بواسطة صبورة

ريحانة
الله يسلمك حبيبتي..يا رب تفرحي بشوفة وليدك سليم معافى كامل الخلقة باذن الله..و فيما يخص التلقيح فعلا كل مرة نتعطلوا و ما فهمتش علاش...و شكرا على الدعوة الطيبة هاداك يوم المنى و السعد لما نحمل ...
..

ربي اخليك صبورة و لك بالمثل انشاء الله

المشاركة الأصلية كتبت بواسطة alma021

السلام عليكم لبنات واش راكم قاااااااااع توحشتكم راني في دارنا وماقدرتش نقرا الارشيف كامل قريت شوي برك كرهت من هدا المنتدى فتحتو درك وماما كانت معايا والله غير ذبت في بلاصتي خرجولي هدوك التصاور
عندي يومين وماحبيتش ندخل خفت يخرجولي واليوم ماقدرتش نصبر قلت والله غير نحط رد حتى تبهدلت وندمت
المهم انا تبهدلت خلاااص هههههههه لازم نحط رد
نور قلبي راه عند مريم انشاء الله ربي يعطيها وقفة ساهلة وانت ربي يرزقك انشاء الله توام وتربي عليهم الكبدة اكثر من حسونة
سهام وريحانة وخولة رانا فالانتظار نشوفو اللي رح تفوز عبير رح تدخلي معاهم ولا لالا

سلمي على داركم الما
عندك ادنى شك بلي منفوزش الما؟؟؟؟؟؟؟؟
ان شاء الله تكوني لاباس

[rayhana05]

لبنات تصبحو بخير
و ان شاء الله غدوة نسمعو اخبار مليحة على مريومة
نور حنونة طمنينا عليها
وسلميلي عليها بزاف بزاف
و الله غير خلات فيد كبير هنا و الا في السكايب و الا في الفايس
ربي يعطيها وقفة ساهلة ان شاء الله

[Nourelhouda]

سلام الينات لاباس!؟!؟
خولة واش قولتيلي نديرلك!؟!؟! ههههههه راه الزهايمر داير حالة اسمحيلي،،،،
صبوة ياك دارنا دخلو خلاص دورك يقعدو في الجزائر عامين باش يزيدو يخرجو بلاد وحد اخرى ان شاء الله،،،،،،، و بابا ما قعدلوش بزاف يخرج تقاعد اذا كتب ربي،،،،، قعدولو زوج خرجات و خلاص ان شاء الله و بالاك يديروهملو في خرجة و حدة هذي الجاية و خلاص،،،،، ربي يحفظو،،،،،،
ريحانة اختي كانت راح تخليهولي بصح ماما ماحبتش على خاطر انا خدامة و سورتو كي ماما دخلت من الماريكان جات مليحة لاختي،،،،،، و انا في العطلة نهبط ادارنا نعاون ماا فيه او نجيبو لداري،،،،، ديجا راني مانصبرش عليه كل ويكند نروح حتى راجلي راه عاذرني مسكين" بالعربية حتى هو يتوحشو" كي نلحقو لدارنا يبدا يدارب معايا باش يرفدو ههههههههه" ربي يخفظ خسونتي يا عمري راني نحكي عليه و قلبي يفيبري عليه،،،،،،
راه بدا يضحك سورتو مع اميرة اختي الصغيرة غير تجي من الليسي ترفدو و تبدى تحكيلو واش صرالها في الليسي و هو يضحك و بالصوت و يلاغي معاها هههههههههههه،،،،،،،

[حياتي قمراتي]

اسمحيلي نور حيبتي راهي الرسالة متبعتتش
راني رايحا نبعتلك ميساج فلفيس بوك