تجمع الجزائريات المتأخرات في الحمل و أهلين بالتونسيات الغاليات

[Nourelhouda]

اهلا الزينات واش راكم لاباس!؟!؟!
توحشتكم بزاف،،،، جيت نطلع المورال معاكم لقيتكم كامل مورالكم هابط هههههههههه و الله حكمني الضحك قلت رانا كامل في الهواء سوا ،،، واقيلا من الجو الكئيب
واش راكم لاباس!؟!؟! انا اليوم خدمت و كنت صايمة مازال ما فطرتش ،،،،،،، راني نستنى راجلي العزيز يجي باش نتعاشاو ديريكت،،،،، قعدلي 3 ايام تاع الدين و الحمد لله نكمل،،،،،،،، ربي يقدرني،،،،
سارة الزينة علاش تروحي ، خليك هنا ، هنا بلاصتك ما عندك وين تتحركي،،،،،، بالنسبة للاعشاب انا ضدهم نخاف كاشما نشرب ندير كاش حاجة في روحي سورتو مع دورك الغش راه بدون حساب،،،،،،،، انا راجلي هو اللي عندو المشكل و شرب العسل و طلع النخيل و المكسرات بصح بدون فائدة،،،،، و انا مسدتني بنت خالة عجوزتي،،،، و اعطاتني حب الرشاد نشربو مع الحليب كي الكاشي و الله غير سوفريت ضربت خمسة ايام ما دخلتش للتواليت " حاشاكم" حتى قريب متت و ليت نحس بلي " الفضلات حاشاكم" راح يخرجو من فمي،،،،،، اسمحولي قريب متت من تم حلفت على هذ الغزعبالات مانزيدش نشربهم،،،،،
ام عبد الرؤوف الدوفاستون منظم الدورة و يساعد على تثبيت الحمل اذا كنت حامل،،،،،، يعني اذا راكي بالحمل يثبتو باذن الله و اذا ماكنتيش على الاكثر من يوم ما حبيستيه الى عشرة ايام تجيك الدورة اذا فاتو عشرة ايام و ماجلتكش روحي حللي ،،،،،، انا استخدمتو ثلاثة اشهر بصح الدورة تاعي منتظمة، اعطاتهولي الطبيبة باش يثبتلي الحمل ، لان اجهضت مرة،،،،،،، و ان شاء الله تكوني حامل،،،،
ندى خيرها في غيرها،،،، صحتك اولا ربي يشافيك و يرزقك التوأم الصالح،،،،
مريومتي الزينة واش بيها العميرة تاعي،،،،،،، شدي في ربي هذو كامل الهرمونات واش يديرو هههههههه ماعليش ما قعدش بزاف،،،،،،
اسما ليال لاباس ،،،،، جومانة لاباس،،،،،،، سهام لاباس،،،،،،،،،، الما واش بيك غير الخير،،،، راه المورال صفر من الجو هذا،،،،عبير واش راكي لاباس!؟!؟!؟
توحشت كامل البنات ،،،،،، ارجعو نتلمو كيما كنا،،،،،،،

[Nourelhouda]

نور اليقين واش راكي لاباس!؟!؟! ههههههه راكي ندبتي للبنات انا خفت نحلو ههههههههههه،،،،
توحشتك و توحشت حكاياتك،،،،،، ربي يجيب الشفاء لشيخك و كامل مرضى المسلمين امين،،،،،،،

[alma021]

نور خلاص بكيت وفرغت قلبي ودرك راني نسمع فاناشيد فووووووووووور نتاع ماهر زين تعرفوه .....يانبي سلام عليك ......خلاص راني حاسة روحي بيان متعمريش راسك نور اليقين هديك الانشودة اللي حطيتيها كانت القطرة التي افاضت الكاس يعطيك الصحة وربي يفرحك فرغتيلي قلبي

[جمانة نور]

Nourlhouda نورتي التجمع وصحة فطورك ربي يجعلك في كل لقمة بركة ربي يحفظك سقسيتي علينا بالوحدة ربي يفرحك وماتنسايش تدعيلنا كتفطري

[alma021]

اهلا اهلا بنور الهدى والله غير توحشتك اختي راني هنا انا نطلعلك المورال واش خصك حكي برك ههههههههه

[oum abderaouf]

مساء الخير لبنات
هذا وين قدرت نهدر راني من قبيل داخل و كنت مع العشا
اهلا اسما ربي يحفظك ربي يفرحك
سهام راني كي القط و الفار معاك كي نجي تروحي
جمانة الله يسترك و يفرحك
الما قيسي موراك حبيبتي ياما مرينا بحالات هاكة المرا هذي هي حساسة بصح معليش ابكي باش تفرحي موراها ههه
بصح ابكي غير شوية
نور ربي يشافي ابو الزوج
عبير اسمحيلي مجاوبتكش بصح نقولك ضروك راني من جوان متزوجة و امنيتي ككل وحدة فينا اني نعيش الامومة
اترج نوال امة الرحمان طمنونا عليكم
خولة ان شاء الله لاباس
مريم حبيبتي ربي يقويك
والكل اللي حاضر ادعولي نفرح هاد اليامات يا رب
اللهم فرح كل من قرأت دعائي هذا
ربي لا تذرني فردا وانت خير الوارثين

[alma021]

صح فطورك نور الهدى وربي يتقبل نجي نفطر معاك نقولك الصح والله حاجة مادرتها للعشا كان قلبي مبلع وهداك راجلي مسكين ماهوش جايب خبر راه غير يستنى نحطلو ياكل ههههههههههه تبعثيلي شوي

[جمانة نور]

أميين ياختي alma بصح وش بيكم كامل كارهين ومديقوتيين تفاءلو والله جبتولي احباط

[alma021]

واش نقولك ام عبد الرؤوف ربي يرزقك ان شاء الله ويعطيك ماتتمناي وانشاء توكني حامل وتجي تفرحينا يارب

[alma021]

جمانة شفتي الاكتئاب يعدي
نقولك شكون عداني راااااااااااااجلي