تجمع الجزائريات المتأخرات في الحمل و أهلين بالتونسيات الغاليات

[أم صهيب2]

الشدة في الله يا لاختي ماعرفت روحي حتى لقيت روحي ماكم لاني الصراحة كرهت التجمعات والحكي عن الاطفال
اليوم درت تحاليل هرمون الحليب لقيتو طالع
وراني عارفة من تقلال والتخمام
كل ما نحكي على الدراري ولا نرد لقلبي يصرالي هاك
ولكن راح نبعد شوية عليكم وربي يفرحنا ان شااء الله

[ندى الوردة]

اهلا بنات راني مع الميناج
سارة ونور الهدى واش هذاالحزن ربي سبحانه قادر على كلشي مرت عمي 14 سنة وباش ضنات وجابتهم ماشاء الله الزين والعين الزرقاء يهبلو وضرك الطفلة عمرها 14 والطفل 12
ان شاء الله ربي يفرحكم في هاذذ الشهر ماتدليوش وين الخير
سارة ولي برك خلاص ندوروها ريجيم ههههه

[ندى الوردة]

وقصة ثانية اخت مرت خالي ستنات 4 سنين وقالولها الامل معدوم ربات ولد ماليه فقراء عطاوهولها وزادت جابت طفلة اخري يتيمة كانت عمرها عام ونص تحكي قاتلك الطفلة تلعب بالبوبي نتاععا تقمطها وتحطهالها في طرفها قداه نيوم والطفلة تلعب هكذا مبعد لمرا ماجاوهاش ليراقل راحت حلت لقات روحها حامل وذرك الله يبارك عندها طاشرون

[مريم13]

المشاركة الأصلية كتبت بواسطة nourelhouda

هههههههه خليه يدير فيك واش يحب،،،،،،،
واش نقولك يا مريم راني نقنط دخلاني و راني بديت نمرض و الله قلبي راح يتطرطق من القنطة ، نسايس فيه بصح انا راح نموت ،،،،،، راني حاسة روحي اخرتي يتطرطقلي عرق في راسي من الزعاف و الا قلبي يتطرطق، على بيها وليت ندير روحي ماعلاباليش،،،،،،، خير لي ،

بعيد الشر عليك اختي بعيد الشر
الله رزقكم يارب وما تحتاجو لا تحاليل لا والو

[Nourelhouda]

ايا سارة خليك معانا اخنا هذا التجمع دارتهولنا حبيبتنا اميرة باش نشتكيو لبعضانا و نونسو بعضانا على خاطر رانا عارفين مشكل تاعنا كامل و واحد مايفهمنا غير احنا نفهمو بعض، انا هذ الهدرة واحد ما قولتهالو غير انتم اللي نقدر نشتكيلكم و تفهموني،،،،،،،،
خلينا من هذا الموضوع،،،،،،،،كاش شتاء او برد!؟!؟!؟! احنا البرد يقطع،،،،

[Nourelhouda]

وين راكم!؟!؟!

[مريم13]

في الكوزينة

[جمانة نور]

Nourlhouda حبيبتي واش راكي نقولك حاجة برك ربك كرييييييم لأبعد ماتتصوري والله العظيم رانا كلنا كيف كيف فقط كائن من يتكل على الله حق اتكال وكاين لمعلق أمالو كلها بالطبيب ،،خلونا نتفاءل ونحسن الظن بالله يقول الله للداعي لن أمل حتى تمل فأبشرو بالخير حبيباتي نقلكم حاجة نحبكم بزاااااف والله نحسكم عزاز عليا ربي عالم

[ندى الوردة]

أهلا جمانة حنا ثاني نحبوووووك بزااااااااااااااااااااف
خليو أمالكم بالله كبيرة عيشو حياتكم وكي يوصل الوقت راهم يجيو ا
المهم القرفة مادارت والو نخليها على ربي وخلاص

[ندى الوردة]

واش درتو للعشاء أنا راجلي عرض صاحبو للعشاء هذاوين قالي والله ماعلابالي واش ندير واقيلا نقلي برك