بنات ادخلن عندي لكن بشاره ...الحمدالله حجم البويضات ممتاز

[العليا]

مرحباا اشحالكن عساكن بخير

بخبركن قصتي هالشهر و شو صار لي بالضبط

اخذت كلوميد من اليوم الثاني لين اليوم الخامس للدوره حبتين باليوم حبه الصبح حبه المسا
و من اليوم الخامس اخذت progyluton لمدة 21 لكن الدكتوره عقبها قالت كملي الين يخلصن الحبات البيضه ووقفي عليهن
و اخذت glucophage حبه يوميا لمدة شهر

و في اليوم العاشر رحت لدكتوره الله يسامحها فاشله و غرضها بيزات المهم قالت لي بعد ما كشفت عليه عندج بويضه وحده و حجمها 10 وقالت لي ما اقدر اعطيج شي الحين ووقفي لين الشهر الياي و بعطيج ابر تنشيط و بتكلفج بيزات لنها غاليه و اذا ما فادتج الشهر اللي عقبه بسوي لج تلقيح صناعي
استغربت منها و قلبي نغزني قلت حق زوجي قالي خليها ما تعرف تعالج و رديت لدكتورتي اللي من اول ما فكرت بالحمل و انا اتعالج عندها و رحت للدكتوره الثانيه تحت ضغط من اهلي و مدحوها و اخر شي طلعت ما تعرف شي غير البيزات

المهم رحت لدكتورتي في اليوم 14 من دورتي و سوت لي سونار و شافت 3 بيوضات كل وحده حجمها 15 و قالت لي بعطيج ابره اليوم و ابره باجر عشان تكبر و افجرها

خذت الابره و رجعت البيت و انا عارفه ان الابر المنشطه ما تفيدني لني اخذتها بالشهور اللي طافت المهم رجعت و يلست اكل عين الجمل و اول الصبح على الريق خذت خلطة عسل و ملكات النحل و زيت الاصلي لحبة البركه و حبوب اللقاح و بودرة طلع النخل

والله الذي لا الله الا هو رحت لها اليوم اللي بعده يعني اليوم 15 لني حسيت بالم سوت لي سونار طلعت 3 بيوضات وحده بحجم 22 وحده 20 ووحده 18

و عطتني ابرة تفجير و ان شاء الله ببدا الجماع من اليوم لمدة 4 ايام و عطتني دوا duphaston

بس عندي مشكله صغيره زوجي مسوي عمليه دوالي الخصيه صار له شهر و كم يوم و انا خايفه من هالناحيه

دعواتكن لي بالحمل السليم المعافى

[تسنيم جنة]

. يارب ياحنان يامنان إرزق أختيالذرية الصالحة وفرح قلبها بالحمل التام والسليم

ربي يرزقيكيالبنين والبناتربي كريم

[يآ أرحم الرآحمين]

الله يرزقك بتوأم حلوين
شدي حيلك و توكلي على الله وخليك متفائلة

[دلـــوعــه عـــــبوديـ]

الله يرزقك يارب حبيبتي الحمل السليم المعافي ويفرح قلبك ياغاليه

[العليا]

اشكركن خواتي ع الدعوات و ع ردكن عليه

الله يفرح قلبكن و يرزقكن فوق ما تتمنون

[الماسة26]

ربي يبشرك بالحمل السليم المعافي هذا الشهر ويطمن قلبك يا رب

[حكايةروح]

الله يعطيكي ماتتمني ياقلبي وطمنينا عليككي

[أم معاذ إن شاء الله]

ربي يبشرك بالحمل السليم المعافي هذا الشهر ويطمن قلبك يا رب

[غرام الروح]

الله يرزقك خيتي بالحمل السليم

[يارب أرزقني طفلااا]

اتفائلي هداااااا الشهر. ربي يفرح قلبك

حسب حالت زوجك. في ناس يصر حمل بعد شهرين من العمليه الدوالي وناس اقل وناس اكتر. قولي يارب بس