تجمع بنات الجزائر الحوامل

[تورية]

باينة باش تكتبي تورية درتي حورية هههههههههه

عبير انا معلباليش ختي والله مران عاقلة حتى نسقسيها بصح نظن بيتادين ولا الدواء لحمر وفنفس الوقت تكون دير لباري

[تورية]

عبير راكي تخمي فالخياطة من دوك ههههههههه وانا ران كامل نسيتها هههههههه

[عبير الحرية]

هههههههههه فوقتي بالي نخلط برك في الحروف جزائريين نفهمو بعضانا

و الله والو مانيش نخمم في الخياطة مازال الحال بعيد راني الساعة مع الوحم نتاع الهم

راني حبيت نقولك برك بعض النصائح كيفاه حنا نديرو اذا تحبي برك هذا ما كان

[تورية]

المشاركة الأصلية كتبت بواسطة عبير الحرية

هههههههههه فوقتي بالي نخلط برك في الحروف جزائريين نفهمو بعضانا

و الله والو مانيش نخمم في الخياطة مازال الحال بعيد راني الساعة مع الوحم نتاع الهم

راني حبيت نقولك برك بعض النصائح كيفاه حنا نديرو اذا تحبي برك هذا ما كان

عبير والله عندك الصح حنا الجزاءريين نفهموها وهي طايرة


عبير ايييييه نحب نعرف انا منعرف وال بخصوص الخياطة مدبيك انت مجرب ة قليلي ربي يحفضك

[عبير الحرية]

التحضير للولادة

تجهيز شنطة الولادة و البيبي و كل المستلزمات الخاصة بالام و الطفل

المشي ساعة كل يوم على الاقل

اكل التمر

الاستحمام بالماء الساخن بحيث يكون الحوض داخل الماء الساخن

و طبعا من اهم النقاط الاستعانة بالله بقراءة القران و كثرة الاستغفار و الدعاء

[عبير الحرية]

ما يتطلب عمله اثناء الطلق

ياتي كالام الدورة و يبدء بالاشتداد و قد ينزل معه ماء واو افرازات هي من عنق الرحم

النوم على الجانب الايسر

عند التقلص استنشاق الهواء بالفم و اخراجه بالفم دون الدفع دووووووووووووون الدفع حتى لا يصاب الجنين بالاختناق

الاسترخاء عند ذهاب التقلص

عدم الاكثار من شرب الماء اثناء الطلق لان ذلك يملئ المثانة و بالتلي يعرقل النزول الصحيح للجنين

عند قدوم وقت الولادة الدفع باقصى جهد دون الصراخ او استعمال العنف

[تورية]

عبير ختي شكرا و سمحيلي غدوى نكملو راجلي راه يعيط

تصبحي بالف خير و سلميلي على ليلك حبيبتي

[عبير الحرية]

و ضركة وصلنا للخياطة

مع الاول ما تحسيش بيها و لما يروح مفعول المخدر و يشبك الجرح تصبح شك ابرررر

المهم لازم تجلسي جلوس بطريقة صحيحة الرجلان ممدودتان يعني ما تقعديش مربعة خاصة اثناء الارضاع

خاطر هذا يحل الخيط و تولي في قصايص اخرين

لما تروحي ما تربطيش كرشك غير بعد 3 ايام و ما تلسيش القان حتى يرجع الرحم لبلاصته

عندما تقومي باحتياجاتك اكرمك الله و تحبي تنظفي الجرح

حضري ماء ساخن خلطي معه السافورال هذا غسول خاص

و اغسلي المرة الاولة بهذا المخلوط و شلي و من بعد اغسلي بصابون عرب نتاع القش

خاطر هذاك احسن معقم

و شللي بالماء و في الاخير ديري شوية ملح او شب في الماء شلي بيه في الاخير لكن هذا في 3ايام الاولى فقط

نشفي مليح لازم يكون الجرح ناشف

اذا حبيتي ادهني الخيط بالبتدين انا ما استعملتوش صراحة

هزي كومبراس و حطي فيها الخزامي بودرة مخلوطة مع الشيح بودرة و معجونة بزيت الزيتون

و حطيها في الكومبراس و غطي و حطيها على الجرح و من بعد حطي الفوطة و البسي الشرت نتاعك

بعدي على الملابس الداخلية من النايلون استعملي القطنية فقط

هذه الخلطة تجبد الهوا و زيت الزيتون يخلي الجرح ندي ما يشبكش و الشيح ينظف

باذن الله في 10ايام تلقاي كلشي نظاف و الخيط راح

بعدي على اكل العجائن و المؤكولات الي تدير قبض

المشروبات الغازية و التوابل

و بالشفاء ليكم

[عبير الحرية]

خسارة قعدت نهدر وحدي كي المهبولة

[عبير الحرية]

http://forum.hwaml.com/t236322.html


http://forum.hwaml.com/t146312.html