تجمع الجزائريات المتأخرات في الحمل و أهلين بالتونسيات الغاليات

[عبير الحرية]

هبوا الى العلم أبناء يعرب
كفاكم تآمرا و تحزب
و افتكوا مجدكم من أهل الغرب
****************************************
اذا اقتنعتم بنصيحتي ..صوتوا للدكتور دومير..بارسال 1 الى الرقم 66018

واحذوا حذوه ...انه أول من حاول احياء مجد هذه الأمة
Votez pour DOUMIR
Redonner la vie à notre nation
شكرا اخواننا العرب

الغيورة على بلدها و امتها

[مريم13]

ههههههههههههه عبير وحدك
انا نخليك نهبط للحفافة ندير بروشينق و نجي شعري مبلول و راسي يوجع

[عبير الحرية]

وين رحتوا ................

[بسمة روجينا]

انا هنا
سمحولي مرة على مرة ندخل تم تم نخرج على خاطر هاد الميكرو مهبلني مسكين مفيروسي يطفا وحدو اومبعد نعجز نعاود نحلو وهو ثقيييييييييل مرض الله يجيبلو الشفاء

[barbi alg]

مساء الخير بنات واش حوالكم
خاوتي اختا خولة تسلم عليكم كامل وتقولكم ادعولي راها راحت للسبيطار دارلها لوجاع وخايفة تكون راح تولد
ادعولها يا بنات تولد بنياتها بخير يا رب وترجعلنا باحلى بنتين يا رب
يا خالق النفس من النفس يا مخلص النفس من النفس يا مخرج النفس من النفس خلص اختنا خولة على خير يا رب

[أمة الرحمان السلفية]

السلام عليكم
صبورة بعثتلي ريسالة هذه

و عليكم السلام و رحمة الله و بركاته
واشراكي اختي العزيزة,اسمحيلي قلقتكم علي,,انا راني مع التعب,,و يوم السبت جيت من باتنة مباشرة الى المستشفى لعند اختي و انا نحلل فيهم ,خلاوني شفتها من الزجاج,,و من بعد رحت لدارنا و جابوا هاداك الطفل مسكين دفنوه,,و هي البارح باش خرجت من الانعاش,,على خاطر دارولها زوج عمليات وحدة قيصرية و الثانية انتاع الكبدة,,و مازالت فالسبيطار و اليوم رحت شفتها و الحمد لله انها عاشت ,,لان نسبة نجاح العملية واحد بالمئة ,,و بفضل دعائكم و دعاء كامل الاهل و الناس اللي يعرفوها ربي سبحانه كتبلها عمرجديد,,حنونة نشكرك على السؤال,,و طمني لبنات كامل و سلمي عليهم و قوليلهم يسمحولي راني قلقتهم,,

[احلى شيء الاموموة]

الحمد لله الحمد لله الحمد لله لراهي بخير اخت صبورة ...ربي يشافيها وترجعلها صحتها وتكون خير من قبل....ربي يهنيك ويفرحك يااا امة كيف ما هنيتي بالنا ...

[مريم13]

المشاركة الأصلية كتبت بواسطة أمة الرحمان السلفية

السلام عليكم
صبورة بعثتلي ريسالة هذه

و عليكم السلام و رحمة الله و بركاته
واشراكي اختي العزيزة,اسمحيلي قلقتكم علي,,انا راني مع التعب,,و يوم السبت جيت من باتنة مباشرة الى المستشفى لعند اختي و انا نحلل فيهم ,خلاوني شفتها من الزجاج,,و من بعد رحت لدارنا و جابوا هاداك الطفل مسكين دفنوه,,و هي البارح باش خرجت من الانعاش,,على خاطر دارولها زوج عمليات وحدة قيصرية و الثانية انتاع الكبدة,,و مازالت فالسبيطار و اليوم رحت شفتها و الحمد لله انها عاشت ,,لان نسبة نجاح العملية واحد بالمئة ,,و بفضل دعائكم و دعاء كامل الاهل و الناس اللي يعرفوها ربي سبحانه كتبلها عمرجديد,,حنونة نشكرك على السؤال,,و طمني لبنات كامل و سلمي عليهم و قوليلهم يسمحولي راني قلقتهم,,

يالله
تقطع قلبي عليها
بصح الحمد لله كي منعت و الله يعوضها
صبورة ما تقوليش قلقتينا رانا اخواتات ماش بالهدرة برك و الله كون جيتي في قسنطينة رجلي على رجلك في السبيطار

[أمة الرحمان السلفية]

اهلا وسهلا بيك حبيبتي واختي العزيزة الاموموة كيفاش ركي حنونة ولله غير رتحت وفرحت كي شفت الرسالة ان اليوم كنت في العاصمة عند خالتي وماكنش علابلي زوجي كان رايح عندو شغل في الدار البيضاء قتلو روح عند خالتي وانت روح الشغلك رحت الصبح مور الفجر هذ وين الدخلت رني عيانة من الهدرة دخلت نشوف الرسائل لقيتها بعثتلي انا كان عندي يومين ملي راسلتها فرحت دركت جبتلكم الخبر علبالي بلي راكم مقلقين عليها كيما انا

[احلى شيء الاموموة]

المشاركة الأصلية كتبت بواسطة أمة الرحمان السلفية

اهلا وسهلا بيك حبيبتي واختي العزيزة الاموموة كيفاش ركي حنونة ولله غير رتحت وفرحت كي شفت الرسالة ان اليوم كنت في العاصمة عند خالتي وماكنش علابلي زوجي كان رايح عندو شغل في الدار البيضاء قتلو روح عند خالتي وانت روح الشغلك رحت الصبح مور الفجر هذ وين الدخلت رني عيانة من الهدرة دخلت نشوف الرسائل لقيتها بعثتلي انا كان عندي يومين ملي راسلتها فرحت دركت جبتلكم الخبر علبالي بلي راكم مقلقين عليها كيما انا

الله يخليم حبيبتي امة .يسال عليك الخير والعافية...انا نحمد ربي راني نحسب في الايامات مازاللي 10 ايام ونروح لداري ان شاااء الله....انت لي توحشتك راكي غايبة على الساحة ما عدتيش تدخلي كيف قبل....عاد التجمع فارغ ومهجور كي يدخلة مرة واحدة ويتخباوا يتخباوا مرة واحدة كي مواج البحر تجيبهم مرة واحدة وتديهم مرة واحدة....والفت بيكم والله نتوحشكم كي نروح ...ان شاااء الله المرة الجاية نلقى اخبار بزاااف تفرح يااا رب يفرحنا بالحمل كااامل....